San Juan 18:37 - Qheshwa Biblia DC

³⁷ Chaypacha Pilato payman nerqa: Chantá qan reychu kanki? Jesustaj kuticherqa: Qan ninki noqa rey kasqayta. Noqaqa chaypaj nacerqani, chaypajtaj kay mundoman jamorqani, cheqa kajmanta willanaypaj. Tukuy cheqa kajmanta kajrí, parlasqayta uyarin.

DIOSPA QHELQACHISQAN DEUTEROCANONICAL

³⁷ Chaymanta kamachej Pilato payta taporqa: Chantá qanqa kuraj kamachejchu kanki? nispa. Jesustaj kuticherqa: Qan nishanki noqa kuraj kamachej kasqayta. Noqatajrí kay pachaman jamorqani cheqa kajmanta willanaypaj. Cheqa kajta tukuy kasojkunaqa nisqayta uyarinku, nispa.

DIOSPA QHELQACHISQ

³⁷ Chaymanta kamachej Pilato payta taporqa: Chantá qanqa kuraj kamachejchu kanki? nispa. Jesustaj kuticherqa: Qan nishanki noqa kuraj kamachej kasqayta. Noqatajrí kay pachaman jamorqani cheqa kajmanta willanaypaj. Cheqa kajta tukuy kasojkunaqa nisqayta uyarinku, nispa.

Quechua South Bolivia: Dios Parlapawanchej

³⁷ Chayraycu Pilatoka nerka: —Ajinaka ¿camachejchu kanka canqui? Jesusri cuticherka: —Kan ninqui ajinamin, camachej cani. Chaypaj nacecorkani. Camachej caspataj cheka cajta willanaypaj cay pachaman jamorkani. Cheka cajta munacojcunaka niskayta uyarispa casuncu, —nispa.

San Juan 18:37 Referans Kwoze

San Juan 8:47

Diospa wawasnenqa, Diospa palabranta uyarinku. Qankunataj mana uyariyta munankichejchu; mana Diospa wawasninchu kankichej.

1 Juan 4:6

Noqanchejqa Diosmanta kanchej. Pichus Diosta rejsin chayqa, uyariwanchej. Diosta mana rejsejrí, mana uyariwanchejchu. Chay jinamanta cheqa Espirituta rejsinchej, pantachej espiritutapis.

San Juan 8:14

Jesús paykunaman kutichispa nerqa. Noqallamanta willakuni chayqa, cheqapuni kashan willasqayqa. Yachani maymantachus jamusqayta, maymantajchus rishasqayta. Qankunarí mana yachankichejchu maymantachus jamusqayta, nitaj maymanchus rishasqaytapis.

1 Juan 3:19

Kay jinamanta yachanchej cheqa kajmanta kasqanchejta; Diospa ñaupaqempitaj sonqosninchej jallch'asqas kasqankuta.

San Juan 14:6

Jesús payman nerqa: Noqa ñan kani, cheqataj, kausaytaj; mana pipis Dios Tataman jamuyta atinchu, mana noqanejta kaspaqa.

Isaías 55:4

Noqa paytaqa nacionesman willajta churarqani; chantá kamachejta, yachachejta ima.

San Juan 7:17

Diospa munayninta ruwayta munajqa, yachachiyninta rejsenqa Diosmantachus, chayrí noqallamantachus kasqanta.

1 Pedro 1:22

Kunantaj qankuna Santo Espiritunejta cheqa kajta kasuspa, almasniykichejta llimphucharqankichej, hermanosniykichejta cheqamanta munakunaykichejpaj mana llullakuspa. Kunanqa munananakuychej purajmanta llimphu sonqowan.

1 Timoteo 6:13

Kunanqa, Diospa ñaupaqempi kamachiyki, pichus tukuy imasman kausayta qoj, Jesucristoj ñaupaqempipis, pichus Poncio Pilatosman allinta parlarqa, Diospa kamachisqanta kasuy, mana juchallikuspa, mana k'amina kanaykipaj Señorninchej Jesucristoj jamunankama.

