Josué 24:14 - Qheshwa Biblia DC

¹⁴ Kunanqa Señorta manchachikuychejpuni, paypa nisqanta cheqamanta tukuy sonqo ruwaychej. Ñaupa tatasniykichej yupaycharqanku chay lantismanta t'aqakuychej, chaykunata paykunaqa yupaycharqanku Eufrates mayu cantopi, chanta Egiptopi ima. Qankunaqa Señortapuni yupaychaychej.

DIOSPA QHELQACHISQAN DEUTEROCANONICAL

¹⁴ Chantá Josué nillarqataj: Chayrayku Tata Diosta may jatun respetowan jatunpaj qhawaychej, paytataj tukuy sonqo yupaychaychej. Ñawpa tataykichejkuna imatachus Éufrates mayu chimpapi, chantá Egiptopi ima yupaycharqanku, chay dioskunata wijch'uspa, qankunaqa Tata Diosllatapuni kasuychej.

DIOSPA QHELQACHISQ

¹⁴ Chantá Josué nillarqataj: Chayrayku Tata Diosta may jatun respetowan jatunpaj qhawaychej, paytataj tukuy sonqo yupaychaychej. Ñawpa tataykichejkuna imatachus Éufrates mayu chimpapi, chantá Egiptopi ima yupaycharqanku, chay dioskunata wijch'uspa, qankunaqa Tata Diosllatapuni kasuychej.

Josué 24:14 Referans Kwoze

1 Samuel 12:24

Qankunaqa Señorta manchachikuychej. Pay sapallanta yupaychaychej, cheqanta tukuy sonqowantaj, yuyarikuspa chay chhinka k'acha imasta qankunapaj Señor ruwasqanta.

Deuteronomio 10:12

Kunanqa israelitas, imatataj mañakusunkichej Señor Diosniykichejri? Payqa munan Payta manchachikunaykichejta, Paypa ñannintataj purinaykichejta. Munallantaj payta yupaychanaykichejta tukuy sonqoykichejwan, tukuy almaykichejwan ima.

Génesis 35:2

Chaymanta Jacobqa nerqa familianman, pikunachus paywan risharqanku chaykunamanwan: Qankuna ukhupi tukuy laya dioskunata orqhoychej, jinaspataj mayllakuychej, p'achasniykichejtapis cambiakuychej.

2 Corintios 1:12

Noqaykoj kusikuyniykoqa kay jina kashan: Sonqoyku niwayku allinta, llamp'u sonqos, maychus kajta purisqaykuta. Manataj runaj yachayninman jinachu, astawanqa Diospa khuyakuyninman jina allinta kausakorqayku kay pacha runaswan, astawanqa qankunawan.

Josué 24:23

Jina kajtenqa chay waj dioskuna qankuna chaupipi kashan chaykunamanta wijch'uychej, tukuy sonqowan Israelpa Diosnin Señorman kutiriychej.

Salmos 119:1

Kusisqas kanku cheqanta kausajkunaqa, Señorpa kamachisqasnintataj kasojkunaqa.

Ezequiel 20:18

Astawampis wawasninkuta ch'in pampapi nerqani: Ama tatasniykichejpa kamachisqasninman jina puriychejchu, amataj yachachisqasnintapis waqaychaychejchu, nitaj ch'ichichakuychejchu lantisninkuwan.

Salmos 111:10

Yachaypa qallarikuynenqa, Señorta manchachikuymin. Kamachisqasninta waqaychajkunaqa, sumaj yuyayniyoj kanku. Diosninchejtaj wiñaypaj yupaychasqapuni kanqa!

Job 28:28

Diosqa runaman nerqa: Señorpa kamachisqallanta ruwanki. Chaymin yachayqa. Sajramanta t'aqakunki. Chaymin sumaj yuyayniyoj kayqa.

Esdras 9:11

Kamachisniyki profetasnejta kamachiwarqayku chaykunata. Qan willawarqaykuña kay jinata: Mayqen jallp'amanchus yaykuspa jap'inkichej chaypi kaj runakunaqa, chay jallp'api tiyakunku chay runakunaj sajra kausayninman urmasqas, chejninapaj jina mana allin ruwaykunawan, millay kausaykunata junt'aykucherqanku.

Josué 24:2

Josuetaj tukuynin israelitasman nerqa: Kay jinata israelitaspa Señor Diosnenqa nimuwanchej: Unayqa ñaupa tatasniykichej Taré, chanta wawasnin Abraham, Nacor imaqa, Eufrates mayu cantopi tiyakorqanku; chaypitaj waj dioskunata yupaycharqanku.

