Joel 2:28 - Qheshwa Biblia DC

²⁸ Kay imas qhepata, Espirituyta jich'arimusaj tukuy runasman. Qhari wawasniykichej, jinataj warmi wawasniykichejpis, Noqaj sutiypi parlanqanku. Unay watasniyoj runas mosqokonqanku. Wayna runaspis mosqokullanqankutaj.

DIOSPA QHELQACHISQAN DEUTEROCANONICAL

²⁸ 28 (3.1) Kay tukuymanta qhepaman, tukuy runaman Espirituyta kachaykamusaj. Churiykichejkuna, jinataj ususiykichejkunapis noqaj sutiypi sut'inchanqanku. Unayniyoj runakunapis mosqokullanqankutaj. Waynakunapis mosqoypi jina imakunata rikullanqankutaj.

DIOSPA QHELQACHISQ

²⁸ 28 (3.1) Kay tukuymanta qhepaman, tukuy runaman Espirituyta kachaykamusaj. Churiykichejkuna, jinataj ususiykichejkunapis noqaj sutiypi sut'inchanqanku. Unayniyoj runakunapis mosqokullanqankutaj. Waynakunapis mosqoypi jina imakunata rikullanqankutaj.

Joel 2:28 Referans Kwoze

Ezequiel 39:29

Manañataj ujtawampis israelita runasmanta uyayta pakaykukusajchu, imaraykuchus Espirituyta paykunaman jich'amusaj, nin Señorqa.

Hechos 2:39

Diosqa nerqa Santo Espirituta qankunaman qonanta, wawasniykichejman, tukuy karu llajtaspi kajkunamampis, pikunatachus Dios wajyan chaykunamanwan.

Isaías 32:15

Chanta Señorpa atiynin ujtawan noqaykuman jamonqa. Ch'aki ch'in pampaqa sumaj chajra poqonaman tukonqa. Sumajta chajra poqona jallp'astaj monteman tukonqa.

Isaías 44:3

Noqaqa ch'aki pampaspi yakuta phullchichisaj. Ch'aki jallp'aspipis yakuta puririchisaj. Mirayniykiman Espirituyta apachimusaj. Allin imastataj apachimusaj.

Zacarías 12:10

Davidpa mirayninman, jinataj Jerusalempi tiyakojkunaman khuyakoj Espirituyta qosaj. Diosmanta mañakoj Espirituytataj qosaj. Jinamantaraj qhawarenqanku pitachus t'ojsinawan wañucherqanku chayta, may jinatataj llakikonqanku, waqanqankutaj Paymanta imaynatachus uj k'ata kuraj wawanku wañojtin waqanku ajinata.

Proverbios 1:23

Uyariwaychej k'amisqasniyta, noqa yachaywan junt'achisqaykichej, imatachus yuyasqasniyta rejsichisqaykichej.

San Juan 7:39

Chayta Jesús nerqa sutimpi creejpa sonqonman Santo Espíritu jamunanmanta; chaywampis Santo Espiritoqa manaraj jamorqachu, Jesús Tatampaman manaraj wicharisqanrayku.

Hechos 2:33

Ajinamanta Jesusqa Diospa pañanman oqharisqa karqa. Paytaj Santo Espirituta Diospa nisqanman jina jap'erqa. Chaytataj chayacherqa imaynatachus rikushankichej, uyarishankichej jina.

San Lucas 3:6

Tukuy runastaj Diospa salvacionninta rikonqanku.

Gálatas 3:28

Manaña kanchu judíos nitaj griegopis. Manaña kanchu kamachi nitaj mana kamachi kajpis. Nillataj kanchu qhari nitaj warmipis. Qankunaqa ujllaña kankichej Cristo Jesuspi.

Isaías 40:5

Chaypi Señorpa atiynin rikuchisqa kanqa. Tukuy runataj rikonqanku, imaraykuchus kaytaqa kikin Señormin nin.

