San Juan 12:31 - Qheshwa Biblia DC

³¹ Kunan mundopaj juicio chayamun. Kunanmá mundota kamachejqa jawaman qharqosqa kanqa.

DIOSPA QHELQACHISQAN DEUTEROCANONICAL

³¹ Kunan kay pachapi tukuy runata Dios juzganan p'unchay chayamun. Kay pachapi kamachej Kuraj Supaytaj kay pachamanta wijch'usqa kanqa.

DIOSPA QHELQACHISQ

³¹ Kunan kay pachapi tukuy runata Dios juzganan p'unchay chayamun. Kay pachapi kamachej Kuraj Supaytaj kay pachamanta wijch'usqa kanqa.

Quechua South Bolivia: Dios Parlapawanchej

³¹ Cunanri Dios juchachashan cay pacha runasta juchancuraycu. Cunantaj cay pachata sajra camachej supay Satanasta Dios kharkonka.

San Juan 12:31 Referans Kwoze

2 Corintios 4:4

Paykuna mana creesqankurayku, kay mundoj diosnin yuyayninkuta laqhayacherqa. Paykunapi evangelioj k'anchaynin, ama k'anchanampaj, nitaj Cristoj lliphipiynimpis. Payqa Diospa rijch'aynin.

1 Juan 5:19

Yachanchej Diosmanta kasqanchejta, mundontintaj supaypa atiynimpi kasqanta.

1 Juan 3:8

Juchallikojqa supaypata. Supayqa qallariymanta juchallikun. Chayrayku, Diospa Churenqa jamorqa supaypa ruwasqasninta phirinampaj.

Efesios 6:12

Mana kausaj runawanchu maqanakusun, manachayqa maqanakoj sayaykuna atiyniyojkunaj contranta, kay pachapi laqhayayta kamachejkunaj contranta, janaj pachapi sajra espirituspa contranta ima.

San Juan 14:30

Manaña qankunawan anchata parlasajchu; imaraykuchus kay mundota kamachej jamushanña, contraypeqa mana imata ruwayta atinchu.

Hebreos 2:14

Wawasqa uj yawarllamanta, uj aychallamanta kanku; ajinallatataj Cristopis, chaykunallamantataj kaspa, wañuynejta, wañuypa atiyninta jap'ejta atipanampaj, niyta munan, supayta.

Colosenses 2:15

Cristo cruzpi wañuspa atiparqa kamachejkunata, atiyniyojkunata ima, tukuypa rikunanta paykunata p'enqaypi rikhurichispa.

1 Juan 4:4

Wawitasníy, qankunaqa Diosmanta kankichej, paykunatataj atiparqankichej, imaraykuchus qankunapi kajqa astawan atiyniyoj kay pachapi kajmanta nisqaqa.

San Mateo 12:28

Diospa Espiritumpa atiyninwanchus supaykunata qharqoni chayqa, cheqamanta Diospa reinonqa qankunaman chayamunña.

Génesis 3:15

Qantawan warmitawan chejninachisqaykichej. Jinallataj mirayniykiwan mirayninwampis chejninakonqanku. Miraynin umaykita saronqa, qantaj chaki talonninmanta khaninki.

Isaías 49:24

Kallpasapa soldadomanta imatachus qhechusqanta qhechuyta atisunmanchu? Uj jap'isqa runaqa, presochajninmanta ayqekuyta atinmanchu?

San Juan 3:19

Kaytaj chay juchachayqa, kay pachaman k'anchay jamorqa, runakunataj laqhata k'anchaymanta nisqaqa astawan munakorqanku, sajra ruwanaspi kausasqankurayku.

San Juan 9:39

Jesustaj nerqa: Kay mundoman jamorqani juiciopaj, mana rikojkuna rikunankupaj, rikojkunataj ciegoyanankupaj.

1 Corintios 1:20

Maypitaj kashan chay yachayniyoj? Maypitaj chay yachachejri? Maypitaj kay mundoj yachaykunasninmanta churanakoj? Manachu Diosqa kay mundoj yachaynintaqa locoyacherqa?

1 Corintios 1:21

Diospa yachayninman jina, kay mundoqa Diosta mana rejserqachu, runaj yachayninrayku. Chayrayku Diosmanqa allin rijch'arqa, paypi creejkunata salvayta chay locoyasqa yachachiynejta.