San Juan 14:27 - Qheshwa Biblia DC

²⁷ Sonqo samakuyta saqeykichej, sonqo samayniyta qoykichej; mana mundoj qosqanta jinachu qoykichej. Sonqoykichej ama phutikuchunchu, nitaj manchachikuchun chu.

DIOSPA QHELQACHISQAN DEUTEROCANONICAL

²⁷ Noqaqa sonqo tiyasqa kayta qoykichej. Noqaj qosqay sonqo tiyasqa kaytaj mana runakunaj qosqan jinachu. Chayrayku ama imamantapis phutikuychejchu, nitaj manchachikuychejchu.

DIOSPA QHELQACHISQ

²⁷ Noqaqa sonqo tiyasqa kayta qoykichej. Noqaj qosqay sonqo tiyasqa kaytaj mana runakunaj qosqan jinachu. Chayrayku ama imamantapis phutikuychejchu, nitaj manchachikuychejchu.

Quechua South Bolivia: Dios Parlapawanchej

²⁷ ‘C'acha causaypi canayquichejpaj Diosman allinyacherkayquichej. Nokanejllata c'acha causayka tiyan. Nokalla c'achata causachiyquichej. Cay pacha runaska chayta mana atincuchu. Ama sonko nanayta llaquicuychejchu nitaj manchachicuychejchu.

San Juan 14:27 Referans Kwoze

Filipenses 4:7

Diospa sonqo tiyakuynintaj, tukuy runaspa yuyayninta atipan, waqaychanqataj sonqoykichejta, yuyayniykichejta ima Cristo Jesuspi.

San Juan 16:33

Kay tukuy imasta niykichej, noqapi sonqo tiyasqas kanaykichejpaj. Mundopeqa ñak'arinaykichej tiyan; chaywampis sonqochakuychej, imaraykuchus mundota noqa atipaniña.

Isaías 41:10

Qanqa, ama manchachikuychu. Noqaqa qanwampuni kashani, Ama iskayrayaychu. Noqaqa kallpachasoj Diosniyki kani. Atipachej paña makiywan sayachisqayki, yanapallasqaykipunitaj.

2 Tesalonicenses 3:16

Kikin sonqo tiyakuypa Señornin, qankunaman samakuyta tukuy imapi qochumpuni. Señortaj tukuy qankunawan kachun.

Colosenses 3:15

Cristoj sonqo tiyakuynin sonqoykichejpi kamachichun. Kaypajmin wajyasqas kankichej, ujlla kanaykichejpaj. Qankunataj Diosman graciasta qoychej.

2 Timoteo 1:7

Diosqa mana manchachikoj espiritutachu qowarqanchej. Astawanqa atiyniyoj espirituta, munakuyta, allin yuyayniyojtataj.

Romanos 15:13

Suyayta qoj Dios tukuy kusiywan, sonqo tiyakuywan creeypi qankunaman junt'achichun, suyaypi Santo Espíritoj atiyninwan kallpachasqas kanaykichejpaj.

Números 6:26

Señorqa munakuywan qhawasuchun, sonqo tiyakuyta ima qosuchun.

Romanos 8:6

Aychata kasoyqa wañuy; Espirituta kasuytaj kausay, sonqo tiyakuytaj.

Jeremías 1:8

Ama pitapis manchachikuychu. Noqaqa qanwan kasaj waqaychanasuypaj. Noqa Señor chayta nini.

Gálatas 1:3

Qankunapaj kachun khuyakuy, sonqo tiyakuytaj, Dios Tatanchejmanta, Señor Jesucristomantawan.

Gálatas 5:22

Espíritoj ruwasqasninrí kaykuna: Munakuy, kusiy, sonqo tiyasqa kay, pacienciayoj kay, khuyakuy, k'acha kay, fe, llamp'u sonqo kay, maychus kajta kausakuy ima. Kaykunaj contrampeqa mana ima leypis kanchu.

Salmos 29:11

Señorqa ayllunta kallpachan. Señorqa sonqo tiyasqa kaywan ayllunta bendicin.

Romanos 5:1

Fenejta salvasqas kaspa, Dioswan allinyachisqas kanchej, Señorninchej Jesucristonejta.

San Juan 14:1

Ama sonqoykichej phutikuchunchu, qankunaqa Diospi creenkichej, noqapipis creellaychejtaj.

Isaías 9:6

Uj wawa nacepuwanchejña, Dios uj wawata qowanchej. Chayman qosqa kashan jatun atiy kamachinampaj. Sutisnintaj kaykuna kanqa: Mayta T'ukuna Yuyaychaj, Atiyniyoj Dios, Wiñaypaj Tata, Sonqo tiyachej Rey ima.

Salmos 112:7

Mana allin kaj willaykunasmantaqa mana manchachikunchu, tukuy sonqonwan Señorpi atienekuspa suyan.

Romanos 5:10

Diospa contrampi kashaspa, Dioswan allinyakorqanchej, Churimpa wañuyninnejta. Astawanraj ari allinyasqaña kaspaqa, salvasqas kasunchej kausasqanrayku.

