San Juan 8:58 - Qheshwa Biblia DC

⁵⁸ Jesús paykunaman nerqa: Cheqamanta, cheqamanta niykichej: Manaraj Abraham kashajtin, noqa kaniña.

DIOSPA QHELQACHISQAN DEUTEROCANONICAL

⁵⁸ Jesustaj paykunata nerqa: Kayta sut'ita niykichej: Manaraj Abraham kashajtin, NOQA KANI, nispa.

DIOSPA QHELQACHISQ

⁵⁸ Jesustaj paykunata nerqa: Kayta sut'ita niykichej: Manaraj Abraham kashajtin, NOQA KANI, nispa.

Quechua South Bolivia: Dios Parlapawanchej

⁵⁸ Jesusri paycunaman nerka: —Chekatapuni niyquichej: Manaraj Abraham nacecushajtin nokaka carkanipuniña, —nispa.

San Juan 8:58 Referans Kwoze

Éxodo 3:14

Chaypacha Dios nerqa: NOQA KANI PICHUS KANI CHAY. Chantá nillankitaj israelitasman: NOQA KANI nej Dios qankunaman kachamuwan, nispa.

Colosenses 1:17

Cristoqa karqapuni manaraj imapis kashajtin. Paytaj tukuy imata sayachishan.

San Juan 17:5

Kunantaj Tatáy, qayllaykipi jatunchaway, jaqay janaj pacha k'anchaywan, mayqenchus tiyapuwarqa qanwan kashajtiy, manaraj mundo ruwakushajtin.

Isaías 44:6

Tukuy Atiyniyoj Señorqa, Israelta salvaj reyqa ajinata nin: Noqamin kani qallariytaj tukukuytaj. Noqamanta astawan waj diosqa mana kanchu.

Apocalipsis 1:8

Noqa kani Alfa Omegataj, nin Señor Dios Tukuy Atiyniyoj, pichus kunan kashan, karqataj, jamonqataj.

Hebreos 13:8

Jesucristoqa kikillampuni qayna, kunan, wiñaypajpis.

San Juan 17:24

Tatáy, munani qowasqayki yachachisqasqa, maypichus noqa kashani, chaypi noqawan kanankuta. Janaj pacha k'anchayta qowasqaykitapis rikunankupaj. Kay mundo manaraj ruwasqa kashajtin, munakuwarqankiña.

Isaías 48:12

Jacobpa ayllun Israel, uyariway. Qanta wajyarqayki: Noqa sapallay Diosqa kani, noqalla qallariy, tukukuytaj kani.

Apocalipsis 2:8

Esmirna iglesiaj angelninman escribiy: Ñaupaj kaj, qhepa kajtaj, pichus wañusqa karqa, kausarerqataj, chaymin kayta nin:

Isaías 9:6

Uj wawa nacepuwanchejña, Dios uj wawata qowanchej. Chayman qosqa kashan jatun atiy kamachinampaj. Sutisnintaj kaykuna kanqa: Mayta T'ukuna Yuyaychaj, Atiyniyoj Dios, Wiñaypaj Tata, Sonqo tiyachej Rey ima.

Miqueas 5:2

Qantajrí Efratamanta Belén, Judapi llajtas kajmanta aswan juch'uy kanki, qanmantamin llojsenqa Israelta kamachejqa unay aylloj mirayninmanta.

Isaías 43:13

Noqaqa Dios kan. Manaraj p'unchay kashajtin karqanipuni. Mana pipis makiymantaqa qhechuyta atinchu. Noqa ruwasaj nisqaytaqa mana pipis jark'anmanchu.

Isaías 46:9

Yuyarikuychej ari ñaupamantapacha imaschus kasqanta. Noqalla Diosqa kani. Noqamanta astawan waj mana kanchu, manataj kanchu ujllapis noqaman rijch'akojqa.

Isaías 44:8

Qankunaqa ama iskayrayaychejchu, amataj manchachikuychejchu. Noqaqa unaymantapachaña uyaricherqaykichej, nerqaykichejtaj imachus kananta. Chaymanta qankunaqa mana llullakuwajchejchu. Noqamanta astawan waj diosqa manapuni kanchu; mana waj pakakunaqa kanchu; manapuni pitapis rejsinichu.

San Juan 8:51

Cheqamanta, cheqamanta niykichej: Pillapis palabrayta waqaychajqa mana jayk'ajpis wañuyta rikonqachu.

Apocalipsis 1:11

Nerqataj: Imatachus rikusqaykita uj libropi Escribiy, Asiapi kaj chay qanchis iglesiasmantaj apachiy: Efesoman, Esmirnaman, Pergamoman, Tiatiraman, Sardisman, Filadelfiaman, Laodiceaman ima.

San Juan 8:34

Jesús paykunaman nerqa: Cheqamanta, cheqamanta niykichej; tukuy juchallikojqa, juchaj kamachin.

San Juan 8:24

Chayrayku nerqaykichej juchaykichejpi wañunaykichejta. Noqapi mana creenkichejchu chayqa, juchaykichejpi wañunkichej.

San Juan 8:28

Chayrayku Jesús paykunaman nerqa: Maypachachus Runaj Churinta pataman oqharinkichej, chaypacharaj noqa kasqayta rejsiwankichej; yachankichejtaj mana imatapis sapallaymanta ruwasqayta. Jinallatataj yachankichej Dios Tataj yachachiwasqanta, parlawasqantapis.

San Juan 10:25

Jesustaj kutichispa nerqa: Willarqaykichejña, qankunataj mana creenkichejchu. Tataypa sutimpi milagrosta ruwasqasniy, pichus noqa kasqayta sut'inta willasunkichej.