Josué 22:11 - Qheshwa Biblia DC

¹¹ Wakin israelitastaj yacharqanku Rubén ayllu, Gad ayllu, Manasespa khuskan ayllun imaqa Canaán jallp'aj mojonnimpi uj altarta ruwasqankuta, Jordán mayu cantopi israelitaspa jallp'ampi.

DIOSPA QHELQACHISQAN DEUTEROCANONICAL

¹¹ Chantá israelitakuna yacharqanku wawqenkunaqa Canaán suyupi uj altarta ruwasqankuta, Jordán mayu kantupi.

DIOSPA QHELQACHISQ

¹¹ Chantá israelitakuna yacharqanku wawqenkunaqa Canaán suyupi uj altarta ruwasqankuta, Jordán mayu kantupi.

Josué 22:11 Referans Kwoze

San Juan 1:28

Kay imas karqa Betaniapi, chaytaj Jordán mayu chimpapi; chaypi Juanqa runasta bautizasharqa.

Josué 2:7

Reypa runasnintaj chay runasta qhatiykorqanku Jordán mayu cheqannejta, maynejpichus yaku ch'ajchalla karqa chaykama. Soldados llojsisqankutawantaj llajta punkoqa wisq'akorqapacha.

San Juan 20:12

Rikorqataj yuraj p'achayoj iskay angelesta tiyashajta; maypichus Jesuspa cuerpon churasqa karqa chaypi; ujninta umannejpi, ujnintataj chakinnejpi.

San Juan 20:1

Semanaj ñaupaj p'unchayninta, María Magdalena tutamanta sepulturaman rerqa laqhallaraj kashajtin. Sepulturamanta rumitataj tanqarparisqata rikorqa.

Jueces 12:5

Galaadmanta kajkunaqa Jordán mayoj ch'ajchasnimpi sayaykukorqanku, Efrainmanta kajkuna mayqellampis ayqekuspa pasachinankuta mañarikojtaqa, paykunaqa tapurej kanku Efrainmantachus manachus kasqanta. Mana kanichu nejtataj, kay jinata parlachej kanku: Shibolet, nispa. Pichari mana sut'ita nejchu, mana chayqa Sibolet nispalla parlaj chaytaqa jap'iytawankama kikimpi wañurparichej kanku chay Jordán mayu chimpanas chaynejpi. Chay kutipi Efraín ayllumanta tawa chunka iskayniyoj waranqapuni wañorqanku.

Josué 22:10

Chay kinsantin ayllus, Rubén ayllu, Gad ayllu, Manasespa khuskan ayllun ima Jordán mayu cantoman chayaspa, Canaán jallp'allapiraj, uj altarta perqarqanku chay mayu cantopi.

Josué 22:16

Noqaykoqa Señorpa tukuy llajtampa sutimpi nishayku. Imatataj kayta israelitaspa Diosnimpa contranta ruwankichejrí? Imajtintaj Diosta saqenkichejri, uj altartataj ruwankichej Señorpa contrampi oqharikuspa?

Josué 22:19

Sichus kay jap'ikusqaykichej jallp'a mana allinchu rijch'asunkichej chayqa, Señorpa jallp'anman jampuychej ari, maypichus Señorpa ajllakusqan jallp'a kashan chayman. Noqaykoj chaupiykupi tiyakuychej. Señorpa contrantataj ama juchallikuychejchu, amataj noqaykoj contraykumampis tukuychejchu, Señorninchejpa altarnin jawa waj altarta ruwaspa.

Deuteronomio 12:11

May cheqapichus Señorqa sutin yupaychasqa kanampaj ajllakonqa chaypi, qankunaqa kamachisusqaykichejman jina kay tukuy imasta Señorman jaywankichej: Ruphasqa kanampaj uywasta, ruphachinapaj kajta, sapa chunkamanta uj kaj ofrendata, rama ofrendasta, imastachus ajllaspa Señorman qosaj nerqankichej chay ofrendasta ima.