Jueces 18:30 - Qheshwa Biblia DC

³⁰ Chaypi Danmanta kaj runasqa llajllasqa lantinkuta yupaychanankupaj sayaykucherqanku, sacerdotenkutaj Jonatán karqa, paytaj Moisespa allchhin Gersompa wawan karqa. Chay qhepamantaj Jonatampa mirayninmanta kajkuna Dampi sacerdotes karqanku, chay waj nacionman wijch'usqas kanankukama.

DIOSPA QHELQACHISQAN DEUTEROCANONICAL

³⁰ Chaypi Danmanta kajkunaqa suwamusqanku llajllasqa lantinkuta yupaychanankupaj churaykorqanku, sacerdotenkutaj Jonatán karqa. Payqa Moisespa allchhin Gersonpa churin karqa. Chay qhepamantaj Jonatanpa mirayninmanta kajkuna Danpi sacerdotekuna karqanku, karu suyuman apasqa karqanku, chay p'unchaykama.

DIOSPA QHELQACHISQ

³⁰ Chaypi Danmanta kajkunaqa suwamusqanku llajllasqa lantinkuta yupaychanankupaj churaykorqanku, sacerdotenkutaj Jonatán karqa. Payqa Moisespa allchhin Gersonpa churin karqa. Chay qhepamantaj Jonatanpa mirayninmanta kajkuna Danpi sacerdotekuna karqanku, karu suyuman apasqa karqanku, chay p'unchaykama.

Jueces 18:30 Referans Kwoze

Jueces 17:5

Micaiaqa t'aqarqa wasimpi uj lugarta lantista yupaychanapaj. Ruwakorqataj uj efod p'achata chantá wasi lantistawan ima, ujnin kaj wawantataj sacerdoteta jina t'aqarqa.

Jueces 17:3

Micaiataj chay waranqa pachajniyoj qolqeta mamanman kuticherqa. Mamantaj nerqa: Cheqamanta chay qolqetaqa Señorpaj t'aqarqani, chanta ruwachipunaypaj uj lantita sumajta qolqewan lluch'isqata. Qanqa qhepakuyta atinki chay qolqewan.

Jueces 13:1

Israelitasqa watejmanta ruwallarqankutaj Señorpa mana munasqan imasta, chayrayku Señor jaywaykorqa filisteospa makinman tawa chunka watata.

Éxodo 2:22

Chay warmeqa Moisespaj uj wawata rejserqa, Moisestaj chay wawanta suticharqa Gersonta, pay nerqa: Runaj llajtampi karu llajtayoj kani, nispa.

Deuteronomio 31:29

Noqaqa yachani wañupusqaymanta qhepamanqa juchallikunaykichejta, saqenaykichej chay ñanta qhatinaykichejta nerqaykichej chayta. Chantaqa yachallanitaj qhepamanqa llakiykuna jamusunaykichejta, Señorpa munasqanta mana allinta ruwasqaykichejmanta, chay imaswan phiñachisqaykichejmantataj.

Deuteronomio 31:16

Chaymanta Señorqa Moisesman nerqa: Qanqa wañupunkiña, kay israelita runastaj waj nacionespa dioskunasninkuwan juchallikonqanku kunan yaykonqanku chay jallp'api. Jinamanta paykunaqa qonqapuwanqanku, paykunawan ruwasqay tratotataj p'akenqanku.

Deuteronomio 27:15

Maldicisqa kachun imallamantapis lantita ruwajqa, pakayllamanta yupaychanampaj. Chay runaj makinwan ruwasqanqa Señorpa ñaupaqempi millay, nispa. Chayta uyarispa israelitas nenqanku: Ajina kachun, nispa.

Levítico 26:1

Ama ruwakunkichejchu ima lantitapis, nitaj imaman rijch'akojtapis. Llajtaykichejpeqa yupaychana rumitapis ama sayachinkichejchu, nitaj rumispipis warawasta ruwankichejchu. Chantaqa ama chaykunaman qonqorikunkichejchu, imaraykuchus noqamin kani qankunaj Señor Diosniykichej.

Éxodo 20:4

Ama ni ima lantita ruwakunkichu, ni patapi cielopi kajman rijch'akojta, ni urapi jallp'api kajman rijch'akojta, nitaj yakuspi kajman rijch'akojtapis.

Éxodo 18:3

Ujnin wawampata sutin karqa Gersón, chayta suticharqa, noqaqa waj llajtayoj kani runaj llajtampi, nispa.

2 Reyes 15:29

Israelmanta rey Pekaj p'unchaykunasnimpitaj asiriospa reynin Tiglat-pileser jamuspataj Israelmanta wakin llajtasta jap'ikaporqa: Ijonta, Abel-bet-amaacata, Janoata, Cedestsa, Hazorta, Galaadta, Galileata tukuynin Neftalitawan. Chaymantataj Asiriaman presosta aparqa.

2 Reyes 17:18

Señortaj chay jinamanta anchatapunitaj phiñakorqa, paykunapaj, Israelpa contrampi. Paypa ñaupaqenmanta qhechorqataj, manataj qhepakorqachu, manachayqa Judá ayllulla sapan qhepakorqa.

2 Reyes 17:20

Israelpa tukuynin mirayninta Señorqa qhesacharqa, llakiypitaj churarqa, suwaspa makisninmantaj saqerqa, paypa ñaupaqenmanta wijch'usqas kanankukama.

2 Reyes 17:22

Israelitasqa Jeroboampa juchallichisqallampitaj purerqanku, chaykunamanta mana t'aqakuspa.

2 Reyes 17:23

Señorqa israelitasta ñaupaqenmanta qharqorqa, imaynatachus pay profeta kamachisninnejta nisqanman jina. Israelitastaj presochasqas, Asiriaman apasqastaj karqanku, kunan p'unchaykama.