San Juan 3:36 - Qheshwa Biblia DC

³⁶ Churipi creejqa wiñay kausayniyoj, Churipi mana creejtajrí, kausaytaqa mana rikonqachu; astawanqa Diospa phiñakuynin paypa patampi kashan.

DIOSPA QHELQACHISQAN DEUTEROCANONICAL

³⁶ Pichus Diospa Churinpi atinikojqa wiñay kawsayniyoj. Churipi mana atinikuyta munajrí mana wiñay kawsayman yaykonqachu, aswanpis Diospa phiñakuynin paypa patanpi kashan.

DIOSPA QHELQACHISQ

³⁶ Pichus Diospa Churinpi atinikojqa wiñay kawsayniyoj. Churipi mana atinikuyta munajrí mana wiñay kawsayman yaykonqachu, aswanpis Diospa phiñakuynin paypa patanpi kashan.

Quechua South Bolivia: Dios Parlapawanchej

³⁶ Wawanpi jap'icojka wiñay causayniyojmin. Wawanpi jap'icuyta mana munajrí wiñay causayman mana yayconkachu. Astawanpis Diospa c'ajaj phiñacuynin chay runapaj wiñaypaj cashan, —nerka Juan.

San Juan 3:36 Referans Kwoze

San Juan 5:24

Cheqamanta, cheqamanta niykichej: Pichá parlasqayta allinta uyarin, kachamuwaj Tataytapis creen chayqa, wiñay kausayniyoj; manataj juicio p'unchaypi juchachasqachu kanqa, astawanqa wañuymanta kausayman yaykun.

San Juan 1:12

Sutimpi creespa, tukuy payta recibejkunaman atiyta qorqa, Diospa wawasnin kanankupaj.

1 Tesalonicenses 5:9

Diosqa mana phiñakuypajchu churawarqanchej, astawanqa salvacionta tarinanchejpaj Señorninchej Jesucristonejta.

Efesios 5:6

Ama piwampis qhasi mana kaj palabraswan ch'aukiyachikuychejchu, imaraykuchus kay imasrayku Diospa k'ajaj phiñakuynin jamun mana kasukojkunaj patanman.

Romanos 5:9

Kunanqa astawanraj qowasun, yawarninrayku Dioswan allinyasqaña kajtinchej, paynejtataj k'ajaj phiñakuymanta salvasqas kasunchej.

San Juan 8:51

Cheqamanta, cheqamanta niykichej: Pillapis palabrayta waqaychajqa mana jayk'ajpis wañuyta rikonqachu.

San Juan 10:28

Noqa paykunaman wiñay kausayta qoni; manataj jayk'ajpis chinkanqankuchu, makisniymantapis mana pipis qhechuwanqachu.

San Juan 3:3

Jesustaj kutichispa nerqa: Cheqamanta, cheqamanta niyki, pichus watejmanta mana nacinmanchu chayqa, Diospa reinonta mana rikuyta atinchu.

Apocalipsis 21:8

Manchachikojkunarí, mana creejkuna, millay kajkuna, runa wañuchis, qhenchachakojkuna, layqakuna, lanti yupaychajkuna, tukuy llullakojkunapis, chayaqepaj jap'enqanku, ninawan azufrewan larwashan chay qochata. Chaymá iskay kaj wañoyqa.

1 Tesalonicenses 1:10

Willallankutaj qankuna janaj pachamanta Diospa Churinta suyashasqaykichejta, pitachus Dios wañusqakunamanta kausarichimorqa. Chaytaj Jesús. Pay jamoj k'ajaj phiñakuymanta salvawarqanchej.

Gálatas 3:10

Moisespa leynimpi confiajkunaqa maldicisqas kanku. Escribisqaman jina, imachus leypa librompi escribisqa kashan chayta, mana pipis junt'ajqa, maldicisqa kanqa.

Romanos 8:1

Kunanqa mana ima juchachaypis kanchu, Cristo Jesuspi kajkunapaj; [pikunachus mana purinkuchu aychaman jina, astawanqa Espirituman jina.]

San Lucas 3:6

Tukuy runastaj Diospa salvacionninta rikonqanku.

Salmos 49:19

Uj día paypaj wañunan chayamonqa, manañataj p'unchayta ujtawan rikonqachu.

Salmos 36:9

Qampi kausay yaku pujyoqa kashan. K'anchayniykipitaj k'anchayta rikuyta atiyku.

Hebreos 10:29

Mashkhatawanraj yuyankichej jasut'isqa kananta chay runa Diospa Churinta saroj, yawar tratontataj millay nej, chaypitaj llimphuchasqa karqa, khuyakoj Espiritupajtaj rimarqa?

Habacuc 2:4

Kay jinatamin qelqanayki kashan: Sajrata ruwajkunaqa mayta runaykachanku. Chaywampis cheqan runasqa Diospi creesqankurayku kausanqanku.

Salmos 2:12

Churita jatunchaychej ama phiñakunampaj, amataj ñampi chinkanaykichejpaj, pajtataj ñampi chinkachisqas kawajchej. Payqa kaymanta jinalla phiñakun. Payqa munakuyninta mask'ajkunaqa kusikuyniyojmin.

Job 33:28

Payqa wañuymanta salvawarqa, kunantaj k'anchayta rikuniraj.

Romanos 4:15

Moisespa leynenqa phiñakuyta apamun; maypichus mana ley kanchu chayqa, manallataj ley p'akiypis kanchu.

San Lucas 2:30

Ñawisniywan rikunitaj kachamusqayki Salvadorta, wakichisqaykita tukuy runaspa ñaupaqempi.

San Mateo 25:46

Kaykunataj, wiñay ñak'ariyman renqanku; cheqan kajta ruwajkunataj, wiñay kausayman renqanku.

Marcos 16:16

Pichus creejqa, bautizachikojtaj, salvasqa kanqa; mana creejtajrí wañuypaj juchachasqa kanqa.

San Juan 4:36

Pichus ruthojqa pagonta jap'ikaponqa, poqoytataj wiñay kausaypaj tantanqa. Tarpojtajrí, ruthojwan kusikonqa.

San Juan 6:58

Kaymá janaj pachamanta uraykamoj t'antaqa. Manataj tatasniykichej mikhusqanku, Maná nisqa t'anta jinachu. Paykunaqa wañorqanku, kay t'antata mikhojrí wiñaypaj kausanqa.

Hechos 14:2

Mana creej judiostaj, gentilesta yachaykuchispa hermanospa contrampi oqharicherqanku.

Hebreos 3:18

Pikunapajtaj Dios jurarqa, samakuyninman mana yaykunankutari? Manachu chay mana kasukojkunapaj?

Hebreos 3:19

Yachanchej mana yaykuyta atisqankuta, mana creesqankurayku.