Jueces 13:6 - Qheshwa Biblia DC

⁶ Chay warmeqa qosanman willaspa kay jinata nerqa: Diospa uj runan noqaman jamuwarqa, payqa may mancharina karqa, imaraykuchus Señorpa kikin angelninman rijch'awarqa. Mana taporqanichu pichus kasqanta, nitaj paypis willawarqachu.

DIOSPA QHELQACHISQAN DEUTEROCANONICAL

⁶ Chayta uyariytawan, warmeqa qosanman willamorqa: Uj runa Diospa angelninman rijch'akoj jamuwarqa, paytaj may mancharina karqa. Manataj taporqanichu pichus kasqanta, nitaj paypis willawarqachu.

DIOSPA QHELQACHISQ

⁶ Chayta uyariytawan, warmeqa qosanman willamorqa: Uj runa Diospa angelninman rijch'akoj jamuwarqa, paytaj may mancharina karqa. Manataj taporqanichu pichus kasqanta, nitaj paypis willawarqachu.

Jueces 13:6 Referans Kwoze

1 Samuel 9:6

Chay kamachitaj kuticherqa: Kay llajtapi tiyan Diospa runan, paytaqa tukuy allimpaj qhawanku, imatapis nisqanqa junt'akojpuni kasqa. Jaku chayman rina, ichapis pay willawasunman mayqen ñantapis mask'aj rinanchejta.

Deuteronomio 33:1

Manaraj wañupushaspa Diospa ajllasqan runa Moisesqa, israelitasta bendicerqa kay jinata:

Apocalipsis 1:17

Payta rikuspataj, wañusqa jina chakisninman urmarqani. Paytaj makisninta churaykuwarqa, nispa: Ama mancharikuychu. Noqa kani ñaupaj kaj, qhepa kajtaj.

Hechos 6:15

Jatun juntapi tiyashajkunataj Estebanta qhawarispa angelpa uyanta jina rikorqanku.

San Lucas 9:29

Jinapi Diosmanta mañakushajtin, uyampa rijch'aynin waj jinaman tukorqa; p'achampis yuraj lliphipejman tukorqa.

San Lucas 1:19

Angeltaj kuticherqa: Noqa Gabriel kani, Diospa kamachimpi; pay kachamuwan willasunaypaj kay sumaj noticiasta.

Daniel (hebreo) 10:11

Chanta niwarqa: Daniel, Diospa may munasqa runan, uyariway allinta imatachus nisqayki chayta: Sayarikuy, noqaqa qanman kachamusqa kani. Chay palabrasta parlayta tukuchisqantawan, mancharisqa kharkatitispa sayarikorqani.

Daniel (hebreo) 10:5

Chay rato qhawarispa, rikorqani uj runata, linomanta ruwasqa p'achayojta, sumaj kaj qorimanta ruwasqa chumpiwan chumpillisqatataj.

Daniel (hebreo) 8:17

Chanta Gabrielqa qayllaykamuwarqa. Noqataj mancharikuywan pampakama k'umuykorqani, paytaj niwarqa: Runa, yachay, chay mosqoypi jina rikhurisojqa niyta munan, p'unchaykunaj tukukuyninmanta.

2 Reyes 4:9

Chay warmeqa qosanman nerqa: Noqa yachani sapa kuti wasinchejman mikhoj jamun chay runaqa Diospa profetan kasqanta.

1 Timoteo 6:11

Qanrí, Diospa runan, ayqekuy kay tukuy imasmanta. Kausaytaj cheqan kajpi Diosta yupaychaspa, fewan, munakuywan, pacienciawan, llamp'u sonqo kaywan ima.

2 Reyes 4:16

Eliseotaj warmiman nerqa: Wata kunan jina, wawata ichuykachashanki, nispa. Paytaj kuticherqa: Ama, Diospa runan, wiraqochíy, kay kamachiykita ajinata ch'aukiyaychu, nispa.

