Josué 3:3 - Qheshwa Biblia DC

³ Kay kamachiytataj israelitasman qorqanku: Maypachachus Diosninchejpa cajonninta sacerdote levitas apashajta rikunkichej chayqa, llojsimuychej maypichá kashankichej chaymanta; qhepantataj puririychej.

DIOSPA QHELQACHISQAN DEUTEROCANONICAL

³ Chantá israelitakunata kay jinata kamacherqanku: Maypachachus Tata Diosninchejpa arcanta sacerdotekunata apashajta rikunkichej chaypacha, maypichá kashankichej, chaymanta llojsimuychej, qhepantataj puririychej.

DIOSPA QHELQACHISQ

³ Chantá israelitakunata kay jinata kamacherqanku: Maypachachus Tata Diosninchejpa arcanta sacerdotekunata apashajta rikunkichej chaypacha, maypichá kashankichej, chaymanta llojsimuychej, qhepantataj puririychej.

Josué 3:3 Referans Kwoze

Deuteronomio 31:9

Moisesqa kay leyta qelqarqa, jaywarqataj sacerdote levitakunaman, Diospa tratompa cajoninta, israelitaspa tukuy kurajkunasninkumanwan.

2 Samuel 6:13

Señorpa trato ruwasqa cajonninta apamojkuna sojta pasosta thaskisqankumantataj, Davidqa ñak'arqa uj torota uj wira corderotawan Señorman jaywanampaj.

Josué 3:8

Qan kamachiy ari sacerdotesta Diospa trato ruwasqan cajonta apanankuta; chanta Jordán mayuman chayaytawan yaku cantopi sayanankuta.

Números 10:33

Ajinata israelitasqa riporqanku Señorpata nisqa chay orqoman, rerqankutaj kinsa día puriyta. Diospa leyninwan kasharqa chay cajontaj ñaupaqenkuta risharqa, maypichus jarakunankuta mask'aspa.

Apocalipsis 14:4

Kaykunaqa warmiswan mana ch'ichichakorqankuchu; imaraykuchus warmita mana rejserqankuchu. Kaykunaqa Corderota qhatinku maymanchus rishan chayman. Kaykunaqa runa ukhumanta rantisqas kanku, ñaupaj poqoy jina Diospaj, Corderopaj ima.

San Mateo 16:24

Chaypacha, Jesusqa yachachisqasninman nerqa: Pillapis noqawan riyta munajqa, pay kikinta qhesachakuchun, cruznin oqharisqataj qhatiwachun.

San Mateo 8:19

Leymanta yachachej runataj Jesusman qayllaykuspa nerqa: Maestro, qanwan risaj, maymanchá rinki chayman.

2 Samuel 6:3

Señorpa cajonnintaqa mosoj qhatatana carroman churaykorqanku, orqo patapi kasharqa Abinadabpa wasinmanta apakapunankupaj. Abinadabpa wawasnin Uzawan, Ahiowan Señorpa cajonninta pusayserqanku. Ahiotaj ñaupaqenta risharqa.

Josué 6:6

Josuetaj sacerdotesta wajyaspa nerqa: Señorpa trato ruwasqan cajonta apaychej, chaypa ñaupaqentataj qanchis sacerdotes richunku carnero wajrasmanta pututusniyoj.

Josué 4:10

Señorpa trato ruwasqan cajonta apaj sacerdotes Jordán mayu chaupipi sayarqanku, israelitas imatachus Josueman Señorpa kamachisqanta ruwayta tukunankukama. Tukuy ima ruwakorqa Moisés imaynatachus Josueman kamachisqanman jina. Israelitastaj usqhay usqhayta mayuta chimparqanku.

Josué 3:6

Sacerdotesmampis nerqa: Qankuna oqhariychej Diospa ruwasqan trato cajonta. Chaywantaj runaspa ñaupaqenta puririychej. Paykunataj Diospa trato ruwasqan cajonta oqharispa runaspa ñaupaqenta purirerqanku.

Números 4:15

Aaronwan wawasninwan tukuy chay imasta q'epichayta tukojtinkutaj, ñanta puririnapaj wakichisqaña kajtin, Coatpa wawasnenqa jamuchunku tukuy chaykunata apanankupaj. Chaywampis paykunaqa amapuni llankharenqankuchu Diospaj ajllasqa imasta, manachayqa wañonqanku. Ajinata, Dioswan parlana toldoj imasninta Coatpa wawasnin apanqanku.

Josué 3:4

Ajinapi yachankichej maynintachus rinaykichejta; qankunaqa mana jayk'ajpis chay ñantaqa purerqankichejchu. Chaywampis ama chay cajonmanqa anchata qayllankichejchu, uj kilometrota jinalla qhepanta rinkichej, nispa.

1 Samuel 6:15

Levitastaj chay Diospa trato cajonninta uraykuchispa, jinataj chay qorimanta ruwasqa cajontawan uraykuchispa chay jatun rumi pataman churaykorqanku. Bet-semesmanta kajkunataj chay p'unchaypi Señorpaj rikuchikusta ruphacherqanku, chanta waj rikuchikustawampis jaywallarqankutaj.

1 Reyes 8:3

Israel ayllumanta tukuynin kurajkunasnin jamorqanku, sacerdotestaj Señorpa trato cajonninta jap'erqanku,

Jeremías 33:18

Chaypeqa jayk'ajpis Leví ayllumanta sacerdotesqa kallanqapuni, sapa p'unchay ruphachisqa rikuchikuta jaywanawankupaj, noqaj sutiypi ch'aki mikhuykuna poqoykunasta ruphachinankupaj, waj rikuchikustapis jaywanawankuta.