Josué 6:17 - Qheshwa Biblia DC

¹⁷ Llajta, chaypi imaschá tiyan chaykunasnintin phirikonqa, tukuynintaj Señorman rikuchiku jina jaywasqa kanqa. Chay mana allin puriyniyoj warmi Rahabpa kausaynillanta perdonankichej, pininchus wasimpi pakakojkunatawan, imaraykuchus payqa kachamorqanchej chay wateqajkunata wasimpi pakaykorqa.

DIOSPA QHELQACHISQAN DEUTEROCANONICAL

¹⁷ Kay llajta, jinataj chaypi imakunachá tiyan chaykunantin phirisqa kanqa, Tata Dios ajinata nisqanrayku. Sajra purikoj warmi Rajabtarí chantá pininchus wasinpi kajkunatawan ama wañuchinkichejchu, imaraykuchus payqa wateqajkunata kachamorqanchej, chaykunata wasinpi pakarqa.

DIOSPA QHELQACHISQ

¹⁷ Kay llajta, jinataj chaypi imakunachá tiyan chaykunantin phirisqa kanqa, Tata Dios ajinata nisqanrayku. Sajra purikoj warmi Rajabtarí chantá pininchus wasinpi kajkunatawan ama wañuchinkichejchu, imaraykuchus payqa wateqajkunata kachamorqanchej, chaykunata wasinpi pakarqa.

Josué 6:17 Referans Kwoze

Deuteronomio 20:17

Kaykunata mana ujniyojta tukuchinkichej: Hititasta, amorreosta, cananeosta, fereseosta, heveosta, jebuseosta ima, imaynatachus Señor Diosniykichej kamachisusqaykichejman jina.

Santiago 2:25

Ajinallatataj, manachu Rahab qhenchachakoj warmipis cheqampaj qhawasqa karqa allinta ruwasqanrayku, kachasta wasinman wajyarisqanrayku, yanapasqanraykutaj waj ñannejta ripunankupaj?

Miqueas 4:13

Sión llajta, jatarikuy trillaytaj, Señor nin: Noqa qosqayki toroj kallpata jina fierro wajrasniyojta bronce talonesniyojta jina, ashkha llajtasta phirita ruwanaykipaj jina. Qan qhechunki millay qhapaj kayninkuta, noqapajtaj t'aqapuwanki, noqa tukuy jallp'aj Señornimpaj.

Hebreos 11:31

Creesqanrayku Rahab, khuchi purej warmi, mana wañorqachu Diosta mana kasojkunawan khuska, wateqajkunata tukuy sonqo wasinman wajyaykusqanrayku.

Hebreos 6:10

Diosqa cheqan kaspa, mana qonqapunchu ruwasqasniykichejmanta, munakuyta rikuchisqaykichejmanta sutinrayku. Qankunaqa ajllasqasta yanaparqankichej, kunampis yanapashallankichejpuni.

Gálatas 3:12

Leyqa mana femantachu. Leyqa nin: Pipis kay imasta ruwasqanrayku kausanqa.

Gálatas 3:10

Moisespa leynimpi confiajkunaqa maldicisqas kanku. Escribisqaman jina, imachus leypa librompi escribisqa kashan chayta, mana pipis junt'ajqa, maldicisqa kanqa.

1 Corintios 2:7

Astawanqa parlayku Diospa pakasqa yachayninmanta; chaytaj pakasqa karqa manaraj kay mundota ruwashajtin, wiñaymantapacha, janaj pachaman pusasqas kananchejpaj.

San Mateo 25:40

Reytaj paykunaman kutichenqa: Cheqamanta niykichej, imallatapis chay juch'uy ujnin kaj wauqeypaj ruwarqankichej chayqa; noqa kikiypaj ruwarqankichej.

Génesis 12:3

Qampaj allinta ruwajkunapaj allinta ruwapusaj, qampaj mana allinta ruwajkunatarí maldicisaj. Qannejta bendicisqas kanqanku tukuy ayllus kay jallp'a patapi kajkuna.