1 Reyes 17:24

Chantataj chay warmeqa Eliasta nerqa: Kunanqa yachani cheqamantapuni Diospa runan kasqaykita, Señorpa palabrantaj cheqapuni qampa simiykipeqa kasqanta.

1 Reyes 17:18

Paytaj Eliasman nerqa: Diospa runan, ima ruwanay tiyan noqa qanwanri? Juchasniymanta yuyarichiwajchu kayman jamunki, wawaytapis wañuchej?

1 Samuel 2:27

Chay tiempopi uj profeta chayamorqa Elita watukoj, nerqataj: Señorqa kay jinata nin: Ñaupa tatayki aylluntin ima maypachachus Egiptopi faraompa kamachin kashajtin sut'imanta payman rikhurerqani.

Jueces 13:22

Manoataj warminman nerqa: Cheqamanta wañusumpunichá Diosta rikusqanchejrayku.

Jueces 13:8

Chanta Manoaqa oraciompi Señorman nerqa: Mañarikuyki Señor ujtawan kachamunaykita chay runata ujtawan willarinawaykupaj imastachus ruwanaykuta nacenqa chay qhari wawawan, nispa.

Josué 14:6

Judáj ayllunmanta kajkuna Gilgalman rerqanku Josuewan parlaj; chayaspataj cenezeo Jefonej wawan Calebqa Josueman nerqa: Qan yachanki allinta imatachus Señorqa kamachin Moisesman nisqanta Cades-barneapi qanmanta noqamantawan.

Éxodo 3:6

Chantá nillarqataj: Noqa ñaupa tatasniykej Diosnin kani, Abrahampata, Isaacpata, Jacobpatawan. Moisestaj chay kikimpacha uyanta pakaykukorqa, imaraykuchus manchachikorqa Diosta qhawariyta.

Éxodo 3:2

Chaypitaj Señorpa angelnin rikhurerqa uj zarza nisqa sach'api nina lauraj ukhupi. Moisesqa chay zarzapi nina larwashajta allinta qhawarerqa, nitaj chay zarzataqa q'olasharqachu.

Génesis 32:29

Chaymanta Jacobqa taporqa: Qampa sutiykiri imataj?, nispa. Chay qharitaj nerqa: Imapajtaj qan sutiyta watuwankiri?, nispa. Jinata nispataj chay kikimpi Jacobta bendicerqa.

Génesis 18:2

Abrahamqa qhawarispa rikorqa kinsa qharista ñaupaqempi sayashajta. Sayaykuspataj qayllaykorqa usqhay usqhayta, jinaspataj qonqoriykukorqa umanta pampaman chayachinankama, nerqataj: Wiraqochíy, kamachiykita waturikuwanki, yaykurimuy ari.

Jueces 6:11

Chaypacha Señorpa angelnin jamorqa tiyaykukorqataj Ofra chaypi uj encina sach'a kasharqa chay urapi, Abiezerpa ayllunmanta Joaspata chay sach'a karqa. Joaspa wawan Gedeonrí pakayllamanta trigota ch'uwachasharqa, maypichus uvasta saroj kanku chaynejpi, madianitas mana rikunankupaj.

Jueces 13:3

Señorpa angelnin payman rikhurispa nerqa: Qanqa mana jayk'ajpis wawayojchu karqanki, kunanrí wijsallisqa rikhurinki, qhari wawatataj nacechikunki.

Jueces 13:7

Pay niwarqa uj qhari wawayoj kanayta, kunanmantapachataj mana ujyanayta vinota, ni ima poqosqa ujyanasta, nillataj mikhunayta ch'ichipaj qhawasqa mikhunasta, imaraykuchus wawaqa Señorpaj t'aqasqa kanqa nazareo jina manaraj nacekusqanmantapacha wañupunankama.

Jueces 13:10

Chaypacha chay warmeqa usqhayta qosanman rerqa, nerqataj: Uyariway! Qanimpa rikhuriwarqa chay runa watejmanta rikhurillawantaj!, nispa.