Josué 17:16 - Qheshwa Biblia DC

¹⁶ Paykunataj nerqanku: Chay sach'a monteqa cheqamanta mana tukuyniykupaj jinachu. Chay pampasnimpi tiyaj cananeospataqa tiyapun fierromanta qhatatina carrosninku, jinallataj Bet-seampi kajkunajta, chaymantaqa Jezreel vallepi tiyajkunajtapis.

DIOSPA QHELQACHISQAN DEUTEROCANONICAL

¹⁶ Paykunatajrí nerqanku: Arí, Efraín jap'iypi orqorara cheqaqa cheqamanta mana tukuyniykupaj wakinchu. Chaywanpis pampakunapi tiyakoj cananeokunaqa fierromanta carretakunayoj kanku, jinallataj Bet Seanpi chantá Jezrel vallepi tiyajkunajtapis, nispa.

DIOSPA QHELQACHISQ

¹⁶ Paykunatajrí nerqanku: Arí, Efraín jap'iypi orqorara cheqaqa cheqamanta mana tukuyniykupaj wakinchu. Chaywanpis pampakunapi tiyakoj cananeokunaqa fierromanta carretakunayoj kanku, jinallataj Bet Seanpi chantá Jezrel vallepi tiyajkunajtapis, nispa.

Josué 17:16 Referans Kwoze

1 Reyes 4:12

Ahiludpa wawan Baanataj Taanacpi, Meguidopiwan, tukuynin Bet-seampi, Saretán qayllapi, Jezreelmanta aswan urapi, Bet-seanmanta Abel-meola chaykama, Jocmeanmanta chay uj ladonkamataj.

Jueces 4:3

Jabimpata isq'on pachaj fierromanta carrosnin karqa, iskay chunka watastaña israelitasta sinch'i llakiypi ñak'arichisqa, chayrayku paykunaqa Señormanta yanapayninta mañakuspa qhaparikorqanku.

Jueces 1:19

Judá ayllumanta kajkunaqa Señorpa yanapayninwan qharqorqanku orqospi tiyakojkunata, chaywampis manapuni qharqoyta aterqankuchu chay pampasnejpi kajkunataqa, fierromanta carrosniyoj kasqankurayku.

Jueces 6:33

Chaypacha tukuy madianitas, jinataj amalecitaspis, chantá inti llojsimuynejmanta kaj runaspiwan, tantaykukorqanku chimparqankutaj Jordán mayuta, chay Jezreel vallepitaj jaraykukorqanku.

Josué 17:18

chay sach'arara orqosnintin qankunajta kanan tiyan, chay sach'astaqa qankuna urmachillankichej, jap'ikuychejtaj maymantachus mojonesnin kashan chaymantapacha. Chaypi tiyaj cananeostaqa qankuna wijch'unkichej, mana imananchu fierro carrosniyoj kasqankoqa, nitaj may jina kallpayoj kasqankupis.

2 Reyes 9:37

Jezabelpa ayantaj Jezreel jallp'api wanu jina jich'aykachakonqa. Ajinamanta ni pipis niyta atenqachu, kayqa Jezabelqa nispa.

2 Reyes 9:10

Jezabeltataj Jezreel pampapi alqos mikhuranqa, manataj pipis paytaqa p'ampajqa kanqachu. Chayta niytawan wasi punkuta kicharpayaytawan ayqeamporqa.

1 Reyes 21:23

Jezabelmantapis Señorqa parlallantaj: Jezabelta Jezreel perqa k'uchupi alqos mikhonqanku.

1 Reyes 21:1

Kay tukuy imasmanta qhepatataj, Jezreelmanta Nabotpata Samariaj reynin Acabpa wasin qayllapi uvas huertan tiyaporqa.

1 Reyes 18:46

Señorpa makintaj Eliaswan karqa; payqa p'achasninta sumajta chumpiykukuytawan, Jezreelman chayanankama Acabpa ñaupaqenta correrqa.

Josué 17:11

Isacarpipis Manasespa jallp'anqa kallarqataj, chanta Aserpi ima. Chaykunataj karqanku: Bet-sean, ranchosnin ima, Ibleam ranchosnin ima, Dor, ranchosnintin, Endor, ranchosnintin, Taacnac ranchosnintin, Meguido, ranchosnintin, kinsantin provinciasnintin.

Josué 17:15

Josuetaj kuticherqa: Sichus qankuna ashkha kankichej chayqa, monteman wichariychej, chaypitaj sach'asta urmachiychej ferezeospa jallp'ampi, jinallataj refaitaspapipis.

Josué 17:17

Josuetaj Joséj ayllun Efraín aylluman, Manasés ayllumanwan nerqa: Qankunaqa cheqamanta ashkha, atiyniyojtaj kankichej, chaynejta qankunapajqa mana uj chhikallanchu jallp'aqa kanan tiyan;

1 Reyes 18:45

Ajina kashajtintaj, ujllata phuyus laqhayaykamorqa wayrawan ima, sinch'itataj paraqa jich'akorqa. Acabtaj carretanman wichariytawan Jezreelman jamorqa.

Jeremías 49:2

Kunanqa noqa Señor kayta nini: Uj p'unchay chayamonqa maypachachus Rabamanta amonita llajta uyarinan, maqanaku qhapariyta, chaytaj uj qollu raqaykunasllamanña tukuchisqas kanqanku, chay k'iski ranchosninkutaj ninapi larwaykunaspi k'ajarenqanku. Chaypacha Israelqa chay llajtasninta watejmanta jap'ikapullanqataj. Noqa Señor chayta nini.

1 Samuel 29:1

Filisteosqa tukuy soldadosninkuta tantaykorqanku Afec llajtapi, chaykamataj israelitasqa tantakullarqankutaj Jezreel chaynejpi yaku juturi chaypi.