Josué 23:7 - Qheshwa Biblia DC

⁷ Ajinamanta chaupiykichejpi waj runas tiyashankuraj chaykunawan amapuni chajrukunaykichejpaj, dioskunasninkuta ama yupaychanaykichejpaj, ama kasunaykichejpaj, ni chaykunamanta parlarillankichejpischu, nitaj qonqorikunkichejchu, nitaj chaykunaj sutimpi jurankichejchu.

DIOSPA QHELQACHISQAN DEUTEROCANONICAL

⁷ Ama qankuna ukhupi tiyakoj waj llajtayojkunawan chhapukunkichejchu, nitaj qonqorikuspa diosninkuta yupaychankichejchu. Amallataj diosninkuta kasunkichejchu, ni paykunamanta parlallankichejpischu, nillataj sutinkupi tilunkichejchu.

DIOSPA QHELQACHISQ

⁷ Ama qankuna ukhupi tiyakoj waj llajtayojkunawan chhapukunkichejchu, nitaj qonqorikuspa diosninkuta yupaychankichejchu. Amallataj diosninkuta kasunkichejchu, ni paykunamanta parlallankichejpischu, nillataj sutinkupi tilunkichejchu.

Josué 23:7 Referans Kwoze

Éxodo 23:13

Tukuy kay ima nisqasniyta waqaychaychej. Ama jayk'ajpis waj dioskunaj sutinta mentankichejchu, ni simillaykichejwampis oqharinkichejchu.

Jeremías 5:7

Señorqa nin: Imaynatataj kay tukuymanta perdonaykimanri? Wawasniyki saqerpariwanku, jurankutaj qhasi mana kaj dioskunasninkunejta. Ashkha mikhunawan atipacherqani, jinapis paykunaqa qhenchachakorqanku, tukuyninkutaj qhencharioman qokaporqanku.

Salmos 16:4

Chay runasqa chaykunata tukuy sonqo qhatikunku. Noqaqa ni jayk'ajpis chaykunaman uywa wañuchisqasta jaywasajchu. Sutisnillankutapis simeyqa ni jayk'aj parlanqachu.

Éxodo 23:33

Chantaqa ama chay jallp'aykipi kakojta saqenkichu, ama chaykuna juchallichisunankupaj noqaj contrayta dioskunasninkuta yupaychaspa, chaytaj qampajqa mana allinchu kanqa.

Efesios 5:11

Laqhapi kajkunaj qhasi mana kaj ruwasqasninkuta ama ruwaysiychejchu. Manachayqa paykunata k'amiychej.

1 Corintios 15:33

Ama ch'aukiyachikuychejchu. Sajra parlajkunawan puriy allin yachasqa ruwaykunata chinkachin.

Sofonías 1:5

Wasi patapi kaj patioman wicharispa estrellasta yupaychajkunata t'unaykusaj. Juramentota ruwallankutaj qonqorikuspa chaykunatapis. T'unaykullasajtaj sutiyrayku juramentota ruwaytawan, chay ratopacha Milcom diospa sutinrayku.

Proverbios 4:14

Ama sajra runaspa qhepanta riychu, ama sajra ruwasqankuta ruwaychu.

Josué 23:12

Sichus qankuna ukhupi qhepakunkuraj chay runaswan chajrukunkichej, chaykunawantaj casarankichej, paykunawan ujllaman tukuspa, paykunapis qankunawan chayqa, yachanaykichejpaj Señor Diosniykichejqa qankunawan kashan chay runasta mana qharqonqachu, manachayqa paykunata churanqa waskhata jina chaypi layk'ukuspa urmanaykichejpaj, chicoteta jina wasasniykichejpi jasut'isunaykichejpaj, khishkata jina ñawisniykichejpi t'ojsisunaykichejpaj ima, kay chhika sumaj jallp'ata Señor Diosniykichej qosusqaykichejmanta mana ujniyoj chinkanaykichejkama.

Oseas 2:17

Siminkumantataj qhechusaj, chay baalesmanta parlayta, ni jayk'aj sutillantapis oqharenqankuñachu.

Éxodo 20:5

Ama qonqorikunkichu chaykunaman, ama yupaychankichu; imaraykuchus noqamin Señor Diosniykeqa kani, sinch'i, Dios celoso, noqata chejniwajkunaj juchasninkuta jasut'ej, tatasninkoj juchasninkuta wawasninkupi jasut'ini, chantá allchhisninkupi, nieto allchhisninkupi ima.

Deuteronomio 6:13

Señor Diosniykichejta manchachikuychej. Pay sapallanta yupaychaychej. Juraspapis Señorpa sutillanta oqhariychej.

Deuteronomio 10:20

Señor Diosniykichejta manchachikuychej, pay sapallanta yupaychaychej. Payman sayasqas kaychej. Juramentotapis ruwanaykichej kajtenqa Paypa sutimpi ruwaychej.

Josué 23:8

Señor Diosniykichejtapuni qhatikunkichej, imaynatachus kunankama ruwashankichej ajinata.

Jeremías 12:16

Cheqamanta paykunaqa aylluyman, Baalpa sutimpi jurallata yachacherqanku, kunantaj aylluy ukhuman jamuspa tiyakapuyta atenqanku. Cheqamantachus aylluypa Diospi creeyninta jap'ikonqanku, sutiyraykutaj juranqanku, Señorpa kausayninrayku nispa chayqa.

Números 33:55

Sichus qankuna chay runasta mana qharqonkichejchu chayqa, chay qhepakojkuna k'aspi jina t'ojsisonqachej ñawisniykichejpi, qhepu jinataj ukhusniykichejpi. Qankuna chay jallp'aspi tiyakusqaykichejmanta, chay jallp'api tiyakushajtiykichej paykuna llakichisonqachej.

Deuteronomio 6:14

Qayllaykichejpi llajtaspa lantisninkuta amapuni yupaychankichejchu.

2 Reyes 5:18

Maypachachus wiraqochi reyníy, Rimompa yupaychana wasinman yupaychaj yaykojtin, paytaj makiypi taunakojtin, chanta paywan khuska qonqorikojtiytaj, Señorqa perdonawachun ari.

2 Reyes 17:12

Lantista yupaycharqanku, mayqenkunamantachus Señorqa ñaupajtaña kamacherqa, ama ajinataqa ruwankichejchu, nispa.

2 Crónicas 7:19

Qankunataj noqamanta t'aqakuwankichej chayqa mana junt'aspa leykunasniyta, kamachiykunasniyta qankunaman qorqaykichej chaykunata, manachayqa waj dioskunata kasuwajchej, yupaychawajchejtaj, chaypacha qankunataqa qorqaykichej chay jallp'amanta orqhosqaykichej, wijch'usajtaj ñaupaqeymanta yupaychana wasiyta llimphucharqani chayta, ruwasajtaj tukuy tiempo tukuy naciones ukhupi asipayasqapuni kananta.