Jueces 16:20 - Qheshwa Biblia DC

²⁰ Chaymantataj qhaparerqa: Sansón! Filisteos jap'ej jamushasunku! nispa. Sansontaj rijch'arerqa, yuyaspa ñaupaj kutispi jina kacharichikuspa ayqerikapunanta, jinapis mana yacharqachu Señorqa payta saqerparisqanta.

DIOSPA QHELQACHISQAN DEUTEROCANONICAL

²⁰ Chantá Dalilaqa qhaparerqa: Sansón, filisteokuna jap'isoj jamushanku, nispa. Sansontaj rijch'ariytawan, yuyarqa ñawpaj kutipi jina kacharichikunallanta. Jinapis mana yacharqachu Tata Diosqa payta saqerparisqanta.

DIOSPA QHELQACHISQ

²⁰ Chantá Dalilaqa qhaparerqa: Sansón, filisteokuna jap'isoj jamushanku, nispa. Sansontaj rijch'ariytawan, yuyarqa ñawpaj kutipi jina kacharichikunallanta. Jinapis mana yacharqachu Tata Diosqa payta saqerparisqanta.

Jueces 16:20 Referans Kwoze

1 Samuel 16:14

Señorpa espírituntaj Saulmanta t'aqakaporqa. Uj sajra espíritu Señorpa kachamusqan payta ñak'arichisharqa.

1 Samuel 18:12

Saulqa Davidmanta manchachikorqa, Davidwan Señor kashasqanrayku, Saulta saqerparispa.

Josué 7:12

Chayrayku israelitasqa enemigosninkuta mana atipayta atenqankuchu, paykunaqa ayqechimullanqankupuni, imachus ruphachisqa kanan karqa chayta jap'isqankumanta. Manachus usqhayta phirinkichej chayqa, mana noqapis qankunawanñachu kasaj.

2 Crónicas 15:2

Paytaj Asata taripaj llojserqa, nerqataj: Uyariwaychej, Asa, jinataj tukuy Judamanta kajkuna, Benjamimpamanta kajkunapis, Señor qankunawan kanqa, qankuna paywan kashankichej chayqa. Sichus qankuna payta mask'ankichej chayqa, tarinkichej. Sichus saqerparinkichej chayri, paypis saqerpallasonqachejtaj.

2 Corintios 3:5

Manataj noqaykoj yachayniykumantachu jamun, imatapis yuyanaykupaj kikin noqaykojtapis kanman jina; astawanqa yachayniyku Diosmanta jamun.

Oseas 7:9

Mana rejsisqa runas kallpanta qhechurpayanku, paypa mana rikukusqallan. Chojchasnimpi yurajyaporqa mana reparakusqallan!

Isaías 42:24

Pitaj Jacobta suwasqa kananta saqerqa? Israelmantataj qhechunankuta? Manachu Señor chaytaqa ruwarqa contranta juchallikusqanchejrayku? Noqanchejqa mana ñannintachu purerqanchej, manataj kamachisqasnintapis kasorqanchejchu.

Jueces 16:14

Chaymantataj chay simp'asqasninmanta uj estacata pampaman jap'iykucherqa, chantá qhaparerqa: Sansón, filisteos jap'ej jamushasunku! nispa. Sansontaj sayariytawan, sik'irparerqa chay estacasta pampamanta, awana telatawan khuska.

San Mateo 17:20

Paytaj kuticherqa: Pisi feniykichejrayku. Cheqamanta niykichej, sichus mostaza muju chhikallampis feniykichej kanman chayqa, kay orqota niwajchej: Kaymanta jaqayman ithiriy, nispa; rinmantaj. Mana imapis qankunapaj kanmanchu mana atikojqa. [

San Mateo 17:16

Yachachisqasniykiman pusamorqani, manataj thañichiyta aterqankuchu.

Jueces 16:9

Ñaupajmantaña Dalila chay wasimpi runasta pakaykorqa, qhaparerqataj: Sansón! Filisteos jap'ej jamushasunku! Chaypacha Sansonqa chay watanasta t'ipirparerqa uj mullphasqa ch'ankullaspis kankuman karqa jinata. Filisteostaj mana yachayta aterqankuchu maymantachus kallpan jamusqanta.

Jueces 16:3

Sansonqa chaupi tutakamalla chaypi puñorqa. Chay horasta jatarispataj llajtaj punkusninta sik'iparerqa pilaresnintinta trancanasnintinta ima, chantá lijrariykukuspa apakaporqa Hebrompa chimpampi kashan chay pata orqoman.

Deuteronomio 32:30

Imaynamantataj uj runalla waranqa runasta qhatiykachayta atinmanri? Imaynamantataj iskay runaslla chunka waranqa runasta ayqechiyta atinkumanri? Ajina kanqa jark'akojtinku paykunata saqerpayasqanrayku, Señorninku enemigosninkuman entregasqanrayku.

Números 14:9

Chayrayku ama Señorpa contranta oqharikuychejchu, amataj manchachikuychejchu chay jallp'api kaj runasmanta. Paykunataqa t'antatapis mikhushasunman jina atipasun. Paykunamanta jark'akojqa mana pipis kanchu, noqanchejwanri Señor kashan. Chayrayku ama manchachikuychejchu.

Jueces 16:19

Dalilaqa Sansonta puñucherqa umanta siriykuchispa arphisnin pataman, chaypachataj wajyarqa uj filisteo runata, chay qanchis simp'asninta k'utunampaj. Chaymantataj Dalilaqa ñak'arichiyta qallarerqa.

Jueces 16:21

Chaypacha filisteosqa Sansonta jap'iytawankama ñawisninta orqhorparerqanku, Gaza llajtamantaj aparqanku, chaypitaj broncemanta cadena watanaswan jap'iykucherqanku, carcelpitaj jak'uchina rumita muyuchispa llank'acherqanku.

1 Samuel 18:10

Q'ayantintaj Diospa kachamusqan sajra espíritu Saulman yaykorqapacha. Paytaj palacio ukhupi locoyarqa. Davidtaj arpa tocana yachasqa kasqanman jina arpata tocasharqa. Saultaj uj lanzata makimpi jap'isharqa.