San Juan 9:22 - Qheshwa Biblia DC

²² Jinata tatasninku nerqanku, judiosta manchachikuspa. Judíos parlanakorqankuña, pillapis Jesusta Mesías kasqanta ninman chaytaqa, sinagogamante wijch'unankuta.

DIOSPA QHELQACHISQAN DEUTEROCANONICAL

²² Ajinata chay runaj tatan maman nerqanku judiokunaj kurajninkukunata manchachikuspa, imaraykuchus kurajkunaqa tantakunanku wasimanta wijch'unankuta parlanakusqanku, pillapis Jesusta Diospa kachamusqan Cristo, nispa nejkunata.

DIOSPA QHELQACHISQ

²² Ajinata chay runaj tatan maman nerqanku judiokunaj kurajninkukunata manchachikuspa, imaraykuchus kurajkunaqa tantakunanku wasimanta wijch'unankuta parlanakusqanku, pillapis Jesusta Diospa kachamusqan Cristo, nispa nejkunata.

Quechua South Bolivia: Dios Parlapawanchej

²² Tatan maman chayta nerkancu israel curajcunata manchachicuskancuraycu. Chay curajcuna tantacuynincupi cayta yuyaychacuskancu: “Pillapis Jesuska Diospa cachamuskan Cristo caskanta willacojka tantacuna-wasimanta wijch'uska canka”, nispa.

San Juan 9:22 Referans Kwoze

San Juan 16:2

Sinagogasmanta wijch'usonqanku; hora qayllamushanña maypachachus pillapis qankunata wañuchispa yuyanqa Diospaj allinta ruwashasqanta.

San Juan 7:13

Manataj mayqempis Jesusmanta sut'ita parlajchu, judiosta manchachikuspa.

San Lucas 6:22

Kusikuyniyoj kankichej runakuna chejnisojtiykichej, qharqosojtiykichej, rimasojtiykichej, sajrata jinataj sutiykichejta qhesachajtinku Runaj Churinrayku.

San Juan 9:34

Paykunataj kutichispa nerqanku: Qanqa juchawan junt'asqa nacerqanki, qanchu noqaykuman yachachiwasqayku? Jawamantaj payta qharqorqanku.

Apocalipsis 21:8

Manchachikojkunarí, mana creejkuna, millay kajkuna, runa wañuchis, qhenchachakojkuna, layqakuna, lanti yupaychajkuna, tukuy llullakojkunapis, chayaqepaj jap'enqanku, ninawan azufrewan larwashan chay qochata. Chaymá iskay kaj wañoyqa.

Hechos 5:40

Tukuyninkutaj Gamalielta kasorqanku. Apostolesta wajyaspataj jasut'icherqanku. Kamacherqankutaj ama Jesuspa sutimpi parlanankuta. Chaymantataj kachariporqanku.

Hechos 5:13

Waj runasmantaqa mana pipis creejkunawan tantakuyta munajchu kanku, chaywampis llajtamanta kajkuna mayta alabaj kanku.

Hechos 4:18

Chaymantataj, apostolesta wajyaspa kamacherqanku amapuni pimampis astawan parlanankuta, nitaj yachachinankuta Jesuspa sutimpi.

San Juan 20:19

Chay kikin semanaj ñaupaj kaj p'unchayninta, tutayaytaña, punkus wisq'asqaña kasharqa, maypichus yachachisqas tantakorqanku judiosta manchachikuspa. Chaypacha Jesús paykunaman jamorqa, chaupinkupi sayaykuspataj nerqa: Sonqo tiyakuy qankunawan kachun.

San Juan 19:38

Chay tukuy ima qhepata, Arimatea llajtayoj José pichus judiosta manchachikusqanrayku pakayllamanta Jesuspa yachachisqan karqa chay, Jesuspa cuerponta mañarqa apakapunampaj. Pilatotaj mana jark'arqachu. Chayrayku José jamuspa Jesuspa cuerponta apakaporqa.

Isaías 57:11

Pimantataj qanqa mancharikunki, pitataj manchachikorqanki, ajinata llullakunaykipaj, noqamantataj mana yuyarikunaykipaj, nitaj noqapi yuyanaykipaj? Noqa unayta ch'inlla kajtiychu, qanqa mana manchachikuwarqanki?

Isaías 51:12

Noqa, noqamin kani sonqochajniykeqa. Pitaj qan kanki runata manchachikunaykipajri? Qhora jina wañoj chay runatachu manchachikunki?

Isaías 51:7

Uyariwaychej, cheqan kajta rejsejkuna, yachachiyniyta sonqoykichejpi jap'ejkuna. Ama runaspa rimasusqantaqa manchachikuychejchu, amataj chay jinatapuni rimasqankuraykoqa umphuyaychejchu.

Proverbios 29:25

Runata manchachikoyqa tojllapis kanman jina, pichus Señorpi atienekojqa sumaj qhawasqa waqaychasqataj kanqa.

San Juan 1:19

Kaytaj Juampa willasqan, maypachachus Jerusalenmanta judíos kacharqanku sacerdotesta, levitasta, payta tapoj: Pitaj qan kanki?, nispa.

San Juan 9:18

Judiostaj mana creerqankuchu, chay runa ñaupajta ciego kasqanta, imaynamantachus rikusqanta ima; chayrayku tatanta mamantawan wajyacherqanku.

San Juan 9:21

Mana yachaykuchu imaynamantachus kunan pay rikun, chayrí pichus ñawisninta kicharerqa. Payqa machu runaña. Payta tapuychej, willasonqachejtaj pay kikinmanta.

San Juan 9:35

Jesustaj uyarerqa chay runata jawaman qharqosqankuta. Taripaytawantaj payman nerqa: Creenkichu Runaj Churimpi?