Josué 13:31 - Qheshwa Biblia DC

³¹ Chaymantaqa Galaadpa khuskan, Astarot llajtas, Edrei llajta, Basampi rey Ogpa llajtasnin ima. Chay karqa Manasespa wawan Maquirpa wawasnimpaj, chay niyta munan Manasespa khuskan miraynimpaj, mashkhachus kasqankuman jina.

DIOSPA QHELQACHISQAN DEUTEROCANONICAL

³¹ Kay khuskan jatun aylluman, pikunachus Manasespa wawan Maquirpa mirayninmanta karqanku, chaykunaman Moisés Galaad jap'iypa khuskanninta qosqa. Chaytawan khuska Astarot llajtata chantá Edrey llajtatawan qollasqataj. Kay llajtakunapi Og sutiyoj kuraj kamachej kamachisqa.

DIOSPA QHELQACHISQ

³¹ Kay khuskan jatun aylluman, pikunachus Manasespa wawan Maquirpa mirayninmanta karqanku, chaykunaman Moisés Galaad jap'iypa khuskanninta qosqa. Chaytawan khuska Astarot llajtata chantá Edrey llajtatawan qollasqataj. Kay llajtakunapi Og sutiyoj kuraj kamachej kamachisqa.

Josué 13:31 Referans Kwoze

Josué 12:4

Refaitasmanta ch'uli Basan rey Ogqa, Astarotpi, Edreipiwan tiyarqa.

Josué 9:10

Imaynatatajchus Jordán mayu chimpapi amorreospa iskay reyesninta ruwasqanta, Hesbón rey Sehonta, Basán rey Ogtawan, pischus Astarotpi tiyarqanku.

Josué 13:12

Chanta jap'ikullarqankutaj Basán rey Ogpa jallp'asninta, payqa Astarotpi, Edreipi ima kacherqa, payqa karqa refaitasmanta ch'uli; paykunatamin Moisesqa atipaspa chinkacherqa.

Josué 13:32

Chay jallp'asta Moisesqa rak'irarqa paykunaman Moab pampasta, inti llojsimuypi manaraj Jordán mayuta chimpashaspa.

Josué 17:6

Chantaqa Manasespa warmi wawasnimpis ayllusninwan khuska jallp'ata Galaadpi jap'illarqankutaj, chaywampis Galaad jallp'aqa Manasespa qhari wawasnimpata karqa.

Jueces 10:6

Israelitasqa watejmanta ruwallarqankutaj Señorpa contranta, yupaychaspa Baalman jinataj Astarteman rijch'akoj lantista, ajinallatataj Siriamanta dioskunasninkuta, Sidonmanta, Moabmanta, Amonmanta, jinataj Filisteojkunatawan. Señorta saqerparispa manaña yupaycharqankuchu.

1 Samuel 7:3

Chayrayku Samuelqa tukuynin israelitasman nerqa: Sichus qankuna tukuy sonqowan Señorman kutirikunkichej chayqa, jawaman wijch'unaykichej tiyan chay mana rejsisqa dioskunasta, chay Astartéj lantisnintapis, kausayniykichejtataj Señorllaman qoychej, pay sapallantataj yupaychaychej. Chaymantaraj Señortaqa filisteospa makinmanta kacharichisonqachej.

1 Samuel 12:10

Chaypacha paykunaqa Señorman willakorqanku juchallikusqankumanta, Señorta saqerparispa Baalman, jinataj Astarteman rijch'akojkuna lantista yupaychasqankurayku. Paykunataj Señormanta mañakorqanku chay enemigosninkumanta kacharichisqas kanankuta, nerqankutaj Señor sapallantaña yupaychanankuta.

1 Crónicas 6:71

Gersompa mirayninmanta kajkunamantaj mashkhachus wasi ayllus kasqankuman jina qorqanku Golán llajtata; chayqa Basampi kashan. Qollarqankutaj Astarot llajtatapis; chayqa Manasespa khuskan ayllumpata ñaupajta karqa. Chay llajtasta uywa michina pasto pampasniyojllataj karqanku.

Salmos 60:7

Galaadwan Manaseswan noqajta. Efraintaj umayta jark'aj monteray. Judataj kamachinay vara.

Josué 17:5

Ajinata Manasespa ayllonqa chunka cheqasta jap'erqa, chantá jap'illarqataj Galaadpi, Basampi ima Jordán mayoj wasampi.

Jueces 5:17

Galaadqa, Jordán mayu chimpapi jarasqa qhepakorqa. Dantaj qhepakorqa barcos qayllapi. Asertaj qhepakorqa mar qocha cantopi, manataj chaymanta kuyurikorqachu.

Ezequiel 48:4

Neftaléj jallp'ampa ladompitaj, inti llojsimuy ladomantapacha, mar qocha ladokamataj, Manasespa chayaqen kanqa.