Judas 1:3 - Qheshwa Biblia DC

³ Munasqa hermanosníy, maytapuni munarqani tukuypa salvacionninchejmanta escribimuyta. Chayrayku kunanqa, escribimunaypuni karqa qankunata sonqochaspa, sinch'ita sayanaykichejpaj feniykichejrayku. Chaytaj uj kutillata ayllasqasninman qosqa karqa.

DIOSPA QHELQACHISQAN DEUTEROCANONICAL

³ Munasqa wawqe panakuna, qankunaman maytapuni qhelqamuyta munarqani Dios imaynatachus qhespichiwasqanchejmanta. Chaywanpis kunanqa munaspa mana munaspa mayta niykichej: Sinch'ita kallpakuspa, allinta qhawaychej, imatachus Diosmanta yachachiwasqanchej ama q'ewisqa kananpaj. Chaytamin Dios uj kutillata wiñaypaj paypa ajllakusqankunaman qorqa.

DIOSPA QHELQACHISQ

³ Munasqa wawqe panakuna, qankunaman maytapuni qhelqamuyta munarqani Dios imaynatachus qhespichiwasqanchejmanta. Chaywanpis kunanqa munaspa mana munaspa mayta niykichej: Sinch'ita kallpakuspa, allinta qhawaychej, imatachus Diosmanta yachachiwasqanchej ama q'ewisqa kananpaj. Chaytamin Dios uj kutillata wiñaypaj paypa ajllakusqankunaman qorqa.

Quechua South Bolivia: Dios Parlapawanchej

³ Munaska hermanosníy, wiñay causaypaj Diospi jap'icoj-masisniy canquichej. Chay wiñay causay yachachinasmanta mayta kancunaman kelkamuyta munasharkani. Astawanrí uj imamanta kancunata yuyaychanay aticun. Chekatapuni Cristowan ujchaska runasninman wiñay causaypaj yachachinasta uj cutillata Dios kowarkanchej. Chayraycu kelkamushayquichej chay yachachinasta sinch'ita wakaychanayquichejta.

Judas 1:3 Referans Kwoze

1 Timoteo 6:12

Sumajta maqanakuy ferayku, wiñay kausaymanta jap'iykukuy, chaypaj qanqa wajyasqa karqanki, tukuy rikushajtin Señorta sonqoykipi jap'ikusqaykirayku.

Filipenses 1:27

Munani ari allinta kausakunaykichejta, Cristoj evangelionman jina; ajinapi noqa watukoj jamojtiypis, chayri karupi kajtiypis, uyariyta munani qankuna sinch'is kasqaykichejta uj kikin espiritullapi, atipaspapuni uj yuyaylla evangeliopi feniykichej kasqanrayku.

Judas 1:20

Munasqa hermanosníy, qankunaqa kallpachanakuspa wiñaychej allin sumaj llimphuchasqa feniykichejpi, Diosmanta mañakuspataj Santo Espiritunejta.

Apocalipsis 12:11

Paykunaqa atiparqanku Corderoj yawarninrayku, Diospa palabranta willasqankurayku, pisipitaj kausayninkuta jap'isqankurayku wañunankukama.

Tito 1:4

Tito, kay cartata escribimuyki, qanman pichus cheqamanta waway kanki khuska creesqanchejpi. Khuyakuy, sonqo tiyakuy, Dios Tatamanta, Señor Jesucristo Salvadorninchejmantawan qanwan kachun.

Apocalipsis 2:10

Ama manchachikuychu chay imasta ñak'arinaykimantaqa. Qhaway, qankunamanta wakinta supayqa carcelman wisq'achenqa, rejsisqa kanaykichejpaj, chunka p'unchaytataj llakiyniyoj kankichej. Wañuykama creellaypuni, noqataj kausay pilluta qanman qosqayki.

2 Timoteo 1:13

Noqamanta cheqa palabrasta uyarerqanki chaykunata, sonqoykipi jap'ikuy fewan, munakuywan, Cristo Jesuspi.

1 Timoteo 1:18

Timoteo wawáy, kayta kamachiyki ruwanaykita, imaynatachus ñaupajtaña hermanos, Espirituman jina yuyaychasqas qanmanta nerqanku, chaykunaman jina maqanakupi, allinta tinkunaykita, feniykita, allin concienciaykitawan jallch'aspa; imaraykuchus wakenqa concienciankuta mana kasuspa, feninkuta chinkacherqanku.

Gálatas 2:5

Chaykunataqa mana uj chhikallantapis kasorqaykuchu, cheqa kaj evangelio qankunawampuni kanampaj.

Hebreos 13:22

Kunanqa, mañakuykichej hermanos, kay sonqochana palabrata allinta jap'inaykichejta, pisita qankunaman escribimusqayrayku.

Hechos 9:22

Saulotajrí astawan kallpachakuspa sut'ita willarqa Jesusqa Cristopuni kasqanta, Damascopi tiyakoj israelitastaj mana ima niyta aterqankuchu.

Isaías 45:22

Noqaman jamuychej tukuy jallp'api tiyajkuna. Noqamin Diosqa kani. Noqa salvasqaykichej. Mana astawan wajqa kanchu.

Deuteronomio 9:10

Chaypi Señorqa qowarqa chay p'alqayoj rumita, pay kikimpa qelqasqasninta. Chay palabrasqa karqanku ima nispachus Horeb orqopi nina chaupimanta parlamusorqachej chaykuna, maypichus tantasqa kasharqanchej, chaypi.

