Josué 24:27 - Qheshwa Biblia DC

²⁷ Chaymantataj israelitasman nerqa: Kay rumeqa uj señal kanqa, Señorninchej kay tukuy imasta niwasqanchejmanta. Chantapis testigo jina kanqa qankunaj contraykichejpi, ama Señor Diosniykichejta ch'aukiyanaykichejpaj.

DIOSPA QHELQACHISQAN DEUTEROCANONICAL

²⁷ Chantá israelitakunata nerqa: Tata Dios kay tukuy imata niwasqanchejmanta kay rumi testigo kanqa. Jinallataj qankunaj contraykichejpi testigo jina kallanqataj, ama Tata Diosniykichejta wasanchanaykichejpaj, nispa.

DIOSPA QHELQACHISQ

²⁷ Chantá israelitakunata nerqa: Tata Dios kay tukuy imata niwasqanchejmanta kay rumi testigo kanqa. Jinallataj qankunaj contraykichejpi testigo jina kallanqataj, ama Tata Diosniykichejta wasanchanaykichejpaj, nispa.

Josué 24:27 Referans Kwoze

San Lucas 19:40

Jesustaj kuticherqa: Paykuna ch'in kankuman chayqa, rumisñataj qhaparenqanku, nispa.

Josué 22:34

Rubén aylluwan, Gad aylluwantaj altarta señal nispa suticharqanku, nispa: Kay altarqa uj señal kanqa, noqanchej ukhupi Señorqa Dios kasqanta.

San Mateo 10:33

Chantá, pillapis runaspa ñaupaqempi mana rejsinichu niwanqa chayqa, noqapis payta mana rejsinichu nillasajtaj, janaj pachapi kashaj Tataypa ñaupaqempi.

Deuteronomio 31:26

Kay librota jap'iychej, churaychejtaj Señor Diosniykichejpa tratompa cajonnimpa qayllanman, qankunaj juchasniykichejta yuyarichinampaj.

Isaías 1:2

Janaj pacha, kay pacha ima, uyariychej Señorpa nisqanta: Wawasta uywarqani jatuchaj kanankukama, paykunataj contraypi sayaykukunku.

Proverbios 30:9

Mikhunay ashkha kanman chayqa, qanta qonqapuykiman, niykimantaj qanta mana rejsisusqayta; sichus pisiwanman chayri, suwakuymanñataj qokuyman. Ajinamanta Diosniypa llimphu sutinta qhesachayman.

Job 31:23

Imaraykuchus Diospa jasut'iyninta mayta manchachikoj kani, chay jina atiynimpa contrampajqa mana atiyniy kanchu.

1 Samuel 7:12

Chaymantataj Samuelqa uj jatun rumita oqharerqa, Mizpa llajtawan Sen llajtawan tinkuypi churarqa. Chay cheqatataj suticharqa Eben-eser, nispa, chay niyta munan: Kaykama Señorqa yanapawarqayku, nispa.

Deuteronomio 32:1

Janaj pacha, uyariwan imatachus parlasaj chayta. Jallp'apis, uyarichun kikin simiypa parlasqasninta.

Deuteronomio 31:21

Chay chhika nanaykuna, llakiykuna ima patankuman jamojtintaj, kay takeyqa paykunaj juchasninkumanta yuyarichenqa. Qhepaman mirayninkupis yuyarikuspa takenqanku. Noqaqa rejsiniña paykunaj yuyaykunasninkuta, qosqaykichej nerqani chay jallp'aman manaraj pusaykushaspa.

Tito 1:16

Yuyanku Diosta rejsisqankuta, ruwasqasninkuwantaj payta qhesachanku. Millaykuna mana kasojkuna kanku, nitaj allin kajtapis ruwayta atinkuchu.

Deuteronomio 31:19

Kunanqa kay takiyta qelqaychej, chaytataj yachachiychej israelitasman, chayta takirikunankupaj. Chay takiytaj paykunaj juchasninkumanta yachachenqa.

Deuteronomio 30:19

Kunanqa noqa janaj pachaj ñaupaqempi, kay pachaj ñaupaqempipis chayta niykichej: Qoykichej kausayta wañuytawan bendicionta, maldiciontawan, chaykunamanta ajllakunaykichejpaj. Kausayta ajllakuychej ari, jinamanta qankuna, chanta wawasniykichej ima kausakunaykichejpaj.

Deuteronomio 4:26

Chayta ruwawajchej chayqa, noqa janaj pachaj, kay pachaj ñaupaqempi niykichej ujllapi chinkachisqas kanaykichejta, chay Jordán chimpapi tiyakunaykichej chay jallp'amanta. Jinamanta chay jallp'api mana unaytachu tiyakunkichej, manachayqa tukuyniykichej chinkachisqas kankichej.

Apocalipsis 3:8

Rejsini ruwasqasniykita. Qhaway, ñaupaqeykipi uj punkuta churani. Chaytaqa mana pipis wisq'ayta atinchu; imaraykuchus uj chhinka kallpayojllaraj kanki, palabraytataj waqaycharqanki, sutiytapis mana qhesacharqankichu.

Habacuc 2:11

Kunanqa, perqasmanta rumis, wasi lomo k'aspipis contraykipi qhaparenqanku.

Números 11:20

Manachayqa qosqay aychata uj killa junt'ata mikhonqanku amichikunankukama, senqasninkumanta phullchichimunankukama. Paykunaqa noqata qhesachawanku, noqa Señor paykunaj chaupinkupi kashajtiy. Paykunaqa ñaupaqeypi waqanku, ninkutaj: Imapajtaj Egiptomanta llojsimorqanchejri?, nispa.

Josué 24:28

Chaymantataj Josueqa sapa ujninkuta kachaporqa maypichus tiyakusharqanku chayman.

Job 31:28

Jina kajtenqa jasut'ita jap'inaypuni karqa, janaj pachapi kaj Diosta qhesachasqayrayku.

Isaías 59:13

Chaykunaqa kashan: Oqharikuy, Señorpa contranta llullakuy, Diosninchejmanta t'aqakuy, waj runaj contranta rimay, churanakuy, sonqonchejpi qhasi palabrasta jap'iy. Llulla palabrasta ima sonqonchejpi jap'erqanchej.