Josué 11:20 - Qheshwa Biblia DC

²⁰ Imaraykuchus Señorpuni chay llaytayoj runaspa sonqosninta rumiyacherqa, israelitasman sumajta ch'ajwapi sayaykunankupaj, jinamanta atipaspa chinkachinankupaj mana khuyakuspa, imaynatachus Señorqa Moisesman kamachisqanman jina.

DIOSPA QHELQACHISQAN DEUTEROCANONICAL

²⁰ Tata Diospuni chay llajtayojkunaj sonqonkuta rumiyacherqa, israelitakunawan maqanakoj sayaykunankupaj. Ajinata Diosqa israelitakuna mana khuyakuspa tukuyninta wañuchinankupaj ruwarqa, Tata Dios Moisesman kamachisqanman jina.

DIOSPA QHELQACHISQ

²⁰ Tata Diospuni chay llajtayojkunaj sonqonkuta rumiyacherqa, israelitakunawan maqanakoj sayaykunankupaj. Ajinata Diosqa israelitakuna mana khuyakuspa tukuyninta wañuchinankupaj ruwarqa, Tata Dios Moisesman kamachisqanman jina.

Josué 11:20 Referans Kwoze

Romanos 9:18

Ajinapeqa pitachus Dios khuyayta munan, chayta payqa khuyan. Pejpa sonqontachá rumiyachiyta munan, chayta rumiyachin.

Éxodo 4:21

Chantaqa Señor nillarqataj Moisesman: Egiptoman kutispa faraompa ñaupaqempi kay t'ukunasta qosusqayta, ruwankipuni atiyta qosusqaywan. Noqataj faraompa sonqonta rumiyachisaj, paytaj israelitasta mana llojsejta saqenqachu.

Deuteronomio 7:16

Qankunaqa tukuchinkichej Señor makisniykichejman jaywasonqachej chay tukuy ayllusta. Paykunata ama khuyankichejchu, ama dioskunasninkutapis yupaychankichejchu, ama qankuna urmanaykichejpaj.

Deuteronomio 2:30

Hesbonmanta rey Sehonqa mana pasachiyta munawarqanchejchu chay jallp'annejta. Chay jina kanampajqa Señorpuni paypa sonqonta rumiyacherqa, ajinamanta makiykichejman payta churarqa. Kunampis jinarajpuni kashan.

Jueces 14:4

Tatasnenqa mana yacharqankuchu, kay tukuy imasqa Señormanta jamusqanta, imaraykuchus payqa achaketa mask'asharqa filisteospa contrampi, chaypacha filisteosqa israelitasta kamachisharqanku.

Éxodo 14:17

Noqataj egipciospa sonqosninta rumiyachisaj, qhepaykichejta qhatimunasuykichejpaj. Chaypitaj noqa atiyniyta rikuchisaj faraompa soldadosnimpi, carrosnimpi, caballosnimpi, maqanakoj soldadosnimpi ima.

Éxodo 9:16

Chaywampis cheqamanta churayki, qampi atiyniyta rikuchinaypaj, qannejta sutiy willasqa kanampaj tukuy mundontimpi.

2 Crónicas 25:16

Profeta kayta nishajtintaj reyqa nerqa: Reyta umachanaykipajchu qantaqa ajllakorqayku? Ch'inlla kakuy. Chayri munankichu wañuchinasunkuta? Profetaqa mana astawan imatapis parlarqañachu, chaywampis nerqa: Yachani Diosqa nisqantaña, qanta wañuchinasunta chay ruwasqaykirayku, nisqaytapis mana jap'ikusqaykirayku.

1 Reyes 12:15

Reyqa runaspa nisqanta mana uyarerqachu; imaraykuchus Señormantapuni ajina kanan karqa, junt'akunampaj Señorpa parlasqan Ahías silonitanejta Nabatpa wawan Jeroboamman.

1 Samuel 2:25

Uj runa wajpaj contrampi juchallin chayqa, Señorpa payman kutikuyta atin. Señorpa contrampi juchallejtintaj, pitaj paymanta jark'akonqari? Chaywampis paykunaqa mana kasorqankuchu tatankoj nisqasnintaqa, imaraykuchus Señorqa nisqaña wañunankuta.

Éxodo 9:12

Señortaj astawan faraompa soqonta rumiyacherqa; chayrayku Moisesta Aarontawan mana kasuta ruwarqachu Moisesman Señor nisqanman jina.

Éxodo 10:1

Ujtawan Señorqa Moisesman nerqa: Ujtawan rispa nimuy faraonman; imaraykuchus noqa paypa sonqonta rumiyachini, jinallataj kamachisnimpa sonqosnintapis. Ajinamanta jatuchaj t'ukuna imasta paykuna ukhupi ruwanaypaj atiyniyta rikuchispa.

Éxodo 11:10

Moiseswan Aaronwan chay t'ukuna imasta ruwarqanku faraompa ñaupaqempi. Señortaj faraompa sonqonta rumiyacherqa, chayrayku israelitasta mana saqerqachu llajtanmanta llojsinankuta.

Éxodo 14:4

Noqataj faraompa sonqonta rumiyachisaj qankunata qhatirimunasuykichejpaj. Chaypitaj atiyniyta rikuchisaj paypa patampi, tukuy soldadosnimpa patampiwan. Ajinamanta egipciosqa yachanqanku noqa Señor kasqayta. Israelitastaj chayta uyarispa kikinta ruwarqanku.

Éxodo 14:8

Egipto rey faraompa sonqonta Señorqa rumiyacherqa, israelitasta qhatirinampaj, mana kasuspa israelitasqa chay jina atiywan llojsishajtinku.

2 Samuel 17:14

Absalón tukuy israelitas imaqa yuyarqanku Husaipa nisqanqa aswan allin kasqanta, Ahitofelpamanta nisqaqa. Señorqa nisqaña Ahitofelpa yuyasqanqa mana ruwakunanta, Absalompa patanman llakiyta apachimunampaj.

2 Crónicas 22:7

Joramta waturej jina Ocozías wañuchisqa kananqa Diosmanta jamorqa. Chayaytawankama Ocoziasqa Joramwan llojserqa Nimsej wawan Jehuwan tinkumoj. Jehutarí Diospuni ajllasqa Acabpa ayllumpi kajkunata tukuchinampaj.

Isaías 14:24

Tukuy Atiyniyoj Señorqa juraspa nin: Cheqamanta imatachus yuyasqayqa junt'akonqapuni, imastachus nisqasniypis ruwakonqapuni.

Isaías 34:2

Señorqa manchay phiñasqa kashan tukuy nacionespaj, tukuy soldadosninkupaj ima. Chaykunata urmachenqa, wañurachichenqataj.