San Juan 5:37 - Qheshwa Biblia DC

³⁷ Kachamuwajniy Dios Tatapis noqamanta willallarqataj, qankunataj mana jayk'ajpis parlamusqanta uyarerqankichejchu, nitaj rijch'aynintapis rikorqankichejchu.

DIOSPA QHELQACHISQAN DEUTEROCANONICAL

³⁷ Kachamuwaj Tata Diospis noqamanta willallarqataj, qankunataj mana jayk'ajpis parlasqanta uyarerqankichejchu, nitaj rijch'aynintapis rikorqankichejchu.

DIOSPA QHELQACHISQ

³⁷ Kachamuwaj Tata Diospis noqamanta willallarqataj, qankunataj mana jayk'ajpis parlasqanta uyarerqankichejchu, nitaj rijch'aynintapis rikorqankichejchu.

Quechua South Bolivia: Dios Parlapawanchej

³⁷ Chaywanpis cachamuwajniy Tatayka nokamanta willarka. Kancunari paypa wajyaskanta ni jayc'aj sonkoyquichejwan uyarerkanquichejchu nitaj paymantapis repararkanquichejchu.

San Juan 5:37 Referans Kwoze

San Juan 8:18

Noqa kikiymanta willakuni, kachamuwajniy tataypis noqallamantataj willan.

San Juan 1:18

Mana pipis Diostaqa jayk'ajpis rikorqachu; uj k'ata churi, Dios Tatawan kajlla paytaqa rejsicherqa.

1 Timoteo 1:17

Alabanachej, jatunchanachejtaj reyta wiñaypaj payqa mana tukukoj wañoj, mana rikukoj, uj k'ata Diostaj. Amén.

1 Timoteo 6:16

Pay k'atamin mana wañojqa. Mana chimpay atina k'anchaypitaj tiyakun. Chaytaqa mana pipis rikorqachu, nitaj pipis rikuyta atinchu. Pay wiñaypaj yupaychasqa kachun. Amén.

San Mateo 3:17

Chaymantataj, cielomanta Dios nimorqa: Kaymin ancha munasqa Chureyqa. Paywan kusisqa kani.

1 Juan 4:20

Pillapis Diosta munakuni ninman, wauqentataj chejninman chayqa, llulla runa. Pichus wauqenta rikushaspa, mana munakunchu chayqa, manallataj Diostapis munakuyta atinchu, mayqentachus mana rikunchu.

1 Juan 4:12

Mana ni jayk'aj pipis Diosta rikorqachu. Purajmanta munanakojtinchejqa, Dios noqanchejpi kashan, munakuynintaj noqanchejpi junt'akun.

San Juan 14:9

Jesús payman kuticherqa: Felipe, chhika unaytaña qankunawan kani, manachu rejsiwanki? Noqata rikuwajqa, Tataytapis rikun; imaraykutaj Dios Tatata rikuchiway nishanki?

San Juan 6:27

Llank'aychej ari, wiñaypaj kaj t'antarayku, ama ari tukukoj t'antaraykullaqa. Chaytaqa Runaj Churillan qosonqachej; paytaqa Dios Tata ajllarqa.

San Mateo 17:5

Ajinata Pedro parlashajtillanraj, ujllata k'ancharishaj phuyu paykunata pakaykorqa. Chay phuyu ukhumantataj uj voz nimorqa: Kaymin munasqa Chureyqa, paywan ancha kusisqa kani. Payta uyariychej.

Deuteronomio 4:12

Señortaj chay nina lauray ukhumanta parlapayamusorqachej. Qankunataj chay parlamusqanta uyarerqankichej, manataj rikorqankichejchu ima rijch'ajchus kasqanta.

Éxodo 20:19

Chayrayku Moisesman nerqanku: Qanlla parlawayku, noqaykutaj kasusqayku imatachus niwasqaykuta. Diosqa ama noqaykuwanqa parlachunchu ari, pay parlapayawasqayku chayqa wañurasqayku.

San Juan 15:24

Manachus paykuna ukhupi, ni pejpa ruwasqanta ruwaymanchu karqa chayqa, mana juchayojchu kankuman karqa. Kunanqa ruwasqasniyta rikunkuña; chaywampis noqata Tataytapis chejniwayku.

Isaías 26:10

Sajra runasta khuyanki chaypis, paykunaqa mana yachankuchu imachus cheqan kajtaqa; allinta ruwaj runaspa jallp'ampi paykunaqa sajra imasta ruwanku. Paykunaqa Señorqa jatun kayninta mana reparankuchu.

Marcos 1:11

Cielomantataj Dios nimorqa: Qanmin munasqa Churiy kanki, qannejta sonqo junt'asqa kani.

San Lucas 3:22

Santo Espiritutaj paypa patanman uraykamorqa paloma jina. Cielomantataj Dios nimorqa: Qanmin munasqa Churiy kanki, qannejta sonqo junt'asqa kani.

San Lucas 24:27

Chaypitaj sut'inchayta qallarerqa, paymanta chay tukuy imata Diospa palabran nisqanta; Moisesmantapacha qallarispa, tukuy profetaspa escribisqankumantawan.

San Juan 5:32

Noqamanta willajqa wajmin, yachanitaj chay willasqanqa cheqa kasqanta.

1 Juan 5:9

Runaspa willasqasninkutapis jap'ikunchej; kaymanta aswan kurajqa Diospa willasqan; kaytaj Diospa willaynenqa, Churinmanta willawasqanchej.