Josué 8:1 - Qheshwa Biblia DC

¹ Señorqa Josueman nerqa: Ama manchachikuychu, nitaj iskayrayaychu. Tukuy soldadosniykita pusariykukuspa Hai llajtaman wichariy, noqa Hai llajtaj reyninta, runasnintawan makisniykiman jaywasqayki. Chaymantaqa jallp'asninku, llajtanku imataj qampata kanqa.

DIOSPA QHELQACHISQAN DEUTEROCANONICAL

¹ Chaymanta Tata Diosqa Josueta nerqa: Ama manchachikuychu, nitaj q'ewakuychu. Manachayqa tukuy soldadoykikunata pusariykukuspa, Hai llajtayojkunawan maqanakoj puririy, imaraykuchus noqa Hai llajtaj kuraj kamachejninta, runantintawan atipanaykipaj yanapasqayki. Chantá jallp'ankuta, llajtankuta ima jap'ikapunkichej.

DIOSPA QHELQACHISQ

¹ Chaymanta Tata Diosqa Josueta nerqa: Ama manchachikuychu, nitaj q'ewakuychu. Manachayqa tukuy soldadoykikunata pusariykukuspa, Hai llajtayojkunawan maqanakoj puririy, imaraykuchus noqa Hai llajtaj kuraj kamachejninta, runantintawan atipanaykipaj yanapasqayki. Chantá jallp'ankuta, llajtankuta ima jap'ikapunkichej.

Josué 8:1 Referans Kwoze

Josué 1:9

Noqa kayta kamachiyki, sumaj kallpasapa wapu kay. Ama manchachikuychu, amataj q'ewakuychu. Noqa Señorniyki, Diosniykeqa qanwampuni kasaj, maymanchá rinki chaypi.

Deuteronomio 7:18

Qankunaqa amapuni manchachikunkichejchu paykunata. Yuyarikuychej imatachus Señor Diosniykichej faraompa, tukuynin egipciospa contrantawan ruwasqanta.

Deuteronomio 1:21

Kunanqa Señor Diosniykichej kay jallp'asta qopusunkichej. Chayman wichariychej, dueñochakuychejtaj, ñaupa tatasniykichejpa Señor Diosninku kamachisqanman jina, ama manchachikuychejchu, nitaj kharkatitiychejchu.

Josué 6:2

Señortaj Josueman nerqa: Noqa makiykiman jaywayki Jericó llajtata, reyninta, soldadosnintawan.

Deuteronomio 31:8

Señorqa ñaupaqeykita renqa, qanwantaj kanqa. Payqa qhawasonqapuni, manataj saqerpayasonqachejchu. Qanqa ama manchachikuychu, nitaj kharkatitiychu.

Isaías 43:2

Yaku mayusta chimpashajtiykeqa noqa qanwan kasaj. Mana yakoqa apasonqachu. Nina chaupita rishaspapis mana ruphachikunkichu. mana larwaynillampis q'aspasonqachu.

San Mateo 8:26

Jesustaj paykunaman nerqa: Imaraykutaj manchachikunkichej pisi feniyoj runas? Sayariytawantaj, qochata, wayratawan k'amerqa. Wayra thañejtintaj qocha tiyaykorqa.

Daniel (hebreo) 4:35

Paypa ñaupaqempi mana imapis kankuchu kay jallp'a patapi tukuy tiyakojkunaqa. Pay ruwan munayninman jina, janaj pachapi, jinallataj kay pachapipis. Mana pipis kanchu Diospa atiyninman sayaykojqa, manallataj pipis payta tapurinmanchu, imarayku jinata ruwanki?, nispa.

Daniel (hebreo) 4:25

Reyníy, runakunamanta t'aqasqa kanki, animalkunawantaj kausanki. Qhorasta mikhunki bueyes jina, chhullataj cuerpoykita joq'onqa. Ajinata kausanki qanchis watas junt'ata, rejsinaykikama patapi kaj Dios atiyniyoj kasqanta, llajtakunata kamachishanku tukuy chaykunaj patampi kasqanta, paytaj churasqanta kamachinankupaj munayninman jina.

Daniel (hebreo) 2:21

Paymin tiemposta, watastapis waj jinaman tukuchin, reyesta qhechun sayachinta. Yachayta qon yachayniyojkunaman, aswan rejsiytataj tukuy imata rejsejkunaman.

Jeremías 46:27

Kamachiy Jacobpa ayllun, ama mancharikuychu. Ama manchachikuychu, Israel. Qanta jinataj wawasniykitapis noqa kacharichisaj chay karu jallp'aspi wijch'usqas kashanku chaymanta. Watejmanta sonqo tiyasqa kausakunki ni pejpa nisqan.

Isaías 12:2

Diosmin salvawajneyqa; payman noqaqa atienekuni, manañataj manchachikusajchu. Señormin pakakunayqa kallpaytaj. Paylla noqataqa salvawan.

Salmos 46:11

Atiyniyoj Señorqa noqanchejwan kashan. Jacobpa Diosnenqa pakakuyninchej.

Salmos 44:3

Manamin makinkuchu nitaj espadankuchu paykunata atipacherqa jallp'ata jap'inankupaj. Manachayqa qampa atiyniyki, kallpayki, qhawaykachayniyki ima, atipacherqa tatasniykuta munakusqaykirayku.

Salmos 27:1

Señorqa k'anchawajniy, salvawajniytaj. Pimantataj manchachikuymanri? Señorqa kausayniyta jark'awan.

Josué 7:9

Kunanqa kay imasmanta yachanqanku cananeos, tukuy kaynejpi tiyaj runas ima; ujllaman tantaykukuspataj jamuwasqayku, chinkachiwasqaykutaj mana ujniyojta, mana kanqachu yuyarikunallapajpis. Chantá imataj kanqa chay jatun sutiykimantari?

Josué 10:7

Josuetaj Gilgalmanta wicharerqapacha tukuy soldadosninwan, mayqenkunachus wapus kajkunawan.

Josué 10:8

Señortaj Josueman nerqa: Ama paykunamantaqa manchachikuychu, noqa makisniykiman jaywasqayki, ni mayqenninku ñaupaqeykipi sayayta atenqankuchu.

Jeremías 49:3

Hesbón llajta waqay, Hai llajtaqa phirisqaña kashan. Rabamanta warmis, sinch'ita waqaraychej. Llakiy p'achawan p'achallikuychej, pechoykichejta takakuychej. Locas jina correykachaychej, ukhuykichejta nanarachikuychej. Milcom nisqa dios waj llajtaman wijch'usqa kashan, tukuy sacerdotesnintin, jinataj allichaj runasnintin.

Deuteronomio 7:21

Chayrayku paykunaj ñaupaqenkupeqa amapuni manchachikunkichejchu, imaraykuchus Señor Diosniykichejqa qankunawan kashan, Payqa jatun Dios, manchachikunataj.

Josué 2:24

Nerqanku: Señorqa chay tukuynin jallp'asta makisninchejmanña churan. Tukuy chaypi tiyakojkunaqa may mancharisqas kashanku.