Jueces 14:6 - Qheshwa Biblia DC

⁶ Chaypacha Señorpa Espíritun Sansonman jamorqa. Chay ratotaj makisnillanwan uj cabritota jina leontaqa t'isarparerqa, chaytataj mana willarqachu tatasninmanqa.

DIOSPA QHELQACHISQAN DEUTEROCANONICAL

⁶ Chaypacha Tata Diospa Espiritonqa Sansonman sinch'i kallpata qorqa, Sansontaj makillanwan uj chivituta jina leontaqa t'isarparerqa. Chaywanpis chayta ruwasqantaqa tatan mamanman mana willarqachu.

DIOSPA QHELQACHISQ

⁶ Chaypacha Tata Diospa Espiritonqa Sansonman sinch'i kallpata qorqa, Sansontaj makillanwan uj chivituta jina leontaqa t'isarparerqa. Chaywanpis chayta ruwasqantaqa tatan mamanman mana willarqachu.

Jueces 14:6 Referans Kwoze

Jueces 3:10

Señorpa Espíritun Otonielman jamorqa, paytaj israelitasta kamacherqa, maqanakuman llojsejtintaj Señorqa rey Cusan-ristaimta atipacherqa.

1 Samuel 11:6

Chayta uyarejtinkamataj Diospa Espíritun Saulman jamorqa. Saultaj may sinch'itapuni phiñarikorqa.

Jueces 13:25

Señorpa Espirituntaj Sansonman jamuspa kallpachayta qallarerqa Dampa jarampi kashajtin, chaytaj kashan Zorawan Estaolwan chay chaupinejpi.

1 Juan 3:8

Juchallikojqa supaypata. Supayqa qallariymanta juchallikun. Chayrayku, Diospa Churenqa jamorqa supaypa ruwasqasninta phirinampaj.

San Mateo 11:29

Yugoyta apaychej, yachakuychejtaj noqamanta. Noqaqa k'acha, llamp'u sonqotaj kani, almasniykichejpajtaj samakuyta tarinkichej.

Zacarías 4:6

Chaypi nillawarqataj: Kayqa, Señormanta uj willay Zorobabelman: Atipayqa mana maqanakojkuna soldadoswanchu, nitaj kallpaywanchu, manachayqa Espirituwanmin, nin Tukuy Atiyniyoj Señor.

Isaías 42:2

Payqa mana qhaparenqachu, nitaj jatunmanta parlanqachu, manataj callespipis qhaparenqachu.

1 Samuel 17:46

Kunampacha qanta Señorqa makisniyman jaywawanqa, kunampacha wañuchisqayki, umaykitataj qholusaj, tukuy filisteospa aychasnintataj chay aycha mikhu p'isqosman, jinataj chay monte sajra animalesman qarasaj. Jinamanta tukuy runas yachanqanku Israel ukhupi uj Dios kasqanta.

Jueces 16:30

Sansontaj qhaparerqa: Noqawan khuska wañuychej filisteo runas!, nispa. Chaymantaqa ñit'erqa tukuy kaj kallpanwan, chay jatun wasitaj urmaykorqa filisteospa kurajkunasninkoj patanman, chaypi kasharqanku tukuy chaykunaspa patanmanwan. Sansón kausashaspa wañuchisqanmanta nisqaqa astawanraj chay kutipeqa wañucherqa.

Jueces 15:15

Chantaqa manaraj allin ch'akisqa burro quijadata oqharikorqa, chaywantaj uj waranqa filisteosta wañuracherqa.

Jueces 15:8

Jinamanta paykunata may sinch'ita maqarqa, ashkhastataj wañucherqa. Chay qhepantataj rerqa tiyakoj Etam chhankapi uj jusk'u karqa chayman.

Jueces 11:29

Chaypacha Señorpa Espíritun Jefteman jamorqa, Jeftetaj pasarqa Galaadnejta, Manasesnejta, Galaadpi Mizpaman, Mizpamantataj amonitaspa jallp'asninkuman yaykorqa.

Hebreos 11:33

Paykunaqa creesqankurayku suyu kamachejkunata atiparqanku, cheqan kajta ruwarqanku, Diospa qonan kasqanta jap'erqanku, leonespa simisnintapis wisq'arqanku.

Jueces 14:5

Sansontaj tatasninwan ima Timnatman rerqa. Ñapis Sansón chayashajtinña chay llajtaj uvas huertasnin chaynejman, uj maltón león payman jamuykorqa qhaparispa.

Jueces 14:7

Chaymantaqa rerqa parlaj chay munasqan sipaswan.

1 Samuel 10:6

Chaypacha Señorpa espíritun atiynin ima jamusonqa, chanta paykuna jinallataj parlanki. Waj jina runamantaj tukurparinki.

Salmos 91:13

Katarej patantapis purinki. León uñata, dragontapis sarunki.

Jueces 14:19

Chay rato Señorpa Espíritun Sansonman jamorqa; chaypacha Sansonqa Ascalonman rispa chaypi kinsa chunka runasta wañucherqa, chaykunamanta p'achasta lluch'usqanwantaj pagarqa pischus watuchiyninta willajkunaman. Chaymanta may phiñasqa kutiporqa tatampa wasinman.

1 Samuel 10:16

Saultaj kuticherqa tionman: Sut'inta willawarqayku chinkaj burrosta tarisqankutaña. Saultaj mana imatapis parlarqachu rey kananmantaqa Samuel payman parlasqanmantaqa.

1 Samuel 14:1

Saulpa wawan Jonatanqa uj p'unchaypi chay yanapajninta nerqa: Jamuy, chimpanachej filisteokunawan maqanakamusunchej jaqay mayu chimpapi kashanku chay soldadoswan, nispa. Jonatanqa mana imatapis tatanman nerqachu chay ruwananmantaqa.