Josué 10:24 - Qheshwa Biblia DC

²⁴ Josuejpa ñaupaqenman pusamojtinkutaj, Josueqa israelitasmanta tukuy qharista wajyarqa; paywan jamorqanku chay kurajkunamantaj nerqa: Qayllamuychej, kay reyespa kunkanman chakisniykichejta churaychej, nispa. Paykunataj qayllaykuytawan chay reyespa kunkasninman chakisninkuta churarqanku.

DIOSPA QHELQACHISQAN DEUTEROCANONICAL

²⁴ Josueman pusamojtinkutaj, Josué israelitakunamanta tukuy qharikunata wajyarqa, jinataj soldadokunata kamachejkunaman nerqa: Qayllamuychej, chantá kay kuraj kamachejkunaj kunkankuman chakiykichejta churaychej, nispa. Paykunataj qayllaykuytawan, kuraj kamachejkunaj kunkankuman chakinkuta churarqanku.

DIOSPA QHELQACHISQ

²⁴ Josueman pusamojtinkutaj, Josué israelitakunamanta tukuy qharikunata wajyarqa, jinataj soldadokunata kamachejkunaman nerqa: Qayllamuychej, chantá kay kuraj kamachejkunaj kunkankuman chakiykichejta churaychej, nispa. Paykunataj qayllaykuytawan, kuraj kamachejkunaj kunkankuman chakinkuta churarqanku.

Josué 10:24 Referans Kwoze

Romanos 16:20

Pisimantawan sonqo tiyakuy Dios, Satanasta chakiykichej urapi saronqa. Señorninchej Jesucristoj khuyakuynin qankunawan kachun.

Malaquías 4:3

Chay p'unchaypi mayqentachus wakichishani, chaypacha qankuna chakisniykichejwan sajra runasta sarunkichej ñut'u jallp'ata jina.

Salmos 110:5

Señorqa paña makiykipi kashan. Phiñakuynin p'unchaypi reykunata chinkachenqa.

Salmos 110:1

Señorqa señorniyman nerqa: Pañaynejpi tiyakuy, enemigosniykita chakisniyki uraman churanaykama.

Salmos 107:40

Diosninchej uraj runasman chejnichikuyta apachimun, chinkasqata purichin, mana mayman rinankuta yachajman tukuchin.

Deuteronomio 33:29

Qanqa, Israel, sumaj kusikuyniyoj kanki. Pitaj qan jinari? Qantaqa Señorpuni librasonqa. Pay imamantapis jark'akusunki, yanapasunkitaj. Paymin atipanayki espadaykeqa. Enemigosniykeqa qanman k'umuykamusonqanku. Qantaj wapuykachasqankuta tukuchinki.

Salmos 91:13

Katarej patantapis purinki. León uñata, dragontapis sarunki.

Salmos 18:40

Enemigosniyta ñaupaqeykimanta ayqechinki, ajinataj chejnikuwajkunata tukucherqanki.

Jueces 8:20

Chay kikin ratopacha kamacherqa kuraj kaj wawan Jeterta: Jatarikuy wañurachiytaj, nispa. Jinapis Jeterqa as waynallaraj kasqanrayku mana espadanta orqhokamorqachu.

Hebreos 1:13

Chantá, mayqen angelmantaj jayk'ajpis nerqa: Pañayman tiyaykukuy, chejnisojkunatataj chakisniyki uraman churanaykama, nispa?

2 Samuel 22:41

Qan enemigosniyta ñaupaqeymanta ayqecherqanki; ajinamanta chejnikuwajkunata tukucherqani.

Isaías 51:23

Chaytataj llakichisunki chaykunamanñataj qosaj, pikunachus pampaman siriykuy, pataykita purinaykupaj, nisunku chaykunaman. Qantaj paykunata kasuspa pampaman sirerqanki, paykunataj pataykita ñanta jina purerqanku.

2 Samuel 22:39

Chinkacherqani! T'unararqanitaj! Manaña sayarikorqankuchu: Chakisniy uraman urmarqanku!