Josué 4:6 - Qheshwa Biblia DC

⁶ Chaykuna qhepaman uj señal kanampaj, mayk'ajchus wawasniykichej tapusojtiykichej: Ima niytataj munan kay rumisri?, nispa.

DIOSPA QHELQACHISQAN DEUTEROCANONICAL

⁶ Chay rumikunaqa qankuna yuyarikunaykichejpaj señal jina kanqa. Qhepanejman wawaykichejkuna tapusojtiykichej: Kay rumikuna, ima niytataj munanri? nispa.

DIOSPA QHELQACHISQ

⁶ Chay rumikunaqa qankuna yuyarikunaykichejpaj señal jina kanqa. Qhepanejman wawaykichejkuna tapusojtiykichej: Kay rumikuna, ima niytataj munanri? nispa.

Josué 4:6 Referans Kwoze

Éxodo 13:14

Mayk'ajpis wawasniykichej tapusonqachej: Imatataj kay niyta munanri?, nispa chayqa, ninkichej: Kayqa niyta munan, ñaupa tatasninchej israelitasta Señor orqhomusqanta jatun atiyninwan Egiptomanta, maypichus kamachi mana ruway atinamanta.

Josué 4:21

Israelitasmantaj nerqa: Kunanmanta qhepaman wawasniykichej tapusonqachej kay imasmanta: Ima niytataj munan kay rumisri?, nispa chayqa, paykunaman willankichej imaynatachus kay Jordán mayuta ch'akipi Israel llajta chimpamusqanta, imaynatachus Señorqa Jordán mayu yakuta ch'akichisqanta chayninta chimpanaykichejkama; jinallatataj Puka Mar qochatapis ch'akichisqanta chayninta chimpananchejta, chayta.

Salmos 44:1

Diosníy, ningrisniykuwan uyariyku, tatasniyoj siminkumanta, unay watas paykuna kausashajtinku ruwasqasniykimanta.

Josué 22:27

Manachayqa, chay kanampaj uj señal, qankunawan noqaykuwanqa ujlla kasqanchejta, mirayniykichejwan, noqaykuwan khuska Señorninchejpa kamachisqanta ruwanaykupaj, qayllanaykupajtaj sumaj imasta oqharisqas, juchasniykumanta rikuchikusniykutapis payman jaywanaykupaj, jinallataj allinyakuy rikuchikutapis. Ajinamanta qankunaj mirayniykichejqa, mirayniykuman ama ninankupaj: Qankunaqa mana ima ruwanaykichejchu tiyan Señorwanqa, nispa.

Deuteronomio 11:19

Wawasniykichejmampis kay palabrasta yachachiychej, ñan puriyniykichejpi, wasiykichejpi kashajtiykichej, samarishaspa, jatarisqa kashaspapis.

Isaías 55:13

Khishkaspa cuentanmanta pino sach'as wiñanqa, itapallospa cuentanmanta arrayán sach'a wiñanqa. Chayqa kanqa uj señal Señorpa sutinta wiñaypaj yuyarikunapaj, ni jayk'aj qonqasqa kanampaj.

Isaías 38:19

Pikunachus kausashanku chaykunalla qantaqa yupaychasunku, noqa kunan yupaychashayki ajinata. Tatasqa wawasninkuman cheqa kayniykimanta parlanku.

Salmos 71:18

Achachiña yuraj umaña kashajtiypis, amapuni Señor saqerpariwaychu; jatun atiyniykimanta kunan runa mitasman, qhepa runa mitasmampis willanaykama.

Hechos 2:39

Diosqa nerqa Santo Espirituta qankunaman qonanta, wawasniykichejman, tukuy karu llajtaspi kajkunamampis, pikunatachus Dios wajyan chaykunamanwan.

Ezequiel 20:20

Samakuna p'unchaykunasniytaqa waqaychaychej, qankunawan tratota ruwasqaymanta uj señal kanampaj, ajinamanta yachanaykichejpaj noqa Señor Diosniykichej kasqayta.

Ezequiel 20:12

Chantapis, paykunaman qollarqanitaj samakuna p'unchaykunasniyta noqawan, paykunawan uj señal kanampaj, yachanankupajtaj noqa Señor paykunata ajllakusqayta.

Números 16:38

Incienso q'osñichinaspa unuyasqan kachun altarta qhatanapaj, chayta rikuspa israelitas yuyarikunankupaj, imaraykuchus chayqa kashan israelitas juchallikusqankumanta llimphuchasqataj kausayninkuta qosqankumanta, noqaj ñaupaqeypi inciensota jaywasqankumanta.

Éxodo 13:9

Kayqa kanqa makiykichejpi uj señal jina, mayk'ajpis ñawiykichej patapi k'asqasqa kajtin yuyarikunaykichejpaj, Señorpa leynin simiykichejpi kanampaj, Señor may jatun atiyninwan Egiptomanta orqhomusqasuykichejta.

Éxodo 12:14

Chay diaqa qankunapaj kanqa yuyarikunaykichejpaj. Chayta ruwankichej qankunaj mitaykichejpi sumaj qhochukuta Señorpaj. Chay qhochukuta churanoqankichej wiñaypaj.