Josué 8:33 - Qheshwa Biblia DC

³³ Chaymantaqa tukuy israelitas, Israelmanta mirajkuna, chantá karu llajtayojkuna, kurajkuna, soldadosta kamachejkuna, cheqanchajkuna ima, muyuykorqanku Señorpa trato ruwasqan cajompa ladosninman, sacerdote levitas chay cajonta lijrasninkupi wantusharqanku chaykunaj ñaupaqenkupi. Chay karqa Israel ayllu bendicisqa kanampaj, khuskanqa sayamorqanku Gerizim orqo ladomanta, khuskantaj qhawamusharqanku Ebal orqo ladomanta, unaymantapuni Señorpa kamachin Moisés ajinata kamachisqanman jina.

DIOSPA QHELQACHISQAN DEUTEROCANONICAL

³³ Chaymantaqa tukuy israelitakuna, waj llajtayojkuna ima, chantá kurajninkukuna, soldadokunata kamachejkuna, juezkuna ima Tata Diospa trato ruwasqan arcaj qayllanpi chimpapurantin sayarqanku, levita sacerdotekuna Diospa arcanta lijrasharqanku, chaykunaj ñawpaqenkupi. Chayqa Israel ayllu saminchasqa kananpaj karqa, Tata Diospa kamachin Moisés kamachisqanman jina. Khuskanqa Guerizín orqonejpi sayasharqanku, khuskantaj Ebal orqonejpi.

DIOSPA QHELQACHISQ

³³ Chaymantaqa tukuy israelitakuna, waj llajtayojkuna ima, chantá kurajninkukuna, soldadokunata kamachejkuna, juezkuna ima Tata Diospa trato ruwasqan arcaj qayllanpi chimpapurantin sayarqanku, levita sacerdotekuna Diospa arcanta lijrasharqanku, chaykunaj ñawpaqenkupi. Chayqa Israel ayllu saminchasqa kananpaj karqa, Tata Diospa kamachin Moisés kamachisqanman jina. Khuskanqa Guerizín orqonejpi sayasharqanku, khuskantaj Ebal orqonejpi.

Josué 8:33 Referans Kwoze

Deuteronomio 11:29

Maypachachus Señor Diosniykichej pusaykusonqachej ima jallp'atachus jap'ikunkichej chayman chayqa, Gerizim orqomanta bendicionta qhaparinkichej, maldiciontataj Ebal orqomanta qhaparinkichej.

Deuteronomio 31:12

Chaymantaqa, tukuy runas tantakamunanku tiyan, qharis, warmis, wawas, llajtasniykichejpi tiyakoj karu llajtasniyoj ima, kay leymanta leejta uyarinankupaj, Señor Diosniykichejta jatunchayta yachanankupaj; chay leypi tukuy nisqanman jina ruwanankupaj.

Deuteronomio 31:9

Moisesqa kay leyta qelqarqa, jaywarqataj sacerdote levitakunaman, Diospa tratompa cajoninta, israelitaspa tukuy kurajkunasninkumanwan.

Josué 24:1

Josueqa tukuy Israel ayllusta Siquem nisqapi tantacherqa, chaypitaj wajyarqa kuraj runasta, kurajkunata, cheqanchajkunata, soldadosta kamachejkunata ima, Señorpa ñaupaqempi.

Josué 4:18

Sacerdotes Jordanmanta llojsimusqankutawan, ch'aki jallp'aman chakisninkuta churaykusqankutawankama, yakoqa maychus rinanta ririkaporqa ñaupajta jina, cantosninman phullchirishaj.

Josué 3:3

Kay kamachiytataj israelitasman qorqanku: Maypachachus Diosninchejpa cajonninta sacerdote levitas apashajta rikunkichej chayqa, llojsimuychej maypichá kashankichej chaymanta; qhepantataj puririychej.

Números 15:29

Chay leyllapuni kanqa tukuynin israelitaspaj, jinallataj qankunawan tiyakoj karu llajtayojkunapajpis, mana yachashaspalla juchallikusqankurayku.

Números 15:16

Qankunapaj jinallataj qankunawan tiyakoj karu llajtayojkunapajpis leyeswan, kamachiykunawan tukuypaj uj rejlla kanqa.

Éxodo 12:49

Chay kikin leyllapuni kanqa chay kikin llajtayojkunapaj, jinallataj waj llajtayojkunapajpis qankuna ukhupi tiyakojkunapaj.

Josué 6:6

Josuetaj sacerdotesta wajyaspa nerqa: Señorpa trato ruwasqan cajonta apaychej, chaypa ñaupaqentataj qanchis sacerdotes richunku carnero wajrasmanta pututusniyoj.

Josué 4:10

Señorpa trato ruwasqan cajonta apaj sacerdotes Jordán mayu chaupipi sayarqanku, israelitas imatachus Josueman Señorpa kamachisqanta ruwayta tukunankukama. Tukuy ima ruwakorqa Moisés imaynatachus Josueman kamachisqanman jina. Israelitastaj usqhay usqhayta mayuta chimparqanku.

Josué 3:14

Chanta israelitasqa tukuyninku jarasninkuta oqharikorqanku Jordán mayuta chimpanankupaj. Ñaupaqenkutataj sacerdotes Señorpa trato ruwasqan cajón oqharisqa rerqanku.

Levítico 24:22

Chay kamachiyllapuni karu llajtayojkunapajpis kanqa, jinallataj chay kikin llajtayojkunapajpis. Noqamin kani Señor Diosniykichejqa.

Josué 3:6

Sacerdotesmampis nerqa: Qankuna oqhariychej Diospa ruwasqan trato cajonta. Chaywantaj runaspa ñaupaqenta puririychej. Paykunataj Diospa trato ruwasqan cajonta oqharispa runaspa ñaupaqenta purirerqanku.

San Juan 4:20

Ñaupa tatasniykoqa kay orqopi Diosta yupaycharqanku, qankuna judiosrí ninkichej, Jerusalenllapi yupaychana kasqanta.

Números 15:15

Chay kikillantapuni ruwankichej qankuna, qankunawan tiyakoj karu llajtayojkuna, jinallataj mirayniykichejpis. Ajina kay kamachisqayqa unaypaj kanqa.