San Juan 20:17 - Qheshwa Biblia DC

¹⁷ Jesús payman nerqa: Ama llankhawaychu, imaraykuchus manaraj Tatayman wicharishanichu; astawanqa hermanosniyman willamuy: Tatayman, Tataykichejman, Diosniyman, Diosniykichejmantaj wicharishani.

DIOSPA QHELQACHISQAN DEUTEROCANONICAL

¹⁷ Jesustaj nerqa: Ama jap'iwaychu, imaraykuchus patapi kashaj Tatayman manaraj rinirajchu. Astawanqa wawqeykunaman nimuy: Pay nisunkichej: Tatayman, Tataykichejman, Diosniyman, Diosniykichejmantaj rishani, nispa.

DIOSPA QHELQACHISQ

¹⁷ Jesustaj nerqa: Ama jap'iwaychu, imaraykuchus patapi kashaj Tatayman manaraj rinirajchu. Astawanqa wawqeykunaman nimuy: Pay nisunkichej: Tatayman, Tataykichejman, Diosniyman, Diosniykichejmantaj rishani, nispa.

Quechua South Bolivia: Dios Parlapawanchej

¹⁷ Jesustaj nerka: —Amaña jap'iwaychu. Pisillataña kancunawan casaj, manaraj Tatayman wicharishaskayraycu. Kanrí riy hermanosniyman nimuy paycunaman: Wicharipushani Tataypaman, Tatayquichejpaman; Diosniyman, Diosniyquichejman, —nispa.

San Juan 20:17 Referans Kwoze

San Juan 16:28

Dios Tatajmanta llojsimorqani, mundomantaj jamorqani; kunantaj mundota saqespa Dios Tatajman kutishani.

1 Pedro 1:3

Yupaychasqa kachun Dios, Señorninchej Jesucristoj Tatan. Paya jatun khuyakuyninrayku watejmanta nacichiwarqanchej, kausay suyayta qonawanchejpaj, Jesucristo wañusqakunamanta kausarimusqanrayku, jap'inanchejpaj mana ismoj, mana ch'ichiyoj, nitaj ch'akipoj chayaqeta. Chaytaj janaj pachapi qankunapaj waqaychasqa kashan.

Gálatas 3:26

Chayrayku tukuyniykichej Diospa wawasnin kankichej, Jesucristopi creesqaykichejrayku.

San Juan 17:11

Noqa manaña mundopichu kasaj. Paykunataj mundopi qhepakonqanku, noqataj qanman jampusaj. Sumaj Tatáy, noqapi creejkunata sutiykipi waqaychay, paykuna uj sonqolla kanankupaj, qanwan noqawan ujlla kanchej, ajinata.

1 Juan 3:2

Munakusqasníy, kunanqa Diospa wawasnin kanchej, chaywampis, manaraj sut'ichu imaynachus kananchejqa. Yachanchejtaj, Jesucristo rikhurimojtin payman rijch'akunanchejta, imaraykuchus payta rikusunchej maychus kasqanta jina.

San Juan 14:6

Jesús payman nerqa: Noqa ñan kani, cheqataj, kausaytaj; mana pipis Dios Tataman jamuyta atinchu, mana noqanejta kaspaqa.

Marcos 16:19

Señortaj apostolesninman parlaytawan janaj pachaman oqharisqa karqa; chaypitaj Diospa pañanman tiyaykukorqa.

Salmos 68:18

Diosníy, puntanman wicharerqanki presochasqasta apaspa. Runas jaywasorqanku chaytataj jap'ikorqanki. Contraykipi sayaykojkunapis ñaupaqeykipi k'umuykukunku.

Apocalipsis 21:3

Tronomanta sinch'ita qhaparejta uyarerqani, nejtataj: Kayqa Diospa paykunawan tiyakuynin. Diosqa paykunawan kanqa. Runastaj paypa ayllun kanqanku, kikin Diostaj paykunaj Diosninku kanqa.

2 Corintios 6:18

Noqataj qankunaj tataykichej kasaj, qankunataj qhari wawasniy, warmi wawasniytaj kankichej, ajinata nin Tukuy Atiyniyoj Señor.

Romanos 8:29

Pikunatachus Dios ñaupajmantapacha rejserqa chaykunata, qallariypi ajllarqa Churinman rijch'akunankupaj; ajinapi Churenqa ashkha hermanos ukhupi kuraj kaj kanampaj.

San Juan 17:25

Cheqan kaj Tatáy, mundoqa mana rejsisorqachu, noqataj rejsiyki, paykunataj yachankuña qan kachamuwasqaykita.

San Mateo 28:7

Usqhayta rispataj yachachisqasninman willamuychej: Wañusqakunamanta kausarimun. Ñaupaqeykichejtataj Galileaman rishan, chaypi paywan tinkukunkichej. Kaytaqa niykichejña.

San Mateo 12:50

Pichus janaj pachapi kashaj Tataypa munayninta ruwajmari, wauqeytaj, panaytaj, mamaytaj.

Apocalipsis 21:7

Pichus atipanqa chayqa, tukuy imata chayaqepaj jap'enqa. Noqataj Diosnin kasaj, paytaj waway kanqa.