1 Tesalonicenses 2:2

Astawanqa yachankichej, Filipospi ñaupajta ñak'arerqayku, k'amisqastaj karqayku; chaywampis Diosniyku kallpachawarqayku, paypa evangelionta qankunaman willanaykupaj, manchay churanaku chaupipi.

1 Corintios 15:3

Ñaupajta yachacherqaykichej imaynatachus noqapis jap'isqayta; Cristo juchanchejrayku wañusqanta, Escriturasman jina.

Hechos 4:12

Salvacionqa Jesucristollapi tarikun. Kay pachapi mana waj suti runasman qosqa kanchu, mayqempichus salvasqas kananchejpaj.

Hechos 18:28

Tukuypa ñaupaqempi, sumaj atiywan parlaspa judiosta atiparqa, Escrituraspi rikuchispa Jesusqa Cristopuni kasqanta.

Hechos 17:3

Paykunamantaj sut'inta rikucherqa Cristo ñak'arinampuni kasqanta, wañusqamantataj kausarimpunanta. Pabloqa nillarqataj: Kaymin chay Jesusqa, pimantachus noqa willaykichej Cristo kasqanta.

Judas 1:17

Munasqa hermanosníy, qankunaqa yuyarikuychej imatachus Señorninchej Jesucristoj apostolesnin ñaupajmantapacha niwarqanchej, chayta.

2 Pedro 1:1

Noqa, Simón Pedro, Jesucristoj kamachin apostolnintaj kani. Dios Tataj cheqa kaynimpi, Salvawajninchej Jesucristopitaj, chay sumaj creeyta noqayku jina tarinkichej. Qankunaman kay cartata apachimuykichej.

1 Pedro 5:12

Kay pisita escribispa Silvanowan apachimuykichej, pay cheqa hermano kasqanta rejsispa. Chay cartapitaj sonqochaykichej, willaykichejtaj, kaymin Diospa cheqa khuyakuynin kasqanta, mayqempichus sayashankichej chay.

Filipenses 1:1

Pablo Timoteowan Jesucristoj kamachisnin, escribimuyku kay cartata, Cristo Jesuspi juchamanta tukuy t'aqasqasman, Filipos llajtapi kajkunaman, iglesiapi kurajkunaman, diaconosman ima.

Efesios 1:1

Noqa Pablo, Diospa munayninrayku Jesucristoj apostolnin kani. Kay cartata escribimuni Efeso llajtayoj Diospa ajllasqasninman, Jesucristopitaj creejkunaman.

Gálatas 6:11

Qhawariychej. Kikin makisniywan jatuchaj letraswantaj escribimuykichej.

Hechos 28:28

Pabloqa nillarqataj: Kunan qankuna yachaychej. Diospa salvacionnenqa gentilesman willakonqa, paykunataj uyarenqanku. [

Jeremías 9:3

Imatapis llullakuspa nirinapajqa churasqas kanku, imaynatachus flechasmanta wach'inasta kacharinku ajinata. Kay jallp'apeqa llullakuylla junt'a kashan, manataj cheqa kajqa kanchu, jinamanta astawan astawan mana allin kayman rishanku. Mana rejsiyta munawankuchu, nispa kikin Señor nin.

Isaías 45:17

Señorqa israelitasta wiñaypaj salvarqa. Qankunaqa mana p'enqakunkichejchu, manataj k'umuykachankichejchu jayk'ajpis.

Gálatas 3:28

Manaña kanchu judíos nitaj griegopis. Manaña kanchu kamachi nitaj mana kamachi kajpis. Nillataj kanchu qhari nitaj warmipis. Qankunaqa ujllaña kankichej Cristo Jesuspi.

Nehemías 13:25

Paykunata k'amirarqani, maldicerqanitaj. paykunamanta wakintaqa maqararqani, chujchasninkutataj sik'irarqani. Kamacherqanitaj Diosrayku juranankuta, amaña ujtawan warmi wawasniykichejta, nitaj qhari wawasniykichejtapis chay waj llajtayojkunawan casarachiychejchu; nillataj qankunapis warmisninkuwan casarankichejchu.

Deuteronomio 21:9

Qankunaqa imachus Señorpa ñaupaqempi cheqan kajta ruwaspa qankuna ukhumanta chay runaj wañuyninmanta juchata chinkachinkichej.

Hechos 6:7

Ajinamanta Diospa palabran wiñasharqa, yachachisqastaj maytapuni ashkhayarqanku Jerusalén llajtapi.

Hechos 9:13

Ananiastaj kutichispa nerqa: Señor, ashkha runasña willawanku imaynatachus chay Sauloqa Jerusalempi, qampi creejkunata anchata ñak'arichisqanta.

Hebreos 6:9

Munakusqasniyku, qankunamantaqa astawan jatuchaj sumaj imasta suyayku. Chaykunaqa salvaciompata kanku, chay jinata parlashajtiykupis.

2 Pedro 2:21

Paykunapajqa aswan allin kanman karqa cheqan ñanta mana rejsinankoqa; chayta rejsispaña Diospa qosqan llimphu kamachinmanta qhepaman kutiripunankumantaqa.

Judas 1:1

Noqa Judas, Jesucristoj kamachin, Santiagoj wauqentaj, wajyasqasman escribimuni, Dios Tatapi llimphuchasqasman, Jesucristopitaj waqaychasqas kajkunaman.