San Lucas 23:3

Pilatotaj taporqa: Qanchu kanki judiospa reynin?, nispa. Jesustaj kuticherqa: Arí, qan ninki, nispa.

Marcos 15:2

Pilatotaj Jesusta taporqa: Qanchu judiospa Reynin kanki? Jesustaj kutichispa nerqa: Arí, qan ninki.

1 Juan 5:20

Yachanchej Diospa Churin jamuspa yachayta qowasqanchejta, cheqa Diosta rejsinanchejpaj; cheqa Churimpitaj kananchejpaj. Pay cheqa kaj Diosqa, wiñay kausaytaj.

San Juan 3:32

Chayrayku, uyarisqanta, rikusqantataj willan, runakunataj chay willasqanta mana creenkuchu.

San Mateo 26:64

Jesustaj kuticherqa: Qan ninki. Astawanqa niykichej: Kunanmantapacha Runaj Churinta rikunkichej, atiyniyoj Diospa pañampi tiyashajta, cielo phuyuspitaj jamushajta.

San Mateo 27:11

Jesusta Pilatoj ñaupaqenman pusarqanku, paytaj taporqa: Qanchu judiospa reynin kanki?, nispa. Jesustaj kuticherqa: Qan chayta ninki.

Apocalipsis 3:14

Laodicea iglesiaj angelninman escribiy: Kayta nin Amén nisqa, allinta junt'aj, cheqa kajtaj, pichus tukuy ima Diospa ruwasqasninmanta qallariynin, chay:

Apocalipsis 1:4

Noqa, Juan, escribimuni Asiapi kaj qanchis iglesiasman: Khuyakuy, sonqo tiyasqa kaytaj qankunawan kachun, pimantachus kunan kashan, karqataj, jamonqataj chaymanta; qanchis espiritusmantawan, pikunachus tronompa ñaupaqempi kashan, chaykunamanta; Jesucristomantapis, pichus sumaj testigo, junt'ajtaj, wañusqakunamanta kuraj kaj, kay mundopi kaj reyespa kamachejnintaj. Payqa munakuwarqanchej, mayllawarqanchejtaj juchasninchejmanta yawarninwan.

1 Juan 3:14

Noqanchejqa yachanchej wañuymanta kausayman kutirimusqanchejta wauqesninchejta munakusqanchejwan. Mana munakojqa wañusqallaraj kashan.

San Lucas 22:70

Chantá tukuyninku taporqanku: Qanqa Diospa Churinchu kanki? Paytaj kuticherqa: Qankuna nishankichej noqa kasqayta, nispa.

Marcos 14:62

Jesustaj kuticherqa: Arí, noqa kani. Qankunataj rikunkichej Diospa Churinta, jatun atiyniyoj Diospa pañampi tiyashajta, janaj pachamantataj phuyuspi jamushajta.

San Juan 1:14

Chay Palabrataj aychallikorqa. Noqanchej ukhupitaj tiyakorqa. Jatun k'anchayninta rikorqanchej, Tata Diospa uj k'ata Churimpa k'anchayninta jina; payqa junt'a karqa munakuywan, cheqa kaywantaj.

San Juan 1:17

Moisesnejta leyqa qosqa karqa; Diospa khuyakuynin cheqawan, Jesucristonejta chayamuwanchej.

San Juan 8:45

Noqatarí cheqata parlasqayrayku, mana creewankichejchu.

San Juan 8:46

Mayqentaj qankunamanta ima juchallamantapis uyanchawankichejman? Cheqa kajtachus nini chayqa, imaraykutaj mana creewankichejchu?

1 Juan 2:21

Mana cheqa kajta, mana rejsejkunaman jinachu escribimuykichej, astawanqa chayta rejsejkunaman jina. Tukuy llullakuypis manamin cheqa kajmantachu.