1 Corintios 16:22

Pichus Señor Jesucristota mana munakojqa, maldicisqa kachun. Señor jamushanña.

Ezequiel 39:17

Runa, Señorqa kay jinata nisunki: Tukuy laya p'isqosman chantá campopi kaj tukuy millay animalesmampis kay jinata niy: Tukuynejmanta tantaykukuspa jamuychej, Israelpa lomasnimpi uj jatun ñak'arakuta ruwasaj, chaytaj qankunapaj kanqa, aychata mikhunkichej, yawartataj ujyankichej.

Jeremías 46:10

Tukuy Atiyniyoj Señorpa p'unchaynenqa kaymin, chay p'unchaypi Pay tukuy enemigosninwan pagachikonqa. Espadaqa manaña atinankama t'ojsenqa paykunaj yawarninwantaj machaykonqa. Tukuy Atiyniyoj Señorqa maytapuni wañurachenqa patanej jallp'aspi, Eufrates qayllapi ima.

Isaías 34:6

Señorpa espadanqa sumaj yawarchasqa, wiranchasqataj kashan, imaynatachus ovejasta, cabrastapis rikuchikuspaj wañuchinku ajinata. Señorqa uywa wañuchisqa jaywakuta Bosra llajtapi ruwanqa, jinamanta ruwanqa uj jatun ñak'arakuta Edom llajtapi.

Esdras 10:8

Sichus paykuna kinsa p'unchay junt'api mana chayamunkumanchu, kurajkunaj nisqankuman jina, chanta yuyaychajkunaj nisqankuman jinataj, jallp'ankutapis qhechuchikuspa chaykunaqa presochasqas kutirimojkuna ukhumanta wijch'usqas kanqanku.

1 Samuel 15:6

Saulqa quenitasman nerqa: T'aqakuychej chaymanta! LLojsiychej amalicitas chaupimanta, ama qankunatapis paykunatawan khuska wañuchinaypaj. Qankunaqa israelitas Egiptomanta llojsimushajtinku allinta paykunapaj ruwarqankichej. Quenitastaj amalicitasmanta t'aqakaporqanku.

Josué 7:1

Judáj ayllunmanta ujnintaj Acán sutiyoj, Carmej wawan Zabdej allchhin, Zaraj allchhimpa wawan, wakin imasta pakaykorqa Señorman jaywasqa phirikuman kasharqa chay imasmanta. Chaynejta tukuynin israelitas juchayoj rikhurerqanku Señorpa ñaupaqempi, phirikunan imasta oqharisqankumanta. Chayrayku Diospa phiñakuynenqa paykunaj contrankuta k'ajarerqa.

Josué 2:22

Wateqaspa jamojkunataj orqoman riporqanku, chaypitaj kinsa p'unchayta pakakorqanku. Chaykamataj soldadosqa tukuynejta mask'aykorqanku. Mana maypipis tarispataj kutiporqanku Jericó llajtaman.

Josué 2:1

Numpa wawan Josueqa Sitinmantapacha iskay wateqajkunata pakayllamanta kacharqa, paykunamantaj nerqa: Riychej, qhawamuychej jallp'ata, Jericó llajtatawan, nispa. Paykunataj rispa, Jericó llajtapi uj khuchi warmej wasinman chayakorqanku, chay ch'isitaj chaypi qhepakorqanku; chay warmej sutenqa karqa Rahab nisqa.

1 Samuel 15:3

Chayrayku paykunawan maqanakoj riy; tukuy paykunata jinataj tukuy kapuyninkutapis chinkachimunaykipuni tiyan, ama ni uj chhikanta paykunamanta khuyarikuspa. Wañurachiy qharista warmista, wawasta, chay ñuñoj wawastapis, ajinallatataj wakasninkuta, ovejasninkuta, camellosninkuta, burrosninkuta ima.

Levítico 27:21

Maypachachus kacharina watapi chay jallp'a libre qhepakonqa chayqa, Señorllapaj kanqa. Sacerdotetaj chayta jap'ikaponqa.