San Juan 12:48 - Qheshwa Biblia DC

⁴⁸ Pichus noqata qhesachawan, parlasqasniytataj mana jap'ikunchu chayqa, tiyan payta juchachaj; parlarqani chay palabraytaj tukukuy p'unchaypi payta juchachanqa.

DIOSPA QHELQACHISQAN DEUTEROCANONICAL

⁴⁸ Pichus noqata pisipaj qhawawaspa parlasqayta mana kasojtaqa juchachajmin tiyan. Cheqa kajta parlasqaymin kay pachaj tukukuynin p'unchaypi payta juchachanqa.

DIOSPA QHELQACHISQ

⁴⁸ Pichus noqata pisipaj qhawawaspa parlasqayta mana kasojtaqa juchachajmin tiyan. Cheqa kajta parlasqaymin kay pachaj tukukuynin p'unchaypi payta juchachanqa.

Quechua South Bolivia: Dios Parlapawanchej

⁴⁸ Pillapis nokata khesachawaspa niskasniyta mana jap'ejka juchachaska canka. Chay niskay payta khepa p'unchaypi juchachanka.

San Juan 12:48 Referans Kwoze

San Lucas 10:16

Pichus qankunata uyarejqa, noqata uyariwan; pitajchus qankunata qhesachajqa, noqata qhesachawan; noqata qhesachawajrí, kachamuwajniyta qhesachan.

Romanos 2:16

Juicio p'unchaypi, Dios juzganqa Jesucristonejta, runaspa pakaypi ruwasqasninkuta, evangelioman jina.

2 Tesalonicenses 1:8

Payqa nina larwaywan rikhurimuspa, juchachanqa Diosta mana rejsejkunata, Señorninchej Jesucristoj evangeliontapis mana kasojkunata.

San Juan 11:24

Martataj nerqa: Arí, noqa yachani kausarimunanta qhepa p'unchaypi, wañusqas kausarimonqa chaypacharaj.

Hebreos 12:25

Qhawakuychej, ama qhesachaspa parlamojta, imaraykuchus jaqaykunaqa kay pachapi parlajta qhesacharqanku, chayraykutaj jasut'imanta mana ayqerqankuchu. Noqanchejtaj janaj pachamanta parlamojta qhesachasun chayqa, manallataj ayqesunchu.

Isaías 53:3

Runaqa payta qhesacharqanku, qhawarqanku. Payqa imaymana nanayta, ñak'ariyta, llakiyta ima yacharqa. Paymanta uyanchejta pakakorqanchej, payta qhesacharqanchej. Mana paytaqa kasuta ruwarqanchejchu.

San Juan 5:45

Ama yuyaychejchu noqa Tataypa ñaupaqempi qankunata ch'ataykunayta; qankunata ch'ataykojqa waj kashan, chaytaj Moisés. Paypitaj suyashankichej.

San Mateo 21:42

Jesustaj nerqa: Manachu jayk'ajpis Escriturapi leerqankichej? Ajinata nin: Wasi ruwajkunaj qhesachasqanku rumeqa, aswan sumaj wasi esquina rumi kapun. Chaytaqa Señor ruwasqa t'ukunanchejpaj jina.

1 Samuel 10:19

Kunantaj Diosniykichejta qhesachankichej qankunaqa, tukuy laya llakiykunasmanta, nanaykunasmantapis orqhosorqachej chay Diosta qankunaqa qhesacharqankichej kamachinasuykichejpaj uj reyta mañakuspa. Chayrayku kunanqa qayllaychej Señorpa ñaupaqenman, sapa ayllu, jinataj sapa familia ima.

2 Corintios 4:3

Evangelio willasqaykuchus pakasqallaraj kashan chayqa, chinkay ñampi kajkunapaj pakasqallaraj kashan.

San Lucas 20:17

Jesustaj qhawarispa nerqa: Ima niytataj munan kay escribisqari: Wasi ruwajkunaj qhesachasqanku rumeqa, wasi esquina rumi kapun, nispari?

San Lucas 17:25

Chaypajqa, anchataraj ñak'arinan tiyan, qhesachasqataj kanqa kunan tiempo runasnejta.

