Josué 3:10 - Qheshwa Biblia DC

¹⁰ Kaypimin yachakonqa kausashaj Señor Diosniykichej qankunaj chaupiykichejpi kasqanqa, risqaykichejman jina ñaupaqeykichejmanta pichasqampi, cananeosta, hititasta, heveosta, ferezeosta, gergeseosta, amorreosta, chantá jebuseosta ima.

DIOSPA QHELQACHISQAN DEUTEROCANONICAL

¹⁰ Kawsaj Dios qankunawan kashasqanta kay jinamanta yachankichej: Risqaykichejman jina cananeokunata, jititakunata, heveokunata, ferezeokunata, gergeseokunata, amorreokunata, chantá jebuseokunata ima, paymin ñawpaqeykichejmanta wijch'onqa.

DIOSPA QHELQACHISQ

¹⁰ Kawsaj Dios qankunawan kashasqanta kay jinamanta yachankichej: Risqaykichejman jina cananeokunata, jititakunata, heveokunata, ferezeokunata, gergeseokunata, amorreokunata, chantá jebuseokunata ima, paymin ñawpaqeykichejmanta wijch'onqa.

Josué 3:10 Referans Kwoze

Deuteronomio 7:1

Señor Diosninchejqa pusasonqachej maypichus jallp'ata jap'ikunkichej chayman. Ñaupaqeykichejmanta Señor qharqonqa qanchis jatuchaj nacionesta, qankunamanta aswan jatun atiyniyojta: Hititasta, gergeseosta, amorreosta, cananeosta, fereseosta, heveosta, jebuseosta ima.

Éxodo 33:2

Noqa kachamusaj angelniyta ñaupaqeykita rispa pusasunampaj; ñaupaqeykimantataj qharqosaj karuman cananeosta, amorreosta, hititasta ferezeosta, heveosta, jebuseosta ima.

Hebreos 10:31

Mancharinapaj jina, kausaj Diospa makisninman urmayqa!

1 Samuel 17:26

Chaypacha David tapurerqa chay ladompi kajkunata: Imatataj qonqanku kay filisteo runata wañuchejman, Israelta k'umuykachachejta qhechojmanri? Pitaj kasqa Diosta mana rejsej runari, kausaj Diospa soldadosnimpa contrampi sayaykojri?, nispa.

Jeremías 10:10

Señorqa cheqan Diospuni, kausaj Diospuni, wiñaypaj reytaj. Maypachachus pay phiñarikun chayqa, jallp'antin kharkatitin. Nacionestaj phiñakuyninta mana jap'ikuyta atinkuchu.

2 Reyes 19:4

Ichapis Señorqa uyarinña, chay kuraj kamachejpa parlasqasninta, pitachus wiraqochin Asiriamanta reyqa kachamorqa, kausaj Diosmanta sajrata parlanampaj. Señor Diosniykeqa chay ch'ichi palabrasninta uyarispa jasut'ichun. Kunanqa kaypi qhepakojkunarayku Diosmanta mañay ari.

Josué 22:31

Sacerdote Eleazarpa wawan Fineestaj paykunaman nerqa: Kunanqa allinta yachayku Señorqa noqaykuwan kashasqanta, imaraykuchus qankunaqa mana Señorpa contrantachu ruwayta munarqankichej, ajinamanta kunanqa Señor mana jasut'iwasqaykuchu.

Deuteronomio 31:17

Chayrayku sinch'i phiñakuyneyqa paykunaj contranta k'ajarenqa. Paykunataqa saqerparisaj, mana qhawarisajchu ni ima kashajtimpis. Chay chhika nanaykuna, llakiykuna ima patankuman jamojtintaj, paykuna nenqanku: Manachu kay llakiykunaqa jamuwanchej manaña Diosninchej kasqanrayku?

Éxodo 3:8

Chayrayku uraykamuni egipciospa makinmanta, atiyninmanta ima orqhonaypaj; chay jallp'ankumanta orqhospa sumaj jatun jallp'aman pusanaypaj, mayqempichus lechewan misk'iwan yaku jina corrishan chayman. Chay jallp'apeqa tiyakushanku kay runas: Cananeos, heteos, amorreos, ferezeos, heveos, hebuseos ima.

1 Tesalonicenses 1:9

Paykunallataj noqaykumanta willanku imaynamantachus qankunaman yaykumusqaykuta, imaynamantachus qankunapis lantikunamanta kutirikusqaykichejta, kausaj cheqa Diosta kasunaykichejpaj.

