San Juan 16:13 - Qheshwa Biblia DC

¹³ Chay cheqa Espíritu chayamojtin, pay cheqa kajman pusasonqachej; imaraykuchus mana payllamantachu parlanqa, astawanqa Dios Tatamanta tukuy uyarisqanta nenqa. Qankunamantaj willasonqachej imaschus qhepata jamunankuta.

DIOSPA QHELQACHISQAN DEUTEROCANONICAL

¹³ Jinapis Diosmanta cheqa kajta parlaj Santo Espíritu jamuspa, cheqa kajta yachachisonqachej, imaraykuchus mana paypa sutillanpichu parlanqa, astawanqa Tata Diosmanta tukuy uyarisqanta parlanqa. Qankunamantaj imachus qhepanejman jamunantapis sut'inchasonqachej.

DIOSPA QHELQACHISQ

¹³ Jinapis Diosmanta cheqa kajta parlaj Santo Espíritu jamuspa, cheqa kajta yachachisonqachej, imaraykuchus mana paypa sutillanpichu parlanqa, astawanqa Tata Diosmanta tukuy uyarisqanta parlanqa. Qankunamantaj imachus qhepanejman jamunantapis sut'inchasonqachej.

Quechua South Bolivia: Dios Parlapawanchej

¹³ Santo Espiriturí jamuspa kancunata pusasonkachej tucuy cheka cajta yachanayquichejpaj. Payka mana pay quiquinmantachu parlanka. Manachayrí imatachus uyariskanta parlanka. Paytaj jamoj imasmantapis sut'inchasonkachej.

San Juan 16:13 Referans Kwoze

San Juan 14:26

Sonqochaj Santo Espiritutaj, pitachus sutiypi Dios Tata kachamonqa; pay tukuy imata yachachisonqachej, yuyarichisonqachej taj tukuy ima nisqayta.

San Juan 15:26

Maypachachus sonqochaj jamonqa, pitachus noqa Tataymanta kachamusaj, chay cheqa Espiritoqa Dios Tatamanta jamun, paytaj noqamanta willanqa.

1 Juan 2:27

Qankunaqa Santo Espirituta Jesucristomanta jap'erqankichej. Payta qankunawan kashan, nitaj pimanta yachachinata munankichejñachu. Santo Espiritoqa, tukuy imata yachachisunkichej. Paypa yachachisqanqa cheqa, manataj llullachu. Chayrayku qankunaqa, Cristowan ujlla kakuychej, imaynatachá Santo Espíritu yachachisorqachej, ajinata.

1 Juan 2:20

Qankunaqa Santo Espirituta Jesucristonejta jap'erqankichej, chayta tukuy yachankichej.

San Juan 12:49

Mana noqallamantachu parlani; kachamuwajniy Dios Tataj kamachiwasqanta parlani, yachachinitaj.

1 Juan 4:6

Noqanchejqa Diosmanta kanchej. Pichus Diosta rejsin chayqa, uyariwanchej. Diosta mana rejsejrí, mana uyariwanchejchu. Chay jinamanta cheqa Espirituta rejsinchej, pantachej espiritutapis.

San Juan 14:6

Jesús payman nerqa: Noqa ñan kani, cheqataj, kausaytaj; mana pipis Dios Tataman jamuyta atinchu, mana noqanejta kaspaqa.

Apocalipsis 1:19

Escribiy ari rikusqaykita kunan kajkunamanta, qhepa kajkunamantapis.

San Juan 8:38

Noqataj Dios Tataj qayllampi rikusqaymanta parlani, qankunataj ruwashankichej imatachus tataykichejmanta uyarisqallaykichejta.

2 Tesalonicenses 2:3

Ama piwampis, ni imaynamanta ch'aukiyachikuychejchu, imaraykuchus ñaupajta femanta t'aqakuyraj jamunan tiyan; chay qhepatataj juchallikoj runa rikhurimonqa, wañuypaj t'aqasqa runa.

Apocalipsis 1:1

Jesucristoj sut'inchasqan, mayqentachus Dios payman qorqa, kamachisninman rejsichinampaj, imaschus usqhayta ruwakunankuta. Chaykunamantaqa yachacherqa kamachin Juanman, angelnejta.

2 Tesalonicenses 2:12

Tukuyninkutaj juchachasqas kanqanku; imaraykuchus cheqa kajta mana creerqankuchu, astawanqa sajra kajta kusiywan qhaterqanku.

Hechos 27:24

Chay angelqa niwarqa: Ama manchachikuychu, Pablo. Jatun kamachejpa ñaupaqempi rikhurinayki tiyan. Diostaj qanrayku wañuymanta jark'anqa tukuyta, barcopi qanwan rejkunata.

Joel 2:28

Kay imas qhepata, Espirituyta jich'arimusaj tukuy runasman. Qhari wawasniykichej, jinataj warmi wawasniykichejpis, Noqaj sutiypi parlanqanku. Unay watasniyoj runas mosqokonqanku. Wayna runaspis mosqokullanqankutaj.

Hechos 20:23

Kayllata yachani: Sapa llajtapi Santo Espíritu willawan carcelman yaykunayta, ñak'arinaytataj.

San Juan 3:32

Chayrayku, uyarisqanta, rikusqantataj willan, runakunataj chay willasqanta mana creenkuchu.

Hechos 11:28

Ujnintaj Agabo sutiyoj sayarispa, Santo Espíritoj yuyaychasqan kaspa, nerqa: Manchay jatun yarqhay jamonqa tukuy jallp'aman, nispa. Chay nisqantaj junt'akorqa Claudio kamachishajtin.

Isaías 11:2

Chaypa patampi Señorpa Espíritun samarikonqa, chaytaj qonqa yachayta, yuyayta, yuyaychayta, atiyta, tukuy imata rejsiyta, Señorta manchachikuyta ima.

San Juan 16:12

Ashkha imastawanraj qankunaman ninay tiyan, manataj chaykunata unanchayta atiwajchejchu kunanqa.

Hebreos 1:1

Ñaupa p'unchaykunapi, ashkha kutita tukuy imaymanamanta, Dios parlamorqa ñaupa tatasninchejman profetasnejta.

1 Juan 5:6

Kaymin yakuwan, yawarwan jamoj Jesucristoqa. Manataj yakullawanchu jamorqa, astawanqa yakuwan, yawarwan ima. Kay imasmanta kikin Espíritu willawanchej; imaraykuchus Espiritoqa cheqa kajmin.