San Lucas 9:26

Pillapis noqamanta, palabrasniymantawan p'enqakunman chayqa; paymantapis Runaj Churenqa p'enqakullanqataj, maypachachus lliphipej k'anchaynimpi jamuspa, chantá Tatampa k'anchaynimpiwan, ajllasqa angelespapiwan.

San Lucas 7:30

Fariseostaj leymanta yachachejkuna ima qhesacharqanku, imatachus Dios paykunanejta ruwayta munasqanta, mana Juanwan bautizachikuspa.

Marcos 16:16

Pichus creejqa, bautizachikojtaj, salvasqa kanqa; mana creejtajrí wañuypaj juchachasqa kanqa.

Marcos 12:10

Manachu kayta Escriturapi leerqankichej? Wasi ruwajkunaj qhesachasqanku rumeqa, aswan sumaj rumiman paran.

San Mateo 25:31

Maypachachus Runaj Churenqa, Rey jina k'anchaynimpi, tukuy angelesninwan jamonqa, chaypacha lliphipej tronompi tiyaykukonqa.

1 Samuel 8:7

Señortaj kay jinata kuticherqa: Uyarillay imastachus israelitas mañakusqankuta, manamin qantachu qhesachasunku, manachayqa noqata, ama paykunata kamachinaypaj.

Hechos 3:23

Pillapis chay profetaj nisqanta mana kasojqa, Diospa ajllasqasninmanta wijch'usqa kanqa.

Marcos 8:31

Chaymantataj yachachisqasninman yachachiyta qallarerqa Runaj Churin maytapuni ñak'arinanta; kuraj runas, kuraj sacerdotes, leymanta yachachejkuna ima qhesachanankuta; chaymantataj payta wañuchinankuta, kinsa p'unchaymantataj kausarimpunanta.

San Mateo 10:15

Cheqamanta niykichej, juicio p'unchaypeqa aswan ñak'ariy kanqa chay llajtapaj, Sodomamanta, Gomorramantawan nisqaqa.

San Juan 6:39

Kachamuwajniypa munaynintaj kay jina kashan: Tukuy paypa qowasqanta mana ujtapis chinkachinaychu tiyan. Kay mundoj tukukuynin p'unchaypitaj, payta wañusqamanta kausarichimusaj.

San Juan 8:47

Diospa wawasnenqa, Diospa palabranta uyarinku. Qankunataj mana uyariyta munankichejchu; mana Diospa wawasninchu kankichej.

Hechos 17:31

Diosqa, uj p'unchayta wakicherqa, chaypitaj cheqa kayninman jina, tukuy kay pachapi runakunata juzganqa chay kachamusqan runanejta. Diostaj chayta tukuyman rikuchinña chay runata wañuymanta kausarichimuspa.

Hebreos 4:12

Diospa palabranqa kausayniyoj, atiyniyojtaj; khuchuytataj atin astawan iskay filoyoj espadamanta nisqaqa; yaykuntaj ukhukama, almata, espirituta, ankusta, chilenatapis p'itinankama; allintataj rejsin sonqoj yuyasqasninta, munasqasnintapis.

Hebreos 10:25

Ama tantakunanchej wasita saqespa, imaynatachus wakin saqenku ajinata; astawanqa kallpachanakuspapuni, imaraykuchus jaqay p'unchay qayllaykamusqanta rikushanchejña.

1 Pedro 1:5

Creesqaykichejraykutaj Diospa atiynimpi waqaychasqas kankichej, chay wakichisqa salvacionta tarinaykichejpaj. Chaytaj, qhepa p'unchaykunapi rikuchisqa kanqa.

2 Pedro 3:3

Ñaupajta kayta yachachiychej, qhepa p'unchaykunapi kay imasta asipayajkuna jamonqanku, aychankoj munayninman jina purispa.

2 Pedro 3:7

Kunanqa janaj pacha, kay pacha imaqa, ninapaj waqaychasqas kashanku, Diospa palabranman jina, juicio p'unchaykama. Chaypachataj Diosta mana yupaychajkuna, ñak'ariyman wijch'usqas kanqanku.