Jueces 14:15 - Qheshwa Biblia DC

¹⁵ Tawa diamantaj Sansompa warminman nerqanku: Mañariy qosaykimanta willasunanta chay watuchiynin imatachus nisqanta, mana chayqa qanta chantá tataykej aylluntawan ima ruphaykuchisqayku. Qankunaqa wajyawarqayku noqaykoj kapuyniykuta qhechunallawaykupajchus jina!

DIOSPA QHELQACHISQAN DEUTEROCANONICAL

¹⁵ Tawa p'unchayninmantaj paykunaqa Sansonpa warminta nerqanku: Tapuy qosaykita chay watuchiku imatachus niyta munasqanta. Manachus chay watuchiyta sut'inchawayku chayqa, qanta, chantá tataykej aylluntawan ima ruphaykuchisqayku. Qankunaqa q'alallatachu saqerpayta munashawayku, nispa.

DIOSPA QHELQACHISQ

¹⁵ Tawa p'unchayninmantaj paykunaqa Sansonpa warminta nerqanku: Tapuy qosaykita chay watuchiku imatachus niyta munasqanta. Manachus chay watuchiyta sut'inchawayku chayqa, qanta, chantá tataykej aylluntawan ima ruphaykuchisqayku. Qankunaqa q'alallatachu saqerpayta munashawayku, nispa.

Jueces 14:15 Referans Kwoze

Jueces 16:5

Filisteosmanta kurajkuna rerqanku Dalilawan tinkoj, nerqankutaj: Sansonta wasanchay, tapuriy maymantachus chay jina t'ukuna kallpan jamusqanta, imaynatachus atipayta atiykuman; jinamanta wataykuspa sujetayta atinaykupaj, sapa ujniykutaj waranqa pachajniyoj qolqestakama qosqayku.

Jueces 15:6

Filisteostaj nerqanku: Pitaj kayta ruwanri? Kuticherqankutaj: Timnateoj tolqan Sansón kaytaqa ruwan, warminta waj kausaqe masinman qopusqanrayku. Jinamanta filisteosqa rispa ruphaykuchimorqanku chay warmita tatantawan ima.

Miqueas 7:5

Ama creeychu runa masiykej nisqampi, nitaj ni mayqen kausaqeykipipis confiakuychu; warmiykiwan imatachus parlanaykitapis allintaraj umacharikuy;

Proverbios 6:26

Uj qhencha warmeqa uj chhikan t'antawampis ripullan; casada qhencha warmirí, qharej qhepanmanta mana kacharikunchu.

Proverbios 5:3

Mana allin puriyniyoj warmeqa misk'ejta parlan, parlasqanqa aceitemantapis aswan llamp'uraj.

Proverbios 1:11

Ichapis nisonqanku: Noqaykuwan jaku rinachej; tojllata churanachej mana juchayojta chaypi wañuchinapaj.

Jueces 12:1

Efraimpa ayllunmanta runasqa tantaykukuspa Jordán mayuta chimparqanku Zafón chaynejman, Jeftemantaj nerqanku: Imaraykutaj noqaykuman mana willaspalla amonitaswan maqanakoj rerqankiri? Noqaykoqa qanwan riykuman karqa. Kunanqa qanta wasiykitawan ruphaykuchisqayku.

Jueces 14:14

Sansontaj nerqa: “Uj oqoykojmanta mikhuna llojserqa; kallpayojmanta misk'i llojserqa”. Kinsa día junt'api paykunaqa manapuni chay watuchiyta jap'iyta aterqankuchu.