Josué 1:8 - Qheshwa Biblia DC

⁸ Kay libropi Diospa leyninmanta kajtaqa willaypuni imatachus nisqanta. Tuta p'unchay unanchakuy kay libropi imatachus nisqanta ruwanaykipaj, ajinamanta tukuy ima ruwasqaykipi allin risunampaj.

DIOSPA QHELQACHISQAN DEUTEROCANONICAL

⁸ Diospa kamachisqan qhelqamanta k'iskimanta parlay. Tuta p'unchay unanchay, imatachus nisqanta ruwanaykipaj, ajinamanta tukuy ima ruwasqaykipi allin risunanpaj.

DIOSPA QHELQACHISQ

⁸ Diospa kamachisqan qhelqamanta k'iskimanta parlay. Tuta p'unchay unanchay, imatachus nisqanta ruwanaykipaj, ajinamanta tukuy ima ruwasqaykipi allin risunanpaj.

Josué 1:8 Referans Kwoze

Salmos 119:15

Nisqasniykipi allinta yuyasaj; ñankunasniykita sumajta qhawasaj.

Salmos 19:14

Qhawasqaykiman jina parlasqasniy, yuyasqasniypis allin kachun. Señor qanqa pakakunay chhanka, salvawajniytaj kanki.

Colosenses 3:16

Cristoj palabranqa sonqoykichejpipuni kachun. Qankunataj ujkuna ujkunawan yachachinakuychej, sonqochanakuspataj tukuy yachaywan. Señorta agradecekuychej tukuy sonqo salmoswan, himnoswan, Espirituman jina, takiykunawan ima.

Proverbios 3:1

Yachachisusqasniymanta ama qonqapuychu, wawáy; yuyayniykipi waqaychay kamachisqasniyta.

Deuteronomio 29:9

Chayrayku qankunaqa waqaychaychej, junt'aychejtaj kay tratota, tukuy ima ruwasqasniykichejpi allin risunaykichejpaj.

San Juan 14:21

Pichus kamachisqasniyta jap'ikun, waqaychantaj, chaymin munakuwajqa. Noqata munakuwajtataj Tatay munakonqa, noqapis payta munakusaj, rikuchikusajtaj payman.

San Lucas 11:28

Jesustaj kuticherqa: Diospa palabranta uyarispa kasojkunarajmá aswan kusikuyniyojqa kanqanku.

San Mateo 7:24

Pillapis kay nisqasniyta uyarispa ruwan chayqa; sumaj yuyayniyoj, chhanka patapi wasichakoj runaman rijch'akun.

Salmos 119:11

Palabrasniykita sonqoypi waqaychani, ama contraykipi juchallikunaypaj.

Salmos 119:97

Maytapuni kamachisqasniykita munakuni; tukuy p'unchaynintin chayllapi yuyani.

San Mateo 7:21

Mana tukuy niwajkuna Señor, Señor, nispa, janaj pacha reinoman yaykonqankuchu. Manachayqa, janaj pachapi kashaj Tataypa munayninta ruwajkunalla yaykonqanku.

San Juan 13:17

Chay imastachus entiendespa ruwayta yachankichej chayqa, kusikuyniyoj kankichej.

Josué 1:7

Chaypajqa sumaj kallpachasqa wapu kanayki tiyan, kamachiy Moisés tukuy leyta kamachisusqanman jina ruwanaykipaj. Chaytaqa junt'aypuni ari, ama ni uj chhikanta karunchakuspa imatachus nisqanta kikinta ruwaspa, tukuy ima ruwasqaykipi allin risunampaj.

Deuteronomio 30:14

Manachayqa kay kamachiykuna qayllaykichejpipuni kashan, simiykichejpi sonqoykichejpi ima kashan, chayman jina junt'ayta atinaykichejpaj.

Deuteronomio 5:29

Allin kanman ajinallatapuni yuyanankoqa, yupaychanawankutaj; kamachisqasniyman jina sapa p'unchay allinta ruwananku paykuna, jinataj wawasninkupis sumaj kusisqas wiñaypaj kausakunankupaj.

Salmos 119:99

Tukuy yachachejkunasniymanta astawan entiendeni, imaraykuchus kamachisqasniykipi anchata unanchani.

Isaías 59:21

Kay tratota paykunawan ruwasaj nin Señorqa. Pataykiman Espirituyta churani, palabrasniytapis simiykiman churallanitaj; chayqa mana simiykimanta llojsenqachu, manallataj wawasniykejmanta, nitaj allchhisniykej siminmantapis. Ajina kunanmantaqa wiñaypaj qankunawan kanqa, ajinata nin Señorqa.

Deuteronomio 5:32

Ajinaqa allinta ruwaychej Señor Diosniykichej imastachus kamachisunkichej chaykunata, ni pañaman, nitaj lloq'eman pantakuspa.

Efesios 4:29

Simiykichejmantapis ama ima sajra parlaykunapis llojsichunchu, manachayqa cheqan kajta parlaychej, uyarejkuna wiñanankupaj Diospa yanapayninwan.

San Mateo 12:35

Allin runaqa, allin waqaychanamanta allin imasta orqhomun. Sajra runatajrí, sajra imasta orqhomun sajra waqaychananmanta.

Salmos 40:10

Cheqan kasqaykimantaqa manapuni sonqoypi pakanichu, cheqan sonqo kasqaykita, salvacionniykimantawan parlarqani, cheqan kayniykita, munakuyniykita jatun tantakuypi.

Apocalipsis 22:14

Kusikuyniyojmin kanku p'achasninkuta t'ajsajkunaqa. Paykunaqa kausay sach'amanta jap'inankupuni tiyan kausayta, punkusnejtataj llajtaman yaykonqanku.

Génesis 24:63

Payqa ch'isiyayta llojserqa puriyacharikoj. Jinallapi payqa ujta qhawarispa camellos jamushajta rikorqa.

Deuteronomio 31:24

Moisestaj chay leykunata uj libroman qelqayta tukuytawan, Diospa tratompa cajonninta apajkuna levitasman nerqa:

Josué 8:34

Chaymanta Josueqa leymanta qelqasqa libromanta sapa uj palabrata leerqa, bendicionesmanta, jinallataj maldicionesmantapis.

Deuteronomio 5:1

Moisesqa tukuy israelitasta tantachispa nerqa: Israelitas, uyariychej, kamachiykunasta, imastachus ruwana kasqanta, chaykunamanta kunan willasqaykichej. Allinta yachaychej, waqaychaychejtaj chaykunaman jina imatapis allinta ruwaspa.

Deuteronomio 29:8

Chaymantataj jallp'asninkuta jap'ikaporqanchej, qoporqanchejtaj Rubén aylluman, Gad aylluman, Manasés khuskan ayllunmanwan.

2 Crónicas 26:5

Zacarías kausashajtenqa Diosta mask'aj churakorqa. Zacariasqa yachacherqa Diosta manchachikuna kasqanta. Diospa qayllampi kanankama, Señorqa payta yanaparqa.