Isaías 49:6

Chanta payqa niwarqa: Kamachillay kanaykeqa mana allinchu, Jacobpa ayllusninta kutirichimunallaykipajqa, Israelmanta puchojkunata kutirichimunallaykipajqa. Astawampis nacionespa k'anchaynin kanaykipaj churayki, salvacionniyta apanaykipaj, karu jallp'aspi kajkunasnintinman.

Hechos 21:9

Felipejtataj tawa doncella ususisnin tiyarqa, paykunataj Diospa palabranta willaj kanku.

Jeremías 23:28

Sichus uj profetajta uj mosqokuynin tiyan chayqa, willachun uj mosqoypuni kasqanta. Sichus pi palabraytapuni jap'in, chayri cheqamantapuni willarachun. Trigotawan pajatawanqa mana kikinchachiyta atisunmanchu.

Isaías 54:13

Tukuynin wawasniykiman Señorqa yachachipusonqa; chay wawasniykej kusiynintaj may jatun kanqa.

San Lucas 1:67

Tatan Zacariastaj Santo Espirituwan junt'asqa karqa. Sut'incharqataj kay jinata: Yupaychasqa kachun Israelpa Señor Diosnenqa, imaraykuchus ayllunta watukorqa, juchasninmantataj salvarqa.

Hebreos 1:1

Ñaupa p'unchaykunapi, ashkha kutita tukuy imaymanamanta, Dios parlamorqa ñaupa tatasninchejman profetasnejta.

Números 11:17

Chayman uraykamusaj, qanwantaj parlasaj. Chantaqa qampi kaj espirituta wakinta paykunaman qosaj, paykuna kay runasta kamachiyta, pusayta ima yanapasunankupaj. Ajinamanta qan manaña sapaykichu rikukunki.

1 Samuel 19:20

Chaypacha Saulqa runasninta kacharqa Davidta jap'imunankupaj. Saulpa kacha runasnintaj Ramaman chayaspa uj t'aqa profetasta musphaypi jina parlashajta rikorqanku, chaykunatataj Samuel pusaykachashajta. Jinallamanta chay kacha runasmampis Diospa Espíritun junt'aykorqa. Chanta paykunapis chay profetas jina parlarqanku.

1 Samuel 28:6

Chaypacha Señorta taporqa. Señortaj mana kuticherqachu, ni mosqoypi, nitaj Urimnejtapis, profetasnejtapis.

Isaías 49:26

Chay ñak'arichisojkunaman kikin aychallankutataj mikhuchisaj; yawarnillankuwantaj vinowan jina machachisaj. Ajinamanta tukuy runas yachanqanku noqa Señor Salvadorniyki kasqayta, Jacobta kallpachaj salvajniyki kasqaytataj.

Jeremías 23:25

Uyarini chay profetaspa llullakusqankuta, pischus sutiypi parlayta munanku, nishankutaj noqa paykunawan parlasqayta.

Ezequiel 36:27

Espirituyta qosqaykichej. Leyesniyman jina purichisqaykichej, kamachisqasniytataj junt'ankichej.

Ezequiel 37:14

Kausay samayniyta qankunaman qosqaykichej, kausankichejtaj, jallp'aykichejpitaj samachisqaykichej. Yachankichejtaj noqa Señor parlarqani chayta junt'asqayta, nin Señorqa.

Daniel (hebreo) 7:1

Uj tuta, Belsasar ñaupaj watata Babiloniapi rey kashajtin, Danielqa mosqoynimpi jina ashkha imasta rikorqa. Rijch'arispataj chay ratopacha qelqaykorqa mosqoynimpi rikusqasninta. Kaytaj chay qelqasqanqa: Noqa rikorqani mosqoyniypi, tawantin wayras janaj pachamanta phukumuspa, jatun qhochapi kaj yakusta qhollch'uqachejta.

1 Samuel 19:21

Saul chayta yachaspa waj runasnintañataj kacharqa. Paykunapis profetas jinallataj parlarqanku. Kinsa kaj kutita Saulqa waj runasninta kachallarqataj. Paykunapis profetas jinallataj parlarqanku.