San Juan 20:21

Chaypachataj Jesús ujtawan paykunaman nerqa: Sonqo tiyakuy qankunawan kachun. Imaynatachus Dios Tata noqata kachamuwarqa, ajinallatataj qankunatapis kachaykichej.

Salmos 56:11

Diospi atienekuni, mana manchachikunichu. Imatataj runaqa ruwawanman kasqari?

Salmos 91:5

Ama tutapi manchachikunasmanta manchachikuychu, nitaj p'unchaypi kacharimusqa flechastapis.

Colosenses 1:20

Dios munarqa pay kikinwan allinyachiyta tukuy imata Cristonejta, jallp'api kajkunata, jinallataj janaj pachapi kajkunatapis; sonqo tiyakuy kanampaj Jesuspa yawarninrayku, cruzpi wañusqanraykutaj.

Romanos 1:7

Kay cartata escribimuykichej Roma llajtapi tiyakojkunaman, Diospa munakusqasnin. Sumaj kausayman wajyasqas kankichej. Khuyakuy, sonqo tiyakuytaj qankunapaj kachun Dios Tatanchejmanta, Señor Jesucristomantawan.

Isaías 54:13

Tukuynin wawasniykiman Señorqa yachachipusonqa; chay wawasniykej kusiynintaj may jatun kanqa.

Salmos 85:10

Munakuywan cheqa kajwan tinkonqanku, cheqan kaywan, sonqo tiyasqa kaywan ujchakonqanku.

1 Corintios 1:3

Qankunapaj kachun khuyakuy, sonqo tiyakuy Dios Tatanchejmanta Señor Jesucristomantawan.

Salmos 56:3

Manchachikuspa qanllapi atienekuyki.

San Juan 20:19

Chay kikin semanaj ñaupaj kaj p'unchayninta, tutayaytaña, punkus wisq'asqaña kasharqa, maypichus yachachisqas tantakorqanku judiosta manchachikuspa. Chaypacha Jesús paykunaman jamorqa, chaupinkupi sayaykuspataj nerqa: Sonqo tiyakuy qankunawan kachun.

2 Tesalonicenses 1:2

Sonqo tiyasqa kausakuy, khuyakuytaj qankunawan kachun, Dios Tatanchejmanta, Señorninchej Jesucristomantawan.

Hechos 10:36

Uyariychej, Dios Israelpa churisninman palabranta parlasqanta, apachimorqa Jesucristonejta sonqo tiyakuy kasqanta willaspa, paytaj tukuypa Señornin.

San Lucas 1:79

Jamorqa laqhapi tiyakojkunata k'anchanampaj, wañuy llanthupi kajkunatapis; purinasninchejta cheqanchaspa, sonqo tiyakuyta qonawanchejpaj.

Hebreos 13:20

Sonqo tiyachej Diosqa, pichus wañusqakunamanta kausarichimorqa Señorninchej Jesucristota, ovejaspa jatun michejninta, wiñay tratoj yawarnimpi, tukuy ima allin ruwaypi qankunata wakichichun, paypa munayninta ruwanaykichejpaj. Ajinata qankunapi pay ruwachun imachus ñaupaqempi allin kajta Jesucristonejta. Payman janaj pacha k'anchay kachun, wiñaypa wiñayninkama. Amén.

Hechos 18:9

Uj tutataj Pabloman Señor rikhurerqa, nerqataj: Ama manchachikuychu, parlallaypuni, amataj ch'inyakuychu.

San Mateo 10:26

Chayrayku, ama paykunata manchachikuychejchu. Mana imapis qhatasqaqa kanchu, mana sut'inchakojqa; nitaj pakaypi kajpis mana yachakojqa.

Isaías 55:12

Qankunaqa kusisqas jaqaymanta llojsimunkichej, sonqo junt'asqastaj kutimunkichej. Orqoswan, lomaswanqa qankunaj ñaupaqeykichejpi maytapuni takirenqanku. Tukuy campopi sach'aspis mayta t'ajllarikonqanku.

Salmos 27:1

Señorqa k'anchawajniy, salvawajniytaj. Pimantataj manchachikuymanri? Señorqa kausayniyta jark'awan.

Apocalipsis 2:10

Ama manchachikuychu chay imasta ñak'arinaykimantaqa. Qhaway, qankunamanta wakinta supayqa carcelman wisq'achenqa, rejsisqa kanaykichejpaj, chunka p'unchaytataj llakiyniyoj kankichej. Wañuykama creellaypuni, noqataj kausay pilluta qanman qosqayki.

Apocalipsis 1:4

Noqa, Juan, escribimuni Asiapi kaj qanchis iglesiasman: Khuyakuy, sonqo tiyasqa kaytaj qankunawan kachun, pimantachus kunan kashan, karqataj, jamonqataj chaymanta; qanchis espiritusmantawan, pikunachus tronompa ñaupaqempi kashan, chaykunamanta; Jesucristomantapis, pichus sumaj testigo, junt'ajtaj, wañusqakunamanta kuraj kaj, kay mundopi kaj reyespa kamachejnintaj. Payqa munakuwarqanchej, mayllawarqanchejtaj juchasninchejmanta yawarninwan.

