Jueces 18:17 - Qheshwa Biblia DC

¹⁷ Chay phishqa kachasqa ñaupajta wasiman yaykorqanku, chaypitaj jap'ikaporqanku k'aspimanta llajllasqa qolqewan lluch'isqa lantita, efod p'achata, wasi ayllu lantistapis, chaykamataj sacerdoteqa chay sojta pachaj runaswan khuska punkupi kasharqa.

DIOSPA QHELQACHISQAN DEUTEROCANONICAL

¹⁷ Jinapi chay phishqa kachakunaqa wasiman yaykuykuspa, suwakorqanku k'ullumanta llajllasqa qolqewan lluch'isqa lantita, Diosta tapuna efodta, chay waj lantikunata ima. Chaykamarí sacerdoteqa chay 600 soldadokunawan khuska punkupi kasharqa.

DIOSPA QHELQACHISQ

¹⁷ Jinapi chay phishqa kachakunaqa wasiman yaykuykuspa, suwakorqanku k'ullumanta llajllasqa qolqewan lluch'isqa lantita, Diosta tapuna efodta, chay waj lantikunata ima. Chaykamarí sacerdoteqa chay 600 soldadokunawan khuska punkupi kasharqa.

Jueces 18:17 Referans Kwoze

Jueces 18:14

Chaypacha chay phishqantin pischus jallp'ata qhawaj ñaupajpi jamorqanku Lais cheqanejman chaykunaqa chay ujkunaman nerqanku: Yachankichejchu uj imata? Kay wasipi tiyan efod p'acha, chantá wasi dioskuna ima, jinataj k'aspi llajllasqamanta uj lanti qolqewan lluch'isqa. Imatataj chaykunawan yuyankichej ruwaytari?

Jueces 18:2

Chayrayku Danmanta kajkunaqa Zoramanta jinataj Estaolmanta kacharqanku phishqa aswan sumachaj runasninta, qhawaqamunankupaj jinataj sumajta rejsimunankupaj chay lugaresta. Chay phishqa kachasqa Efraimpa orqosninman rerqanku, chayarqankutaj Micaiajpa wasinman, chaypitaj chay ch'isita qhepakorqanku.

Miqueas 5:13

Phirisaj chay lantisniykita, chay sumaj ruwasqa rumisniykitapis, amaña jayk'ajpis chaykunaman yupaychaj kutinaykipaj chay kikin makisniykej ruwasqan dioskunasniykiman.

Isaías 46:7

Lijrariykukuytawan apanku, maypichus kananmantaj churanku. Chaypitaj mana kuyurispa kakullan. Paymanta qhaparikunku, manataj uyarinchu, nirajtaj llakiyninkumantapis libranchu.

1 Samuel 4:11

Diospa trato cajonnintapis apakaporqanku. Elejpa iskaynin wawasninta, Ofnita, Fineesta wañuracherqanku.

Jueces 6:31

Joastaj kuticherqa payman jamojkunaman: Qankunaqa Baalman kutikuspachu maqanakunkichej? Pillapis Baalman kutikun chayqa, manaraj sut'iyashajtin wañuchun. Baal diospuni kajtenqa, saqeychej pay kikinmanta jark'akojta, imaraykuchus paypatamin karqa chay urmachisqa altarqa.

Éxodo 32:20

Waka uña lanti ruwasqankutataj jap'iytawan ninaman wijch'uykorqa; chaymantataj lantitaqa ñut'uta kutacherqa. Jinaspataj yakuman jich'aykamorqa chay kutasqata, israelitasmantaj chay yakuta ujyacherqa.

Génesis 31:19

Chaykamataj Labanqa ovejasnimpa millmasninta ruthusharqa. Raqueltaj tatampa lantisninta suwarqa.

Génesis 31:30

Sichus tataykej wasinmampuni kutiyta munanki, chayraykutaj kaykamapis jamunki chayqa, imaraykutaj lantisniyta suwampuwankiri?

Jueces 18:16

Chaykamataj Dan ayllumanta sojta pachaj kaj soldadosqa armaswan sumaj wakisqas punkupi suyasharqanku.

Jueces 18:18

Sacerdotetaj rikuspa chay phishqa kachas Micaiajpa wasinman yaykusqankuta, chay lantita jap'isqankuta jinataj efod p'achata, chantá wasi lantista ima, nerqa: Imatataj ruwashankichej?, nispa.

1 Samuel 19:13

Chaymantataj Micalqa Davidpa camanman uj lantita churaykorqa, saunanmantaj cabra millmamanta ruwasqata churaykorqa, chaytataj uj qhatanawan qhataykorqa.

Isaías 41:29

Tukuyninku mana imapis kankuchu. Chaykunaqa mana imatapis ruwayta atinkuchu. Chay ruwasqanku lantisqa qhasi mana kaj ch'usajlla kanku.

Ezequiel 21:21

Babilonia reyqa sayaykun maynejmantachus iskaynin ñankuna qallarikushanku chaypi suerteta choqanampaj. Varasta thalan, dioskunasninkuta tapurin, uywaspa kukupisninkutataj qhawarin.

Oseas 3:4

Israelitasqa unayta kanqanku mana reyniyoj nitaj kamachejkunasniyoj, nitaj rikuchikusta jaywaspa, nitaj ch'eqosqa rumista yupaychaspa, mana sacerdote p'achasniyoj nitaj ayllu ukhupi lantikunasniyoj.