Josué 8:35 - Qheshwa Biblia DC

³⁵ Moisespa kamachisqasninmanta tukuy palabrasta Josueqa tukuy tantasqa israelitasman warmisman, wawasman, chanta karu llajtayojkuna paykunawan tiyakorqanku chaykunamanwan.

DIOSPA QHELQACHISQAN DEUTEROCANONICAL

³⁵ Josueqa Moisespa kamachisqanta Israel suyumanta qharikunaman, warmikunaman, wawakunaman, chantá waj llajtayojkunaman ima tukuyninta ñawirerqa.

DIOSPA QHELQACHISQ

³⁵ Josueqa Moisespa kamachisqanta Israel suyumanta qharikunaman, warmikunaman, wawakunaman, chantá waj llajtayojkunaman ima tukuyninta ñawirerqa.

Josué 8:35 Referans Kwoze

Deuteronomio 31:12

Chaymantaqa, tukuy runas tantakamunanku tiyan, qharis, warmis, wawas, llajtasniykichejpi tiyakoj karu llajtasniyoj ima, kay leymanta leejta uyarinankupaj, Señor Diosniykichejta jatunchayta yachanankupaj; chay leypi tukuy nisqanman jina ruwanankupaj.

Nehemías 8:2

Qanchis kaj killamanta ñaupaj kaj diapi sacerdote Esdrasqa laymanta qelqasqa librota apamorqa qharis, warmis, tukuy yuyayniyoj yachaqajkunapis tantasqas kashajtinku.

Hechos 21:5

Chay qanchis p'unchaymantataj riporqayku. Tukuy hermanostaj warmisninkuwan, wawasninkuwan ima, noqaykuwan rerqanku llajta llojsiykama. Qocha cantopitaj qonqoriykukuspa Diosmanta mañakorqayku.

Marcos 10:14

Chayta rikuspataj, Jesusqa phiñakorqa yachachisqasnimpaj, nerqataj: Saqeychej wawas noqaman jamojta, ama jark'aychejchu; imaraykuchus paykunajta Diospa reinonqa.

Joel 2:16

Diospa runasninta tantaykuychej, paykunata llimphuchaychejtaj. Unay watayoj runasta, wawasta, ñuñukushaj wawasta ima tantachiychej. Kunallan casarakojkunapis llojsimuchunku casarakuna wasimanta!

Esdras 10:1

Diosta yupaychana wasin punkumpi, Esdras qonqoriykukuspa mañakushajtin, waqaspa juchasninta willakushajtintaj, israelitasmanta ashkha ukhu, qharis warmis ima waqarallarqankutaj jik'un jik'unta, qayllanman muyuykamuspa.

Deuteronomio 4:2

Kunanqa ima palabrastachus qankunaman nishaykichej, chaymanta ama pisiyachinkichejchu, nitaj yapankichejchu. Junt'aychej ari Señor Diosniykichejpa kamachisqanta, qankunaman nisqayta.

Éxodo 12:38

Paykunawan imaymana rijch'aj ashkha runas rerqanku, jinallataj ovejasninkuwan wakasninkuwan.

Zacarías 8:23

Jaqay tiempopeqa chunka waj llajtamanta runas, uj judío runaj p'achanmanta jap'iykukorqanku. Qankunawan riyta munayku, imaraykuchus uyariyku qankunawan Dios qasqanta, nispa!

Deuteronomio 29:9

Chayrayku qankunaqa waqaychaychej, junt'aychejtaj kay tratota, tukuy ima ruwasqasniykichejpi allin risunaykichejpaj.

Deuteronomio 29:10

Kunanqa tantasqas kashankichej tukuyniykichej Señor Diosniykichejpa ñaupaqempi: Sapa ayllumanta kamachejkuna, kurajkuna, yachayniyojkuna, tukuy qharis, wawas, warmis, qankunawan tiyakoj karu llajtayojkuna, llant'eros, yakuta aysajkunapiwan.

Nehemías 8:3

Sut'iyaymantapacha chaupi p'unchaykama tukuypa ñaupaqempi leerqa, Yaku Punku nisqaj ñaupaqen plazapi. Tukuy ayllustaj sumajta uyarisharqanku chay leyniyoj qelqasqa libromanta leesqankuta.