Hebreos 7:2

Paymantaj Abrahampis tukuy imanmanta, chunkamanta ujta qorqa; ñaupajta Melquisedec suteqa, cheqanta ruwaj rey niyta munan. Chantá, Salempa reynintaj. Chayqa sonqo tiyachej rey niyta munan.

San Juan 20:26

Pusaj p'unchayninman, yachachisqas ujtawan wasipi tantakorqanku, Tomaspis paykunawan kasharqa. Punkus wisq'asqa kashajtin, Jesús jamuspa chaupinkupi rikhurerqa, nerqataj: Sonqo tiyakuy qankunawan kachun, nispa.

Ezequiel 2:6

Qanqa runa, paykunamanta ama manchachikuychu imata nisojtinkupis, khishkas chaupipi jina tarikuspapis; chayri atoj atoj chaupipi jina kashaspapis. Amapuni paykunaj parlasqankumanta manchachikuychu, amataj kharkaychu paykunaj ñaupaqenkupi, imaraykuchus contraypi oqharikoj ayllumin.

Salmos 28:3

Ama sajrastawan khuskataqa qhatatiwaychu, amataj millaykunata ruwajkunatawampis purichiwaychu. Uyapuraqa misk'i simis kanku, sonqonkupitaj sajras kanku.

Daniel (hebreo) 4:1

Noqa rey Nabucodonosorqa, munani tukuynin runakuna sonqo tiyaykusqa kanankuta, chanta ñaupajmantaj rinankuta, tukuy llajtakunamanta, nacionkunamanta kajkuna, tukuy laya parlayniyojkunataj.

Proverbios 3:25

Ama manchachikunkichu imachus mana yuyasqamanta ujllata mancharichejmanta, ama manchachikunkichu sajra runaspa ñak'ariyninmanta.

Apocalipsis 21:8

Manchachikojkunarí, mana creejkuna, millay kajkuna, runa wañuchis, qhenchachakojkuna, layqakuna, lanti yupaychajkuna, tukuy llullakojkunapis, chayaqepaj jap'enqanku, ninawan azufrewan larwashan chay qochata. Chaymá iskay kaj wañoyqa.

Gálatas 6:16

Tukuy kay kamachiykunaman jina purejkunaman sonqo samakuy, khuyakuytaj kachun; jinallataj Diospa ayllun Israelmampis.

San Lucas 10:5

Mayqen wasiman yaykuspapis, ñaupajta napaykuychej: Sonqo tiyasqa kay kachun kay wasipi, nispa.

Zacarías 6:13

Yupaychana wasiyta jatarichejtinñataj, payman tukuy yupaychaykunasta uj reyman jina qonqanku. Uj tronoman tiyaykukonqa kamachinampaj, chay uj ladonmantaj uj sacerdote tiyaykukonqa, iskayninkutaj sonqo tiyasqallapi kanqanku.

Isaías 57:19

Señorqa nin: Noqa paykunata asirichisaj; karupi kajkunapaj, qayllapi kajkunapajpis sonqo kausay kanqa. Ima nanayninmantapis noqa thañichisaj.

Salmos 72:7

Kamachinan p'unchaykunapi sonqo tiyasqa kay, cheqan kaypis allin kachun, manaña killa kanankama.

San Lucas 12:4

Kausaqesníy, qankunaman niykichej: Ama manchachikuychejchu cuerpota wañuchejkunata; paykunaqa manaña imatapis ruwayta atinkuchu.

Isaías 41:14

Ama manchachikuychu pisi kallpayoj Israel, Jacobpa ayllun. Noqa yanapajniyki kani. Noqa Israelpa Santo Diosnin, Salvadorniyki kani.

Daniel (hebreo) 6:25

Chanta rey Darioqa, qelqarqa tukuy nacionespi kaj runakunaman, tukuy llajtasman, kay pachapi kaj tukuy parlayniyojkunamantaj, kay jinata nispa: Munani qankuna sonqo tiyasqas kakunaykichejta, tukuy imapitaj allin risunaykichejta.

Isaías 12:2

Diosmin salvawajneyqa; payman noqaqa atienekuni, manañataj manchachikusajchu. Señormin pakakunayqa kallpaytaj. Paylla noqataqa salvawan.

Salmos 11:1

Pakakuyta munaspaqa Señorman rini. Imaraykutaj niwankuri: Orqosman p'isqo jina ayqey, nispa?

Job 34:29

Sichus Dios samarikun chayqa, pitaj Payta juchachanqari? Sichus uyanta pakaykun chayqa, pitaj Payta qhawarenqari? Payqa tukuy nacionesta qhawamushan, jinallataj sapa uj runaj ruwasqasnintapis.

Lamentaciones 3:17

Almayqa imachus sonqo tiyakuymanta karunchakun, allin kajkunatapis qonqapuni.

Salmos 72:2

Pay cheqan kayniykiwan kamachenqa, wajchastataj cheqan nisqaykiwan.

2 Crónicas 20:30

Ajinata Josafat kamachishajtenqa mana ima ch'ajwaspis karqachu, Dios chay qaylla nacioneswan sonqo tiyasqa kausayta qorqa.