Josué 3:17 - Qheshwa Biblia DC

¹⁷ Tukuynin israelitas Jordán mayuta ch'akipi chimparqanku. Señorpa trato ruwasqan cajonta apaj sacerdotespis khuskan mayupi ch'aki jallp'api sayaykorqanku tukuynin israelitas chaynejta chimpanankukama.

DIOSPA QHELQACHISQAN DEUTEROCANONICAL

¹⁷ Tukuynin israelitakunaqa Jordán mayuta ch'aki pampata jina chimparqanku. Tata Diospa trato ruwasqan arcata apaj sacerdotekunataj tukuy chimpanankukama mayu chawpipi ch'aki pampapi jina sayarqanku.

DIOSPA QHELQACHISQ

¹⁷ Tukuynin israelitakunaqa Jordán mayuta ch'aki pampata jina chimparqanku. Tata Diospa trato ruwasqan arcata apaj sacerdotekunataj tukuy chimpanankukama mayu chawpipi ch'aki pampapi jina sayarqanku.

Josué 3:17 Referans Kwoze

Éxodo 14:29

Israelitasri mar qochata pasarqanku ch'akipi, yakustaj pañankupitaj, lloq'enkupitaj perqaspis kanman jina sayaykorqanku.

Éxodo 14:22

Israelitastaj mar qochaj chaupinta yaykuspa ch'aki jallp'api pasarqanku, yakustaj qhepakorqa jatun perqa jina lloq'enkupi, pañankupitaj.

Salmos 66:6

Mar qochata ch'aki jallp'aman tukucherqa. Ñaupa tatasninchej mayuta chakipi chimparqanku. Chayrayku Diospi kusikunachej!

Isaías 25:8

Señorqa wañuyta wiñaypaj chinkachenqa; tukuypaj waqayninta Señorqa pichanqa; ayllumpa mana allimpaj qhawasqa kayninkutataj tukuy jallp'amanta chinkachenqa. Ajinata Señorqa nin.

2 Reyes 2:8

Chanta Eliasqa qhatakuna p'achanta jap'ispa mayt'uykorqa, chaywantaj yakuta wajtarqa, yakutaj iskayman t'aqakorqa puraj ladoman, chantá ch'akita paykunaqa pasarqanku.

Josué 4:3

Niytaj chunka iskayniyoj rumista oqharinankuta Jordán mayumanta, maypichá sacerdotespa chakisnin sayashanku chaymanta apaspataj, kunan ch'isi maypichá jarakunkichej chayman churankichej, nispa.

Hebreos 11:29

Creesqankurayku israelitasqa puka mar qochaj chaupinta, ch'aki jallp'ata chimparqanku; Egipto llajtayojkunataj, jinallatataj ruwayta munaspa yakuwan p'ampachikorqanku.

Éxodo 14:21

Moisesqa mar qochanejman makinta oqharerqa, Señortaj tukuy chay tuta inti llojsimuynejmanta sumajta wayrachimuspa yakuta iskayman khallarparerqa. Ajinamanta mar qochaqa iskayman ukhu wayq'o jina khallerparikuspa, chay cheqa ch'akiman tukorqa.

Números 33:51

Israelpa wawasninman kay jinata niy: Jordán mayuta chimpaspa Canaán jallp'aman yaykuspaqa, tukuy chaypi tiyakojkunata qharqoychej, t'unaychejtaj tukuy rumimanta ruwasqa lantisninkuta, fierromanta unuyachispa ruwasqasta, ima lomaspichus lantisninkuta yupaychanasninkutawan.

Josué 4:1

Chaymanta tukuyña Jordán mayuta chimpajtinku Señorqa Josueman nerqa:

Josué 4:10

Señorpa trato ruwasqan cajonta apaj sacerdotes Jordán mayu chaupipi sayarqanku, israelitas imatachus Josueman Señorpa kamachisqanta ruwayta tukunankukama. Tukuy ima ruwakorqa Moisés imaynatachus Josueman kamachisqanman jina. Israelitastaj usqhay usqhayta mayuta chimparqanku.

Josué 4:11

Tukuy chimpapiña kajtinkutaj, Señorpa cajonninwan sayasharqanku chay sacerdotespis chimpaman chimpallarqankutaj, tukuy Israel aylluspa ñaupaqenman churakorqanku.

Josué 5:1

Tukuynin amorreospa reyesninku Jordanmanta inti yaykuynejpi kasharqanku. Cananeospa tukuy reyesninkutaj mar qocha qayllapi kasharqanku; paykuna yacharqanku Señorqa imaynatachus Jordán mayu yakuta ch'akichisqanta israelitas chayninta chimpanankukama, maytataj mancharikorqanku, mana munarqankuchu israelitaswan maqanakuyta.