San Juan 8:19 - Qheshwa Biblia DC

¹⁹ Chantá taporqanku: Maytaj Tataykiri?, nispa. Jesustaj paykunaman nerqa: Qankuna mana rejsiwankichejchu, manallataj Tataytapis rejsinkichejchu. Noqatachus rejsiwankichejman chayqa, Tataytapis rejsillawajchejtaj.

DIOSPA QHELQACHISQAN DEUTEROCANONICAL

¹⁹ Chantá Jesusta taporqanku: Tatayki maypitaj kashanri? nispa. Jesustaj kuticherqa: Qankunaqa mana noqata rejsiwankichejchu, nitaj Tataytapis. Sichus noqata rejsiwankichejman chayqa, Tataytapis rejsillawajchejtaj, nispa.

DIOSPA QHELQACHISQ

¹⁹ Chantá Jesusta taporqanku: Tatayki maypitaj kashanri? nispa. Jesustaj kuticherqa: Qankunaqa mana noqata rejsiwankichejchu, nitaj Tataytapis. Sichus noqata rejsiwankichejman chayqa, Tataytapis rejsillawajchejtaj, nispa.

Quechua South Bolivia: Dios Parlapawanchej

¹⁹ Chayraycu taporkancu asicunancupaj: —¿Maypitaj tatayquirí? Jesusri cuticherka: —Mana nokata rejsiwanquichejchu nitaj Tataytapis. Sichus nokata rejsiwanquichejman chayka, Tataytapis rejsiwajchej carka, —nispa.

San Juan 8:19 Referans Kwoze

San Juan 16:3

Chayta ruwanqanku, imaraykuchus Dios Tatata, noqatapis mana rejsiwaykuchu.

1 Corintios 15:34

Qankuna rijch'ariychej sumaj cheqan kausayman, amataj juchalliychejchu; imaraykuchus wakin qankunamanta Diosta mana rejsinkuchu. Kayta nini qankuna p'enqakunaykichejpaj.

San Juan 7:28

Chayta uyarispa Jesusqa, templopi yachachishaspa sinch'ita parlarerqa: Noqata rejsiwankichej, yachankichejtaj maymantachus kasqayta; manataj sapaymantachu jamuni. Kachamuwarqa chaytaj cheqapuni, qankunataj payta mana rejsinkichejchu.

San Juan 1:10

Palabraqa kay pachapiña kasharqa. Kay mundotaj paynejta ruwasqa karqa. Kay mundopi kaj runastaj payta mana rejserqankuchu.

San Mateo 11:25

Chaypacha Jesús kutichispa nerqa: Yupaychayki Tatáy, janaj pachajta, kay pachajtawan Señornin. Kay imasta pakaykorqanki yachaysapasmanta, yuyayniyojkunamantawan; wawasmantaj chaykunata rikucherqanki.

2 Juan 1:9

Cristoj yachachiyninmanta llojsipojqa, manataj yachachiynimpi sayajqa, mana Diosniyojchu. Cristoj yachachiynimpi sayajrí, Dios Tatayoj, Churiyojtaj.

Jeremías 24:7

Allin sonqota qosaj, noqa Señorninku kasqayta rejsinawankupaj. Paykunaqa aylluy kanqanku, noqataj paykunaj Diosninku kasaj, imaraykuchus tukuy sonqowan kutirimpuwanqanku.

1 Juan 5:20

Yachanchej Diospa Churin jamuspa yachayta qowasqanchejta, cheqa Diosta rejsinanchejpaj; cheqa Churimpitaj kananchejpaj. Pay cheqa kaj Diosqa, wiñay kausaytaj.

Gálatas 4:9

Kunanqa Diosta rejsishaspa, chayrí Diospa rejsisqasnin kaspa, imaraykutaj ujtawan mana kallpayoj, wajcha yachachiykunaman kutiripuyta munankichej kamachisnin jina?

San Juan 17:3

Kaymin chay wiñay kausayqa: Qan k'ata cheqa Diosta rejsisunanku, kachamusqayki Jesucristotapis.

Colosenses 1:10

Mañakuyku Señorpa munayninman jina purinaykichejpaj, tukuy imapi Diosta kusichispa, allin poqoyta apaspa, tukuy ima allin ruwaypi, ajinamanta wiñaspataj, Diosta rejsinaykichejpaj.

San Juan 15:21

Chay tukuy imasta ruwasonqachej sutiyrayku, imaraykuchus kachamuwajniyta mana rejsinkuchu.

Jeremías 22:16

Payqa ñak'arejkuna wajchastapis yanapaj, chayrayku paytaqa tukuy imapi allin rerqa. Chaypi yachakun noqa Señorta rejsiwasqanqa. Noqa Señor chayta nini.

Hebreos 1:3

Paytaj Diospa k'anchaynimpa lliphipiynin kaspa, Dios kaynimpa kikin rijch'aynintaj, tukuy imata palabrampa atiyninwan sayachin, pay kikintaj juchasninchejta pichaspa, jatun kajpa pañanman janaj pachapi tiyaykukorqa.

Colosenses 1:15

Cristoqa mana rikukoj Diospa rijch'ayninmin. Pay karqa tukuy ima ruwasqasmanta ñaupaj nacej.

Efesios 1:17

Señorninchej Jesucristoj Diosnin, atiyniyoj Tata yachaymanta sut'inchaymantawan espirituta qankunaman qosuchun, payta allinta rejsinaykichejpaj.

San Juan 1:18

Mana pipis Diostaqa jayk'ajpis rikorqachu; uj k'ata churi, Dios Tatawan kajlla paytaqa rejsicherqa.

1 Juan 2:23

Pichus Churita qhesachan chayqa, mana Dios Tatayojchu. Pichus Churita sonqompi jap'in chayqa, Dios Tatayoj.