Hebreos 8:10

Ajinamanta, kay tratota Israel aylluwan ruwasaj, jaqay p'unchaykunaj qhepanta, Señor nin: Yuyayninkuman kamachisqasniyta churasaj, sonqosninkupitaj escribisaj. Paykunaj Diosninku kasaj, paykunataj noqaj aylluy kanqanku.

San Juan 20:27

Kikimpacha Tomasman nerqa: Dedoykita kayman churay, makisniytataj qhawariy, makiykita apamuy, churaykuytaj ukhuyman; amataj iskayrayaychu, astawanqa creey.

San Juan 17:5

Kunantaj Tatáy, qayllaykipi jatunchaway, jaqay janaj pacha k'anchaywan, mayqenchus tiyapuwarqa qanwan kashajtiy, manaraj mundo ruwakushajtin.

San Juan 14:28

Uyarerqankichejña qankunaman nisqayta: Rishani, kutimusajtaj qankunaman. Sichus munakuwankichejman chayqa, kusikuwajchej Dios Tataman rishani nisqaymanta, imaraykuchus pay noqamanta kuraj.

San Juan 14:2

Tataypa wasimpi ashkha tiyakunas tiyan; manachus jina kanman chayqa, niykichejmanña karqa; kunanqa rishani qankunapaj uj cheqata wakichimoj.

San Juan 13:3

Jesustaj yacharqa Dios Tatamanta jamusqanta, Diosmantaj kutipushasqanta. Yachallarqataj Dios tukuy atiyta payman qosqanta.

San Juan 13:1

Pascuaman qayllaña kashajtin, Jesús yacharqa horan chayamusqantaña, kay mundomanta Dios Tataman ripunampaj. Imaynatachus kay mundopi paypata kajkunata munakorqa, ajinata paykunataqa tukukuykama munakorqa.

San Juan 7:33

Chaypacha Jesús nerqa: Pisi p'unchayllatawanña qankunawan kasaj, chantá, kachamuwajniypaman kutipusaj.

San Lucas 10:4

Ama apaychejchu qolqe churanata, wayaqata, nitaj ujut'astapis. Ama pitapis napaykuychejchu ñanta rishaspaqa.

Ezequiel 37:27

Paykunawan khuska tiyakusaj. Noqa paykunaj Diosninku kasaj, paykunataj aylluy kanqanku.

Ezequiel 36:28

Ñaupa tatasniykichejman qorqani chay jallp'apitaj tiyakunkichej. Qankuna aylluy kankichej, noqataj Diosniykichej kasaj.

Jeremías 32:38

Paykuna aylluy kawanqanku, noqataj Diosninku kasaj.

Jeremías 31:33

Jaqay p'unchaykunapi Israelwan tratoyta ruwasaj chayqa, kay jina kanqa: Leyniyta sonqosninkuman churasaj, chantá yuyayninkumampis qelqaykullasajtaj. Noqa Diosninku kasaj, paykunataj aylluy kanqanku. Noqa Señor chayta nini.

Salmos 89:26

Pay niwanqa: Qan tatay kanki; Diosniy kanki, salvawajniy, jark'akuwajniytaj, nispa.

2 Reyes 7:9

Chanta paykuna ukhu ninakorqanku: Manasina allintachu ruwashanchej. Kunan p'unchay sumaj kashan kayta willanapaj, noqanchejtaj ch'inlla kashanchej. Sichus sut'iyamunankama suyasun chayqa, noqanchej juchayoj rikhurisunchej. Kunanqa jaku ari, reypaman willamusunchej.

San Mateo 25:40

Reytaj paykunaman kutichenqa: Cheqamanta niykichej, imallatapis chay juch'uy ujnin kaj wauqeypaj ruwarqankichej chayqa; noqa kikiypaj ruwarqankichej.

Salmos 48:14

Diosqa wiñaypa wiñaynimpaj Diosninchej kasqanta. Pay wiñaypaj pusawasunchej.

Salmos 43:4

Ajinamanta, Diosníy, altarniykiman chayasaj. Chaypitaj arpawan yupaychasqayki, imaraykuchus, qan Diosníy, sonqoyta kusiywan junt'achiwanki.

Salmos 22:22

Qanmanta noqa parlasaj wauqesniyman. Tantakojkunawantaj yupaychasqayki.

2 Reyes 4:29

Chanta Eliseoqa kamachin Gieziman nerqa: Wakichikuy, tojnuyta apariykukuspataj riy. Piwampis ñampi tinkukuspaqa ama napaykunkichu, pi napankusojtimpis ama uyarinkichu. Chayaspataj chay tojnuyta chay wawaj uyanman churaykunki.

Hebreos 11:16

Chaywampis, aswan sumaj llajtata munasharqanku, chay janaj pachapi kajta. Chayrayku Diosqa mana p'enqakunchu paykunaj Diosninku kayta, imaraykuchus paykunapaj uj llajtata wakichiporqa.

Isaías 41:10

Qanqa, ama manchachikuychu. Noqaqa qanwampuni kashani, Ama iskayrayaychu. Noqaqa kallpachasoj Diosniyki kani. Atipachej paña makiywan sayachisqayki, yanapallasqaykipunitaj.

Marcos 12:26

Wañusqas kausarimunankumantaqa, manachu leerqankichej Moisespa escribisqampi, thansamanta Dios parlamusqanta?, nispa: Noqa Abrahampa Diosnin kani, Isaacpata, Jacobpata ima.