Oseas 1:10

Uj p'unchaypeqa mar qochaj t'iyun jina mana yupay atina kanqanku israelitasqa, ni pi midiyta nitaj yupayta atenqachu. Diosqa manaña llajtaychu kankichej, ninasuykichejtaqa, qankunaqa kausaj Diospa wawasnin kankichej, nisonqachejñataj.

Salmos 9:16

Señorqa runaswan rejsichikun, cheqanta ruwaspa. Sajra runataj kikin ch'ipa ruwasqallanwantaj ch'ipaykuchikun.

Deuteronomio 5:26

Pi runataj chay jina nina lauraj chaupimanta kausaj Diospa parlamusqanta uyarenqari noqayku jina mana wañuspari?

San Mateo 16:16

Simón Pedrotaj kutichispa nerqa: Qanqa Cristo kanki, kausaj Diospa Churin.

Isaías 7:14

Kikin Señormin señalta qosonqachej. Qhawariychej, manaraj qharita rejsej sipas wijsallikun, nacechikuspataj, wawanta Emanuelta sutichanqa.

1 Reyes 22:28

Micaiastaj nerqa: Sichus allimpi kutimunki chayqa, Señor manamin noqaj simiynejtachu parlarqa. Chay ratotaj nerqa: Uyariychej tukuy llajtas.

Josué 21:45

Señorpa palabrasnenqa ni ujpis qhepakorqachu mana junt'akuspaqa, israelitasman Señorpa nisqasninmantaqa.

Éxodo 17:7

Chaymantaqa chay cheqata suticharqa Meribata, chaypi israelitas Moisespaj rimasqankurayku. Chantaqa sutichallarqataj Masahta imaraykuchus kaypi Diosta probanku, nispa: Noqanchejwanchu Señorqa kashan manachu?

San Juan 6:69

Noqayku creeykuña, yachaykutaj Diospa ajllasqan kasqaykita.

Deuteronomio 7:21

Chayrayku paykunaj ñaupaqenkupeqa amapuni manchachikunkichejchu, imaraykuchus Señor Diosniykichejqa qankunawan kashan, Payqa jatun Dios, manchachikunataj.

Josué 3:9

Chaymanta Josueqa israelitasman nerqa: Jamuychej, Señor Diosniykichejpa nisqanta uyariychej.

Josué 9:1

Chay tukuy imas kasqanta yacharqanku kay reyes heteosmanta, amorreosmanta, cananeosmanta, ferezeosmanta, heveosmanta, jebuseosmanta ima. Kay reyesqa tiyakusqanku Jordán mayu cantospi inti yaykunannejpi, chanta chay orqospi, pampasnimpi, Mediterráneo mar qochej cantosnimpi, Líbano jallp'aspi ima.

1 Samuel 26:6

Chaypacha Davidqa parlarqa hitita Ahimelecwan Abisaiwan ima. Abisaeqa Sarviaj wawan karqa, Joabpa wauqentaj. Tapurerqataj: Pitaj noqawan jaraman rinman Saulwan tinkumunakama?, nispa. Abisaeqa kuticherqa: Noqa qanwan uraykusaj, nispa.

Salmos 42:2

Kausaj Diosmanta ch'akichikuni. Mayk'ajtaj Diospa ñaupaqenman chayasajri?

Números 13:29

Neguev cheqaspi amalecitas tiyashanku; loma chaynejkunapitaj tiyashanku hititas, jebuseos, amorreoswan; mar qocha chaynejpitaj Jordán mayu cantopi cananeos tiyashanku.

Josué 12:8

Kay jallp'asta qorqa: Monte jallp'asta, valle jallp'asta, Jordán vallesta, kinray jallp'asta, ch'in pampa jallp'asta, Neguevta. Kay jallp'aspi tiyarqanku heteos, amorreos, cananeos, ferezeos, heveos, jebuseos ima.

Josué 24:11

Chaymantataj qankunaqa Jordán mayuta chimpamorqankichej, jamorqankichejtaj Jericokama. Chay llajtayojkunataj qankunawan maqanakorqanku, chaykunataj karqanku: Amorreos, fereseos, cananeos, heteos, gergeseos, heveos, jebuseos ima. Chaykunata noqaqa makisniykichejman churarqani.

1 Crónicas 1:14

Canaanmanta mirarqanku jebuseos, amorreos, gergeseos, heveos, araceos, sineos, arvadeos, zemareos, hamateos ima.