Jueces 11:29 - Qheshwa Biblia DC

²⁹ Chaypacha Señorpa Espíritun Jefteman jamorqa, Jeftetaj pasarqa Galaadnejta, Manasesnejta, Galaadpi Mizpaman, Mizpamantataj amonitaspa jallp'asninkuman yaykorqa.

DIOSPA QHELQACHISQAN DEUTEROCANONICAL

²⁹ Chaypacha Tata Diospa Espíritun Jefteman jamorqa. Jeftetaj Galaad jallp'anejta, Manasesnejta, Galaadpi Mispanejta ima purerqa soldadokunata mask'aspa amonitakunawan maqanakunankupaj. Jinaytawantaj, Galaadpi Mispamanta amonitakunaj jap'iyninkuman soldadonkunawan yaykorqa.

DIOSPA QHELQACHISQ

²⁹ Chaypacha Tata Diospa Espíritun Jefteman jamorqa. Jeftetaj Galaad jallp'anejta, Manasesnejta, Galaadpi Mispanejta ima purerqa soldadokunata mask'aspa amonitakunawan maqanakunankupaj. Jinaytawantaj, Galaadpi Mispamanta amonitakunaj jap'iyninkuman soldadonkunawan yaykorqa.

Jueces 11:29 Referans Kwoze

Números 11:25

Señortaj chayman phuyupi uraykamorqa, Moisesmantaj parlarqa. Moiseswan kasharqa chay espiritumantataj, wakinta chay qanchis chunka kurajkunaman qorqa. Espíritu paykunaman chayajtintaj, chay kutilla Diosmanta sut'inchajkuna jina parlayta qallarerqanku.

Jueces 3:10

Señorpa Espíritun Otonielman jamorqa, paytaj israelitasta kamacherqa, maqanakuman llojsejtintaj Señorqa rey Cusan-ristaimta atipacherqa.

1 Crónicas 12:18

Chaypacha chay kinsa chunka runaspa kamachejninku Amasaiman Espíritu jamorqa, paytaj qhaparerqa: Isaej wawan David qanwan sonqo tiyasqa kay kachun! Sonqo tiyasqa kay qampi kachun! Sonqo tiyasqa kay qanwan kachun, jinataj yanapasojkunawampis, qanta Dios yanapasusqanrayku! Davidtaj paykunata jap'erqa soldadosnimpa kamachejkunamantaj tukucherqa.

1 Samuel 10:10

Saulwan chay kamachinwan Gabaa llajtaman chayajtinkutaj, profetasqa paykunawan tinkukorqanku. Chaypacha Señorpa Espíritun atiyninwan ima Saulman jamorqa. Saultaj chay profetas jina parlarqa.

Jueces 13:25

Señorpa Espirituntaj Sansonman jamuspa kallpachayta qallarerqa Dampa jarampi kashajtin, chaytaj kashan Zorawan Estaolwan chay chaupinejpi.

Jueces 10:17

Amonitasqa tantaykukuspa Galaadpi jaraykukorqanku. Israelitastatajri tantaykukuspa Mizpapi jarakorqanku.

Jueces 6:34

Señorpa Espirituntaj Gedeonman jamorqa, paytaj wajyarqa chivo wajramanta pututuwan, Abiezerpa tukuy ayllunmanta kajkuna tantakamorqanku.

Génesis 31:49

Sutichallarqankutaj Mizpata, imaraykuchus Labán nerqa: Kunanqa Señor waqaychawasunchej qanta, noqata, kaymanta qhepaman mana rikunakojtinchej qanwan noqawan.

Jueces 11:11

Jinamanta Jefteqa paykunawan rerqa, Israel ayllutaj wapu kamachejninkupaj jina churarqa. Jefteqa, ñaupajpi Mizpapi Señorpa ñaupaqempi nisqanta nillarqataj.

Jueces 11:28

Chaywampis amonitaspa reyninkoqa Jeftej willachisqanta mana kasorqachu.

Jueces 11:30

Jeftetaj Señorman qosqayki nerqa kay jinata: Sichus amonitasta atipachiwanki chayqa, qampaj jaywanata q'olachipusqayki pichari ñaupajta wasiymanta taripamoj llojsimuwanqa chayta.

1 Samuel 11:6

Chayta uyarejtinkamataj Diospa Espíritun Saulman jamorqa. Saultaj may sinch'itapuni phiñarikorqa.

1 Samuel 12:11

Chayraykumá Señorqa kachamorqa Jerobaalta, Baracta, Jepteta, Samueltapis chay enemigosniykichejpa atiyninmanta kacharichinasuykichejpaj, jinamanta qankunaqa mana ima ch'ajwawan sumajta kausakunaykichejpaj.