San Juan 5:39 - Qheshwa Biblia DC

³⁹ Escriturasta allinta qhawaychej, imaraykuchus qankunamanqa rijch'asunkichej, Escriturasnejta wiñay kausayta tarinaykichej kasqanta. Chay Escriturastaj noqamanta willashanku.

DIOSPA QHELQACHISQAN DEUTEROCANONICAL

³⁹ Qankunaqa Diospa Qhelqachisqanta allin allinta qhawankichej, imaraykuchus qhelqasqapi imatachus nisqannejta wiñay kawsayta tarinaykichejta yuyankichej. Chay qhelqasqarí noqamanta willan.

DIOSPA QHELQACHISQ

³⁹ Qankunaqa Diospa Qhelqachisqanta allin allinta qhawankichej, imaraykuchus qhelqasqapi imatachus nisqannejta wiñay kawsayta tarinaykichejta yuyankichej. Chay qhelqasqarí noqamanta willan.

Quechua South Bolivia: Dios Parlapawanchej

³⁹ Entiendenayquichejpaj sumajta leeychej Diospa palabranta. Kancuna palabranpi wiñay causayniyoj caskayquichejta yuyanquichej. [Astawanpis nokapimin wiñay causayka cashan.] Chay palabrantaj nokamanta willan.

San Juan 5:39 Referans Kwoze

San Lucas 24:27

Chaypitaj sut'inchayta qallarerqa, paymanta chay tukuy imata Diospa palabran nisqanta; Moisesmantapacha qallarispa, tukuy profetaspa escribisqankumantawan.

San Lucas 24:44

Chaymantataj nerqa: Kayta nerqaykichejña qankunallawanraj kashaspa, junt'akunampuni kasqanta chay tukuy, noqamanta escribisqa kajkuna Moisespa leynimpi, profetaspapi, salmospi ima.

Hechos 17:11

Chaykunataj aswan k'achas karqanku Tesalonicapi tiyakojkunamanta nisqaqa, imaraykuchus Diospa palabranta tukuy sonqo yachakorqanku. Sapa p'unchaytaj Escriturata allinta qhawaspa, mask'arqanku cheqachus manachus kasqanta Pabloj yachachisqan.

San Mateo 22:29

Jesustaj paykunaman kuticherqa: Qankunaqa pantasqas kankichej, mana Escriturasta rejsisqaykichejrayku, nitaj Diospa atiynintapis.

Isaías 34:16

Señorpa libronta qhawaychej, leeychejtaj. Chaypi kanqanku tukuynin chay animales, china orqo, imaraykuchus kikin Señorpuni kamacherqa, phukuspataj ujllaman chaykunata tantaykonqa.

Hechos 13:27

Jerusalempi tiyakojkuna, kamachejninkunapis, mana yacharqankuchu pichus Jesús kasqanta, nitaj rejserqankuchu profetaspa escribisqankuta, sapa samakuna p'unchaypi leeshaspapis. Ajinamanta Jesusta juchachaspa, profetaspa nisqanta junt'arqanku.

San Juan 5:46

Moisespichus creewajchej chayqa, noqapipis creellawajchejtaj; imaraykuchus noqamanta pay escriberqa.

Jeremías 8:9

Chay yachayniyojkunarí k'umuykuchisqas, mancharichisqastaj kanqanku, imaynatachus uj uywa tojllapi jap'ichikun jinata. Maypitaj chay yachayninku kashanri, palabrasniyta paykuna qhesachajtinkuri?

Romanos 3:2

Anchatapuni, tukuy imaymanamanta, cheqatapuni ñaupajmantapacha Diospa palabran paykunaman qosqa karqa.

Marcos 12:10

Manachu kayta Escriturapi leerqankichej? Wasi ruwajkunaj qhesachasqanku rumeqa, aswan sumaj rumiman paran.

Apocalipsis 19:10

Noqataj chakisninman urmarqani payta yupaychanaypaj. Paytaj niwarqa: Qhawakuy, ama chayta ruwaychu. Noqa kamachi masiyki kani, hermanosniykejtapis, pikunachus Jesuspa willayninta jap'inku, chaykunajta. Diosta yupaychay. Jesuspa willaynenqa Diosmanta sut'inchanaj espiritunmin.

Romanos 1:2

Diosqa unaymantapachaña nerqa evangeliota qonanta, cheqa Escrituraspi profetasninnejta.

Hechos 26:27

Rey Agripa, creenkichu profetaspa nisqankuta? Noqa yachani creesqaykita.

San Juan 7:52

Chaymantaj paykuna kuticherqanku: Galileamantachu qampis kanki? Escribisqapi allinta qhaway, chaypi allinta yachanki Galileamanta ni pi profeta jatarisqanta. [

San Juan 5:32

Noqamanta willajqa wajmin, yachanitaj chay willasqanqa cheqa kasqanta.

Salmos 36:9

Qampi kausay yaku pujyoqa kashan. K'anchayniykipitaj k'anchayta rikuyta atiyku.

