Josué 21:44 - Qheshwa Biblia DC

⁴⁴ Señorqa chay jallp'api allin tiyakuyta qorqa, imastachus juraspa tatasninkuman nisqanman jina. Enemigosninkupis mana ujtawan torearqankuñachu, imaraykuchus Señorman makisninkuman enemigosninkuta churarqa.

DIOSPA QHELQACHISQAN DEUTEROCANONICAL

⁴⁴ Tata Dios nisqanta junt'arqa, tukuy suyupitaj allin kawsaypi tiyakorqanku. Awqankukunapis manaña ujtawan paykunaman sayaykuyta aterqankuñachu, imaraykuchus Tata Diosqa awqankukunata atipaykuyta yanaparqa.

DIOSPA QHELQACHISQ

⁴⁴ Tata Dios nisqanta junt'arqa, tukuy suyupitaj allin kawsaypi tiyakorqanku. Awqankukunapis manaña ujtawan paykunaman sayaykuyta aterqankuñachu, imaraykuchus Tata Diosqa awqankukunata atipaykuyta yanaparqa.

Josué 21:44 Referans Kwoze

Josué 11:23

Ajinata Josueqa chay tukuy jallp'asta jap'ikaporqa, imaynatachus Moisesman Señor kamachisqanman jina. Chaymantataj israelitasman, mashkha aylluschus kasqankuman jina chayaqenku kanampaj rak'irarqa. Chay jallp'apitaj manaña ima ch'ajwapis karqachu.

Hebreos 4:9

Chayrayku, Diospa ayllumpaj uj samakuy kanrajpuni.

Éxodo 23:31

Mojonesniykita ruwapusqayki Puka Mar qochamantapacha filisteospa marninkama, ch'in pampamanta Eufrates mayukama. Chay jallp'aspi tiyakojkunataqa makisniykiman jaywasqayki, qantaj paykunata wijch'unki.

Josué 22:9

Ajinata Rubén ayllu, Gad ayllu, Manasespa khuskan ayllun ima t'aqakorqanku wakin israelitasmanta Silopi, Canaán jallp'api, Galaadpi jallp'ankuman kutipunankupaj, mayqen jallp'atachus Señorqa Moisesman kamacherqa paykunaman qonanta, chayman.

Josué 22:4

Kunanqa Paypis imatachus qosqaykichej nisqanta junt'an, wauqesniykichejpaj sonqo tiyakuy tiyanña. Chaynejta kunanqa toldosniykichejman kutipuychej, ima jallp'atachus jap'ikusqaykichejman, Jordán mayu chimpapi Señorpa kamachin Moisés qosorqachej chayman.

Josué 1:15

Paykunamampis Señorqa jallp'ata qonankama qankunaman jina chaypi tiyakunankupaj; paykunapis Señorniykichej Diospa jallp'a qosqanmanta dueño kanankupaj. Chaymanta qankunaqa atinkichej kutimpuyta jallp'asniykichejta jap'ikapoj, mayqentachus Diospa kamachin Moisés qosorqachej, manaraj Jordán mayu chimpapi inti llojsimuynejpi.

Josué 1:13

Yuyarikuychej Señorpa kamachin Moisés imatachus nisorqachej chayta. Chaypacha nisorqachej: Señor, qankunaj Diosniykichej, qankunaman kay jallp'ata qosunkichej chaypi tiyakunaykichejpaj.

Éxodo 33:14

Señortaj payman nerqa: Noqa kikiy qanwan risaj, noqallataj samachisqaykipis.

Deuteronomio 21:10

Ichapis enemigosniykichejwan maqanakushajtiykichej, Señor Diosniykichej presosta makisniykichejman urmachimunman.

Josué 23:1

Israelitasman Señorqa sonqo tiyakuyta unay watastaña qosqanmanta, Josueqa machuña kashaspa, unay watasniyojñataj kashaspa, payqa israelitasta tantachimorqa, kurajkunasnintinta, kurajkunapaj churasqas karqanku chaykunata, juecesta, kamachinankupaj churasqas karqanku chaykunantinta, nerqataj: Noqaqa machu runaña kani, unay watasniyojñataj.

Isaías 63:14

Paykunataqa vallesman uraykamoj uywasta jina Señorpa Espíritun micherqa. Ajinata qanqa israelitasniykita pusaykacharqanki, tukuynejpi mentasqa kanaykipaj.

Deuteronomio 2:36

Chayta ruwarqanchej Aroer llajtamantapacha, Arnón mayu chimpapi kashan chaymanta, vallesnimpi kaj llajtamantapacha, Galaad llajtakama. Chay llajtasqa ni mayqen kutichikuyta atiwarqanchejchu, Señor Diosninchej tukuyninkuta makisninchejman urmachimorqa.

Josué 1:5

Tukuy kausayniykipi mana pipis atipasonqachu. Noqa qanwan kasaj, imaynatachus Moiseswan karqani ajinata, manataj ni jayk'ajpis sapaykita saqesqaykichu.

Josué 2:24

Nerqanku: Señorqa chay tukuynin jallp'asta makisninchejmanña churan. Tukuy chaypi tiyakojkunaqa may mancharisqas kashanku.

Josué 11:8

Señortaj Israelitaspa makisninman jaywarqa; israelitastaj wañuracherqanku, wakintataj qhatikorqanku Sidón jatun llajtakama, chaymanta Misrefot-maimkama, inti llojsimuypi Mispa pampakama, mana ujniyojta tukuchinankukama.

Josué 11:12

Kikillantataj Josueqa ruwarqa chay tukuynejmanta tantakamoj reyespa llajtasnintapis, jinallatataj reyesnintapis espadawan t'ojsispa wañuracherqa, imasninkuchus karqa chaykunatapis t'unaykorqa, Señorpa kamachin Moisés kamachisqanman jina.

2 Crónicas 13:16

Israelitasqa Judamanta kajkunamanta ayqerqanku, Diospuni paykunaj makinkuman jaywaykusqanrayku.