San Juan 21:7 - Qheshwa Biblia DC

⁷ Chaypacha, Jesuspa munakusqan yachachisqaqa, Pedroman nerqa: Señorqa, nispa. Simón Pedrotaj, Señor kasqanta uyarispa, pata p'achanta churaykukorqa, imaraykuchus q'alalla kasharqa; qochamantaj phinkiykorqa.

DIOSPA QHELQACHISQAN DEUTEROCANONICAL

⁷ Jinapi, pitachus Jesús munakorqa, chaymin Pedrota nerqa: Payqa Tukuyta Kamachej Jesús, nispa. Simón Pedrotaj Tukuyta Kamachej Jesús kasqanta nejta uyarispa, q'ara wasalla kashasqanrayku patanchana p'achanta churaykukorqa. Chantá usqhayta qocha kantuman chayananpaj yakuman phinkiykorqa.

DIOSPA QHELQACHISQ

⁷ Jinapi, pitachus Jesús munakorqa, chaymin Pedrota nerqa: Payqa Tukuyta Kamachej Jesús, nispa. Simón Pedrotaj Tukuyta Kamachej Jesús kasqanta nejta uyarispa, q'ara wasalla kashasqanrayku patanchana p'achanta churaykukorqa. Chantá usqhayta qocha kantuman chayananpaj yakuman phinkiykorqa.

Quechua South Bolivia: Dios Parlapawanchej

⁷ Chayraycu Jesuspa munacuskan yachacojka Pedroman nerka: —Señorninchej, payka, —nispa. “Señorninchej, payka”, nejta uyarispataj Simón Pedroka jawa p'achanta chumpiycucorka, chay p'achaka llanc'ashaskanraycu orkhoska carka. Chayta ruwaspataj kochaman phinquiycorka.

San Juan 21:7 Referans Kwoze

San Juan 13:23

Yachachisqasninmanta ujnin kaj, pitachus Jesús munakoj, chay qayllampi kasharqa.

San Juan 20:2

Chaypacha usqhayta correspa Simón Pedroman jamorqa, Jesuspa munakusqan yachachisqamanwan. Paykunamantaj nerqa: Señorta sepulturamanta apakapusqanku, manataj yachaykuchu maymanchus churasqankuta.

San Juan 19:26

Jesustaj mamanta rikuspa, munakusqan yachachisqawan qayllampi sayashajtin, mamanman nerqa: Kayqa wawayki.

2 Corintios 5:14

Cristoj munakuynenqa kamachiwayku, kaypi yuyaspataj niykuman: Uj wañorqa tukuyrayku, jinallatataj tukuy wañorqanku.

San Juan 21:24

Kay yachachisqa chay imasta willarqa, escriberqataj. Yachanchejtaj willasqasnenqa cheqapuni kasqanta.

San Juan 21:20

Pedro qhepaman kutirikuspa rikorqa Jesuspa munakusqan yachachisqa jamushajta. Payllataj cenapi Jesusman atiykukuspa nerqa: Pitaj jap'ichisonqa?

Hechos 10:36

Uyariychej, Dios Israelpa churisninman palabranta parlasqanta, apachimorqa Jesucristonejta sonqo tiyakuy kasqanta willaspa, paytaj tukuypa Señornin.

Hechos 2:36

Chayrayku tukuy Israel runakuna, cheqamanta yachachunku, kay Jesusta pitachus cruzpi chakatarqankichej, payta Dios churarqa Señor kanampaj, Cristotaj.

San Lucas 7:47

Chaynejta niyki, ashkha juchasnin pampachasqa kasqanta, imaraykuchus anchata munakorqa; pisi perdonasqarí, pisita munakun.

San Lucas 2:11

Kunan qankunapaj nacikun Davidpa llajtampi uj Salvador. Chayqa Cristo Señor.

Marcos 11:3

Pipis tapusojtiykichej, imapajtaj chay burrota phaskarashankichej?, nispa chayqa, niychej: Señor munan kay burropi riyta. Kunampachataj kutichimpusonqa.

TAKIYKUNA 8:7

Ashkha yakuspis munakuytaqa mana thasnunmanchu, nillataj mayu yakuspis chinkachinmanchu. Sichus uj runa imachá wasimpi kapusqanta, munakuyrayku qoyta munanman chayqa, cheqamanta chay runataqa pisipaj qhawankuman.

Salmos 118:23

Chaytaqa Señor ruwarqa, noqanchejtaj t'ukushaj qhepakunchej.

Santiago 2:1

Hermanosníy, feniykichej janaj pachapi kaj Señorninchej Jesucristopi kachun; ama runasta imaynachus kasqankuta qhawaspalla.

1 Corintios 15:47

Ñaupaj kaj runaqa jallp'amanta ruwasqa karqa, jallp'a runa; qhepan kaj runataj janaj pachamanta.

San Juan 20:28

Tomastaj kutichispa nerqa: Señorníy, Diosníy!

San Juan 20:20

Chayta niytawan, makisninta, wajtanninta ima rikuchikorqa. Yachachisqastaj kusikorqanku Jesusta rikuspa.

San Lucas 12:35

Chumpisniykichej mat'isqas kachunku, k'anchanasniykichejpis jap'ichisqas.

San Juan 21:8

Wakin yachachisqastaj botepi jamorqanku, ch'ipa junt'a challwasta apamuspa, imaraykuchus ch'aki jallp'amanqa pachaj metros jinallaña kasharqa.