Deuteronomio 18:13

Qankunaqa Diospa ñaupaqempi cheqan sonqoyojpuni kanaykichej tiyan.

Levítico 17:7

Amaña jayk'ajpis rikuchikusninkuta jaywanqankuchu chay supaykunaman, mayqenkunatachus yupaychanku, mayqenkunanejtachus juchachakunku. Kay kamacheyqa wiñaypaj kanqa, qankunapaj, tukuy mirayniykichejpajpis.

Hechos 9:31

Ajinamanta iglesiaqa sonqo tiyasqalla kasharqa tukuy Judeapi, Galileapi, Samariapi ima. Creejkunataj kallpachakuspa yapakusharqanku, Señorta kasuspataj purisharqanku. Santo Espiritutaj paykunata yanaparqa sonqochaspa.

San Lucas 8:15

Sumaj jallp'api tarpusqa mujutaj ninakun, pikunachus sumaj sonqowan, cheqan yuyaywantaj Diospa palabranta uyarinku, jap'ispataj, pacienciawan sumaj poqoyta apanku.

Oseas 3:5

Chay qhepantaqa, israelitas kutimuspa Señor Diosninkuta mask'anqanku, jinataj reyninku Davidtapis. Qhepa p'unchaykunapeqa, tukuy sonqowan yupaychaypi Señorman qayllaykonqanku, Paypa tukuy khuyakoj imasninmantaj.

Ezequiel 23:3

Paykunataj Egiptopi qhenchachakorqanku, chaypi chuchusninkuta llankhachikorqanku, doncella kayninkuta chinkacherqanku.

Filipenses 1:10

Aswan allin kajta ajllanaykichejpaj, cheqan sonqoyoj kanaykichejpaj, mana k'aminas Cristoj p'unchaynimpi kanaykichejpaj.

Efesios 6:24

Diospa khuyakuynin kachun, Señorninchej Jesucristota tukuy wiñaypaj munakojkunaman.

Salmos 130:4

Qampi perdonta tariyku; chayrayku yupaychasuyku.

Salmos 119:80

Kamachisqasniykipaj sonqoy cheqan kachun, ama imamantapis p'enqakunaypaj.

Job 1:1

Uz jallp'api uj runa Job sutiyoj tiyakorqa. Payqa sumaj cheqan karqa, Diostaqa tukuy imapi sumajta kasoj, sajramantataj karunchakoj.

Génesis 17:1

Abram isq'on chunka isq'onniyoj watasniyoj kashajtin, Señorqa rikhurerqa payman, nerqataj: Noqa tukuy atiyniyoj Dios kani; qan kausay ñaupaqeypi sumaj kausayta, mana pejpa k'aminan.

1 Samuel 7:3

Chayrayku Samuelqa tukuynin israelitasman nerqa: Sichus qankuna tukuy sonqowan Señorman kutirikunkichej chayqa, jawaman wijch'unaykichej tiyan chay mana rejsisqa dioskunasta, chay Astartéj lantisnintapis, kausayniykichejtataj Señorllaman qoychej, pay sapallantataj yupaychaychej. Chaymantaraj Señortaqa filisteospa makinmanta kacharichisonqachej.

1 Samuel 12:14

Sichus Señorta jatunchankichej, yupaychankichejtaj chayqa, pay nisusqaykichejtataj uyarinkichej, kamachisqasnintataj mana k'ullukuspa kasunkichej, chanta kausaychejtj qankuna, chanta kamachishasunkichej chay rey ima, Señor Diosniykichejpa munayninman; jinaqa allin kanqa.

Deuteronomio 6:13

Señor Diosniykichejta manchachikuychej. Pay sapallanta yupaychaychej. Juraspapis Señorpa sutillanta oqhariychej.

Salmos 81:10

Noqa Señor Diosniykichej kani. Noqa orqhorqaykichej Egipto jallp'amanta. Simiykita kichariy, noqataj, munayniykita junt'asaj.

Miqueas 6:8

Ña nisunkiña, Señor, ya runa yachankichu, imapichus allin kaj ruway kasqanta, chaytataj qanmanta Payqa munan ruwanaykita: Cheqan kaj ruwayta, fiel kayta, mana qonqakapoj kayta, tukuy llamp'u sonqo kaywantaj Diosniykita kasunaykita.