San Juan 12:42 - Qheshwa Biblia DC

⁴² Chay tukuywampis, llajtapi ashkha kamachejkuna Jesuspi creerqanku. Fariseosta manchachikuspa lla mana sut'ita paymanta parlajchu kanku; sinagogamanta ama wijch'usqas kanankupaj.

DIOSPA QHELQACHISQAN DEUTEROCANONICAL

⁴² Chaywanpis judiokunamanta, jinataj kurajkunamanta ima Jesuspi ashkha atinikorqanku. Paykunarí fariseokunata manchachikusqankurayku, mana sut'ita paymanta parlajchu kanku, tantakuna wasimanta ama wijch'usqa kanankupaj.

DIOSPA QHELQACHISQ

⁴² Chaywanpis judiokunamanta, jinataj kurajkunamanta ima Jesuspi ashkha atinikorqanku. Paykunarí fariseokunata manchachikusqankurayku, mana sut'ita paymanta parlajchu kanku, tantakuna wasimanta ama wijch'usqa kanankupaj.

Quechua South Bolivia: Dios Parlapawanchej

⁴² Chaywanpis curajcunamanta ashqhas Jesuska Cristo caskanta creerkancu. Fariseocunaraycutaj chayta mana willacorkancuchu tantacuna-wasimanta ama kharkoskas canancupaj.

San Juan 12:42 Referans Kwoze

Isaías 51:7

Uyariwaychej, cheqan kajta rejsejkuna, yachachiyniyta sonqoykichejpi jap'ejkuna. Ama runaspa rimasusqantaqa manchachikuychejchu, amataj chay jinatapuni rimasqankuraykoqa umphuyaychejchu.

San Juan 9:22

Jinata tatasninku nerqanku, judiosta manchachikuspa. Judíos parlanakorqankuña, pillapis Jesusta Mesías kasqanta ninman chaytaqa, sinagogamante wijch'unankuta.

San Juan 7:13

Manataj mayqempis Jesusmanta sut'ita parlajchu, judiosta manchachikuspa.

Proverbios 29:25

Runata manchachikoyqa tojllapis kanman jina, pichus Señorpi atienekojqa sumaj qhawasqa waqaychasqataj kanqa.

San Mateo 10:32

Pichus runaspa ñaupaqempi noqata rejsiwasqanta nenqa chayqa, noqapis payta rejsini nillasajtaj, janaj pachapi kashaj Tataypa ñaupaqempi.

1 Juan 4:15

Pichus willanman Jesusqa Diospa Churin kasqanta chayqa, Dios paypi kashan, paytaj Diospi.

1 Juan 4:2

Kay jinapi rejsinkichej Diospa yuyayninman parlajta. Pillapis Jesucristo aychapi jamusqanta yachachejqa, Diosmanta.

Romanos 10:10

Runaqa sonqowan creen Dioswan cheqa kajpi kanapaj, simiwantajrí willakunchej salvaciompaj.

Hechos 5:41

Apostolestaj juntamanta llojsispa, may kusisqas riporqanku, paykunata Jesuspa sutinrayku ñak'arichisqankumanta.

San Juan 19:38

Chay tukuy ima qhepata, Arimatea llajtayoj José pichus judiosta manchachikusqanrayku pakayllamanta Jesuspa yachachisqan karqa chay, Jesuspa cuerponta mañarqa apakapunampaj. Pilatotaj mana jark'arqachu. Chayrayku José jamuspa Jesuspa cuerponta apakaporqa.

San Juan 16:2

Sinagogasmanta wijch'usonqanku; hora qayllamushanña maypachachus pillapis qankunata wañuchispa yuyanqa Diospaj allinta ruwashasqanta.

San Juan 11:45

Chaypacha Mariata watukoj judiosmanta ashkha creerqanku Jesuspi, chay ruwasqanta rikuspa.

San Juan 9:34

Paykunataj kutichispa nerqanku: Qanqa juchawan junt'asqa nacerqanki, qanchu noqaykuman yachachiwasqayku? Jawamantaj payta qharqorqanku.

San Juan 3:2

Pay uj ch'isipi Jesusta watukoj jamorqa, nerqataj: Maestro, yachayku Diospa kachamusqan kasqaykita yachachinawaykupaj mana pipis atinmanchu, qan ruwanki chay jina milagrosta ruwaytaqa, Dios mana paywan kajtenqa.

San Lucas 12:8

Noqataj niykichej: Pillapis runaspa ñaupaqempi rejsiwasqanta nenqa chayqa, Runaj Churimpis, Diospa angelesnimpa ñaupaqempi, payta rejsini nillanqataj.

San Lucas 6:22

Kusikuyniyoj kankichej runakuna chejnisojtiykichej, qharqosojtiykichej, rimasojtiykichej, sajrata jinataj sutiykichejta qhesachajtinku Runaj Churinrayku.

Isaías 66:5

Señorpa palabranta uyariychej, kharkatitejkuna palabrasninta uyarispa, chaykuna. Qankunaj wauqesniykichej chejnikusunkichej, noqaj sutiyraykutaj jawaman qharqospa nisunkichej: Señorqa jatunchasqa kachun, nispa. Chaywampis Diosqa qankunaman kusikuyta rikuchenqa, paykunataj mana imanakuyta atenqankuchu.

Isaías 57:11

Pimantataj qanqa mancharikunki, pitataj manchachikorqanki, ajinata llullakunaykipaj, noqamantataj mana yuyarikunaykipaj, nitaj noqapi yuyanaykipaj? Noqa unayta ch'inlla kajtiychu, qanqa mana manchachikuwarqanki?

Jeremías 38:19

Sedequías kuticherqa: Caldeospaman chimpapunku chay judiosta manchachikuni. Paykunaj makinkuman urmayman chayqa, ñak'arichiwankuman.

San Lucas 23:13

Chaypacha Pilatoqa kuraj sacerdotesta, kamachejkunata, tukuy runasta ima tantacherqa.

San Juan 7:31

Ashkha runastaj Jesuspi creerqanku, nerqankuta: Jamonqa chay Cristo, ruwanmanchu kay milagrosmanta astawan?