San Juan 6:63 - Qheshwa Biblia DC

⁶³ Espiritoqa kausachin, aychaqa mana imapaj walejchu. Noqa parlaykichej chay palabrasneyqa espiritumin, kausaytaj.

DIOSPA QHELQACHISQAN DEUTEROCANONICAL

⁶³ Diospa Espiritullan wiñay kawsayta qon. Runarí atisqanta ruwashaspapis, mana ni imatapis tarinmanchu. Qankunaman nisqay simikunaqa Diospa Espiritunmanta jamun, kawsaytataj qon.

DIOSPA QHELQACHISQ

⁶³ Diospa Espiritullan wiñay kawsayta qon. Runarí atisqanta ruwashaspapis, mana ni imatapis tarinmanchu. Qankunaman nisqay simikunaqa Diospa Espiritunmanta jamun, kawsaytataj qon.

Quechua South Bolivia: Dios Parlapawanchej

⁶³ Diospa Espiritullan causayta kon, manamin runaka atiyniyojchu chayta ruwananpajka. Cay palabras noka kancunaman niskayrí Santo Espiritumantamin. Chayraycu niskasniy causayta kon.

San Juan 6:63 Referans Kwoze

Hebreos 4:12

Diospa palabranqa kausayniyoj, atiyniyojtaj; khuchuytataj atin astawan iskay filoyoj espadamanta nisqaqa; yaykuntaj ukhukama, almata, espirituta, ankusta, chilenatapis p'itinankama; allintataj rejsin sonqoj yuyasqasninta, munasqasnintapis.

Gálatas 5:25

Sichus Espirituman jina kausanchej chayqa, Espirituman jinallataj purina.

Salmos 119:93

Kamachisqasniykimanta mana jayk'ajpis qonqasajchu, chaykunawanmin kausachiwarqanki.

San Juan 6:68

Simón Pedrotaj kutichispa nerqa: Pimantaj riykumanri? Qampallata tiyapusunki wiñay kausay palabra.

Salmos 119:50

Chay nisqasniykimin llakiyniypi kusichiwan, chay palabrayki kausachiwan.

1 Pedro 1:23

Qankunaqa watejmanta nacisqas kankichej, mana ismoj mujumantachu; manachayqa mana ismojmanta, Diospa palabrannejta. Chaytaj kausan wiñaynintimpaj.

Salmos 119:130

Qampa parlayniykeqa k'anchay jina, llamp'u sonqoyojkunamantaj yachachin.

Deuteronomio 32:47

Chay nisqayqa mana yanqha mana kajchu, kay leyqa qankunapaj, qankunaj kausayniykichej. Chaynejqa qankunaqa unayta kausankichej Jordán mayu chimpa jallp'api, chayaqeykichejpaj jap'ikunkichej chaypi.

1 Corintios 15:45

Jinallataj escribisqa kashan: Ñaupaj kaj runa Adanqa, kausaj almayoj ruwasqa karqa; qhepa kaj Adantaj kausachej espirituyoj ruwasqa karqa.

Romanos 10:17

Ajinaqa uyariynejta feqa jamun, uyariypis Cristoj palabrannejta jamun.

1 Pedro 3:18

Cristopis juchasrayku uj kutillata ñak'arerqa cheqan mana juchayoj, juchasapasrayku; Diosman pusanawanchejpaj. Cheqamanta aychapi wañorqa, espiritupitaj kausasharqa.

1 Tesalonicenses 2:13

Chayrayku noqaykupis mana samaspa Diosman graciasta qoyku, maypachachus Diospa palabranta jap'isharqankichej noqaykumanta uyarispa; chaypacha mana runakunaj palabranta jinachu, cheqamanta Diospa palabranta jina jap'erqankichej. Chay palabrataj qankuna creejkunapi llank'ashan.

Romanos 8:2

Kausachej Espíritoj leynenqa Cristo Jesuspi; juchaj kamachiyninmanta wañuymantawan kacharichiwan.

Santiago 1:18

Pay munayninman jina kausayta qowanchej cheqa palabrannejta, mishkha jina wawasnin kananchejpaj munasqanman jina.

Génesis 2:7

Chaymanta Señor Dios runata ruwarqa ñut'u jallp'amanta, senqanmantaj kausay samayta samaykorqa. Ajinamanta runaqa kausayta qallarerqa.

1 Pedro 3:21

Chay yakutaj bautismowan ninakun. Bautismotaj aychaj millayninta mana llimphuchanchu; astawanqa llimphu concienciaj munayninwan Diosninchejman pusawanchej, Jesucristo kausarimusqanrayku.

1 Timoteo 4:8

Cuerpota kallpachayqa pisillapaj, Diosta yupaychayrí sumaj tukuy imapaj; imaraykuchus allinmin kay kausaypi, jinallataj jamoj kausaypipis.

Hebreos 13:9

Ama apaykachachikuychejchu imaymana waj yachachiykunawan; aswan allinmin Diospa yanapayninwan sonqo kallpachasqa kananqa; mikhuykunawan kallpachasqa kananmanta, imaraykuchus chaykuna mana yanapankuchu chay jinaman kausajkunata.

Gálatas 6:15

Cristopeqa mana allinchu circuncidasqa kayqa, nillataj mana circuncidasqa kaypis. Astawanqa, mosoj kausaymin aswan allin.

Romanos 2:25

Leyta kasojtiyki, cheqamanta circuncisionqa yanapasunki. Mana leyta kasuspaqa, leyta p'akinki, circuncidasqa kasqaykitaj, manapis circuncidasqachu kawaj jina.

Gálatas 5:6

Cristo Jesuspeqa ni mayqen allinchu ni circuncidasqapis kay, nitaj mana circuncidasqapis. Manachayqa creeylla, maykenchus tukuy imata munakuynejta ruwan.

Proverbios 4:13

Imatachus nisqayta sumajta jap'ikuy, ama saqeychu; chay nisqasniyman jina ruwan, chaymin kausayniykeqa.

San Juan 5:21

Imaynatachus Dios Tataqa wañusqasta kausarichispa, kausayta paykunaman qon, ajinallatataj Churipis pikunamanchá qoyta munan, chaykunaman kausayta qon.