San Juan 3:27 - Qheshwa Biblia DC

²⁷ Juantaj kutichispa nerqa: Mana runaqa imatapis jap'iyta atinchu, manachus Diosmanta qosqa kanman chayqa.

DIOSPA QHELQACHISQAN DEUTEROCANONICAL

²⁷ Chantá Juan kuticherqa: Runaqa mana imatapis jap'iyta atinmanchu, manachus Dios qonman chayqa.

DIOSPA QHELQACHISQ

²⁷ Chantá Juan kuticherqa: Runaqa mana imatapis jap'iyta atinmanchu, manachus Dios qonman chayqa.

Quechua South Bolivia: Dios Parlapawanchej

²⁷ Juantaj cuticherka: —Dios kojtillan runaka imatapis jap'iyta atin.

San Juan 3:27 Referans Kwoze

Santiago 1:17

Tukuy ima allin t'inka, imatapis ruwayta yachaytaj patamanta jamun, k'anchay Tatamanta. Payqa kikillampuni, manataj paypi ima llanthullapis kuyurej kanchu.

1 Corintios 4:7

Pitaj qanta allimpi rikuchisunki, wajkunamanta astawan? Chayrí imataj tiyapusunki mana Diospa qosusqan? Pay qosunki chayri, imaraykutaj wapuykachanki manapis Diosmanta jap'iwajchu karqa jina?

1 Corintios 15:10

Chaywampis, Diospa khuyakuyninrayku imachus kani chay kani. Khuyakuynintaj noqapajqa mana qhasipajchu karqa. Chantá tukuyninkumanta astawan llank'arqani; mana noqallachu, astawanqa Diospa khuyakuynin noqapi kasqanrayku.

Amós 7:15

Señortaj qhechuwan ovejasta michinayta, niwantaj: Riy sutiypi parlamuy Israel aylluyman.

San Mateo 25:15

Ujman phishqa talento qolqeta qorqa, ujmantaj iskayta, ujninmantaj uj talentollata. Ajinata sapa ujman qorqa atisqankuman jina. Chay kikimpachataj karuman ch'usarqa.

Jeremías 17:16

Chaywampis, mana noqa mañarqaykichu qan apachinaykita ñak'ariykunata, nitaj munaporqanichu paykunapajqa chay chhika nanaykunata. Simiymanta llojsejtaqa ñaupaqeykipi nerqani.

Números 17:5

Chaypi noqaj ajllasqay runaj tojunta t'ikarichisaj, ajinamanta israelitas noqay ñaupaqeypi manaña qankunaj contraykichejta parlanqankuchu.

1 Timoteo 2:7

Chaypi willaj apostoltaj churasqa karqani, cheqata nini mana llullakuspa, gentilespa yachachejnin, fepi, cheqa kajpitaj.

San Mateo 21:25

Pitaj Juanta bautizanampaj churarqa, Dioschu, chayrí runaschu? Tapojkunataj ninakorqanku: Dios kamacherqa nejtinchejqa, imaraykutaj chantá mana paypi creerqankichejchu?, niwasun.

Romanos 12:6

Ajinaqa, sapa ujman, waj waj yanapaykunata khuyakuyninman jina qowarqanchej. Chayrayku pimanchus evangeliota willanampaj yachayta qorqa, feninman jina willachun.

Marcos 13:34

Kayqa karu llajtaman ripojman rijch'akun. Wasinta saqespa atiyta qorqa sapa uj kamachisninman. Punku qhawajtapis nerqa allinta qhawananta.

Efesios 1:1

Noqa Pablo, Diospa munayninrayku Jesucristoj apostolnin kani. Kay cartata escribimuni Efeso llajtayoj Diospa ajllasqasninman, Jesucristopitaj creejkunaman.

Gálatas 1:1

Noqa Pablo, apóstol kani, mana runaspa churasqanchu nitaj paykunaj kachasqanchu. Manachayqa Jesucristonejta churasqa kani, Dios Tatanejtataj; pichus Cristota wañusqakunamanta kausarichimorqa.

1 Corintios 12:11

Kay tukuy imasta ruwan ujlla, kikin Espíritu. Paytaj rak'in imaymana yachaykunata sapa ujman munasqanman jina.

1 Corintios 3:5

Kunanqa, pitaj Pablori? Pitaj Apolosri? Noqayku Diospa kamachisnin kayku, qankunataj noqaykunejta creerqankichej; chaytataj sapa ujniykuman Señor atiyta qowasqaykuman jina.

Romanos 1:5

Jesucristonejta jap'inchej khuyakuyta, kamachin kayta, tukuy llajtaspi, paypi creenankupaj kasunankupajtaj.

1 Corintios 1:1

Noqa, Pablo, wajyasqa kani Diospa munayninrayku, Jesucristoj apostolnin kanaypaj, hermano Sosteneswan ima.

San Juan 6:65

Nerqataj: Mana pipis noqaman jamunmanchu, Dios Tatachus mana wajyanman chayqa.

San Juan 10:41

Payta watukojtaj ashkhas rerqanku, nerqankutaj: Cheqamanta Juanqa mana ima milagrostapis ruwarqachu; Jesusmanta nisqantaj cheqa karqa.