Deuteronomio 18:18

Noqa paykunapaj uj sut'inchajta ayllu masinku ukhumanta rikhurichimusaj qan kikinta, paykunaman noqaj nisqayta ninampaj, imatachus paykunaman kamachisqayta.

Deuteronomio 18:15

Señor Diosniykichejqa qankuna ukhumanta uj sut'inchajta noqata jina sayarichipusonqachej, qankunataj payta kasunkichej.

San Juan 5:36

Juampa willasqanmanta aswan sumaj willajniy tiyan; Dios Tata ruwanasta qowarqa junt'anaypaj, chaykunata ruwashani; chay ruwasqasniytaj willashanku Dios Tata kachamuwasqanta.

Salmos 119:11

Palabrasniykita sonqoypi waqaychani, ama contraykipi juchallikunaypaj.

Salmos 16:11

Kausayman pusaj ñanta rikuchiwanki. May jatun kusikuy tiyan ñaupaqeykipi, qanwanqa wiñaypaj sonqo qhallallariy tiyan.

San Lucas 16:31

Abrahamtaj nerqa: Moisesta profetastawan mana uyarenqanku chayqa, manallataj kasonqankuchu wañusqasmanta jatarimojtapis.

Proverbios 6:23

Cheqamanta kamachiykunaqa lamparamin, yachachiykunaqa k'anchaymin; k'amiykunawan reparachiykunawantaj kausay ñanmin.

Josué 1:8

Kay libropi Diospa leyninmanta kajtaqa willaypuni imatachus nisqanta. Tuta p'unchay unanchakuy kay libropi imatachus nisqanta ruwanaykipaj, ajinamanta tukuy ima ruwasqaykipi allin risunampaj.

Deuteronomio 32:47

Chay nisqayqa mana yanqha mana kajchu, kay leyqa qankunapaj, qankunaj kausayniykichej. Chaynejqa qankunaqa unayta kausankichej Jordán mayu chimpa jallp'api, chayaqeykichejpaj jap'ikunkichej chaypi.

Hebreos 11:16

Chaywampis, aswan sumaj llajtata munasharqanku, chay janaj pachapi kajta. Chayrayku Diosqa mana p'enqakunchu paykunaj Diosninku kayta, imaraykuchus paykunapaj uj llajtata wakichiporqa.

Colosenses 3:16

Cristoj palabranqa sonqoykichejpipuni kachun. Qankunataj ujkuna ujkunawan yachachinakuychej, sonqochanakuspataj tukuy yachaywan. Señorta agradecekuychej tukuy sonqo salmoswan, himnoswan, Espirituman jina, takiykunawan ima.

San Lucas 16:29

Abrahamtaj kuticherqa: Chaypaj kashanku Moiseswan profetaswan. Paykunata uyarichunku.

Daniel (hebreo) 12:2

Jallp'aj sonqompiña puñojkunamanta ashkhas rijch'arimonqanku, ujkunaqa wiñayta kausanankupaj, wakinkunataj, wiñaj p'enqaypi, wiñay phutiypitaj kanankupaj.

San Juan 1:45

Felipetaj, Natanaelta taripaspa nerqa: Josejpa churin Jesús nazarenota tariyku. Paymantaqa, Moisés escriberqa leypi, ajinallatataj profetaspis.

Isaías 8:20

Chayrayku kutiriychej leyman, imatachus yachachisqaymanwan. Sichus mana chayman jinachu nenqanku chayqa, paykunapi mana cheqa kaj kanchu.

Salmos 21:4

Kausayta mañakusorqa, qorqankitaj ashkha watasta, wiñay kausaytataj.

Salmos 1:2

Manachayqa, pay Diospa kamachisqampi sonqonta churan, chay kamachisqampitaj tuta p'unchay yuyan.

Salmos 133:3

Hermón orqopi chhulla jina, Sión orqoskamataj chayan.

Hebreos 11:35

Wakin warmispis wañusqasninkuta kausarimuynejta jap'ikaporqanku. Wakin runastaj aysasqas ñak'arerqanku, kacharisqas kaytataj mana munarqankuchu; imaraykuchus yacharqanku aswan allin kausarimpuyta jap'inankuta.

Deuteronomio 29:29

Mana yachasqanchej imasqa Señor Diosninchejpallata. Diosninchej sut'inchawasqanchej imasqa noqanchejpajta, wawasninchejpata ima, wiñaypaj junt'ananchejpaj kay leypi ima kamachiykunachus kashan chaykunata.

San Lucas 24:25

Chantá pay nerqa: Ay, mana yuyayniyojkuna rumi sonqos, chay jinatapunichu mana creenkichej profetaspa tukuy nisqanta!

San Juan 5:40

Qankuna kausayta tarinaykichejpajqa, noqaman jamuyta mana munankichejchu.

Marcos 10:3

Jesustaj paykunaman kutichispa tapullarqataj: Imatataj Moisés kamachisorqachej?