Josué 17:18 - Qheshwa Biblia DC

¹⁸ chay sach'arara orqosnintin qankunajta kanan tiyan, chay sach'astaqa qankuna urmachillankichej, jap'ikuychejtaj maymantachus mojonesnin kashan chaymantapacha. Chaypi tiyaj cananeostaqa qankuna wijch'unkichej, mana imananchu fierro carrosniyoj kasqankoqa, nitaj may jina kallpayoj kasqankupis.

DIOSPA QHELQACHISQAN DEUTEROCANONICAL

¹⁸ Chay sach'arara orqokunantin qankunajta kanan tiyan. Chay monteta chaqospa, jallp'ata jap'ikapuychej. Chaypi tiyakoj cananeokunataqa qankuna wijch'unkichej. Mana imananchu fierro carretakunayoj kasqankoqa, nitaj may jina kallpayoj kasqankupis, nispa.

DIOSPA QHELQACHISQ

¹⁸ Chay sach'arara orqokunantin qankunajta kanan tiyan. Chay monteta chaqospa, jallp'ata jap'ikapuychej. Chaypi tiyakoj cananeokunataqa qankuna wijch'unkichej. Mana imananchu fierro carretakunayoj kasqankoqa, nitaj may jina kallpayoj kasqankupis, nispa.

Josué 17:18 Referans Kwoze

Hebreos 13:6

Chayrayku tukuy sonqo niyta atinchej: Señorqa yanapawajniy, mana manchachikusajchu, imanawanqataj runari?

Romanos 8:31

Ima nisuntaj kaymantari? Sichus Dios noqanchejwan kashan chayqa, pitaj contranchejpi kanmanri?

Romanos 8:37

Chayrayku kay tukuy imaspi, cheqatapuni atipajkuna kanchej, munakuwajninchejrayku.

Josué 15:9

Chay mojonqa muyuykamorqa monte orqo puntanta Neftoapi yaku juturikama, chaymantaqa Efrón orqospi llajtasninta, Baala nisqa chayninta, chaytaj kashan Quiria-jearim, nisqa.

Josué 20:7

Chaymanta israelitasqa pakakuna llajtasta ajllarqanku Sedes llajtata Galileapi, Neftaléj orqompi, Efraín orqopi Siquem nisqata, Quiriat-arba llajtata, ujnin sutintaj Hebrón, Judá orqopi ima.

Josué 13:6

Israelitaspa ñaupaqempi noqa tukuchisaj sidoniosta, orqospi tiyakojkunata, Libanomanta Misrefot-maimkama. Qantaj chay jallp'asta israelitasman chayaqenkupaj rak'irapunki, imaynatachus kamachishayki chayman jina.

Josué 17:17

Josuetaj Joséj ayllun Efraín aylluman, Manasés ayllumanwan nerqa: Qankunaqa cheqamanta ashkha, atiyniyojtaj kankichej, chaynejta qankunapajqa mana uj chhikallanchu jallp'aqa kanan tiyan;

1 Samuel 1:1

Efraimpa orqosnimpi Ramá nisqa cheqapi, tiyakorqa uj runa Elcana sutiyoj, Payqa Zufpa familianmanta karqa. Jerohampa wawan karqa, Eliojpa allchhintaj. Eliojpa tatantaj Tohu karqa, paytaj Zufpa wawan karqa. Payqa Efraimpa ayllunmanta karqa.

2 Samuel 18:6

Ajinata ari soldadosqa campoman llojserqanku Israel soldadoswan maqanakamunankupaj. Maqanakoqa karqa Efraín montepi, Israelmanta kajkunataj atipachikorqanku Davidpa kaj soldadosninwan. Chay diaqa may ashkhapuni wañorqanku, tukuypi iskay chunka waranqa jina runas wañorqanku.

Génesis 49:24

Josejtari makisnin manchay kallpasniyoj. Pay sumajta arcosta jap'in. Jacobpa atiyniyoj Diosninrayku, Israelta michejninrayku, waqaychajninraykutaj.

Deuteronomio 33:17

Jatun kaynenqa uj toroj kuraj uñampaj jatun kaynin jina. Payqa sinch'i kallpayoj búfalo waka jina. Payqa tukuy jallp'asta wajraspa qhatiykachanqa kay jallp'aj tukukuyninkama. Ajina kanqanku Efraimpa ashkha miraykunasnin. Ajina kanqanku waranqa waranqas Manasespa miraykunasnimpis.