Joel 2:27 - Qheshwa Biblia DC

²⁷ Qankunataj, Israelmanta runakuna, yachaychej, noqa Tukuy Atiyniyoj Señor kashasqayta qankunawan. Noqa Diosniykichej kasqayta, manataj aswan waj Dios kasqanta. Mana jayk'ajpis llajtayqa ujtawan penqaypi rikhurenqañachu!

DIOSPA QHELQACHISQAN DEUTEROCANONICAL

²⁷ Ajinata yachankichej noqa Tata Diosqa qankuna ukhupi kashasqayta. Noqamin Tata Diosniykichej kani, manataj waj Dios kanchu. Aylloyqa mana jayk'ajpis ujtawan p'enqaypi rikhurenqañachu.

DIOSPA QHELQACHISQ

²⁷ Ajinata yachankichej noqa Tata Diosqa qankuna ukhupi kashasqayta. Noqamin Tata Diosniykichej kani, manataj waj Dios kanchu. Aylloyqa mana jayk'ajpis ujtawan p'enqaypi rikhurenqañachu.

Joel 2:27 Referans Kwoze

Sofonías 3:17

Señor Diosniykeqa qanwan khuskamin kashan. Atiyniyojmin payqa, salvasonqataj! Señortaj kusikonqa qanmanta. Munakuyninwan mosoj kausayta qosonqa. Fiestapi jina kusikuynimpi takenqa.

Isaías 45:5

Noqamin Señorqa kani. Noqamanta astawan waj diosqa manapuni kanchu. Qan mana rejsishawajtiykipis noqa qantaqa sumajta sayacherqayki atipanaykipaj;

Joel 3:17

Chaypachamá qankuna yachankichej, noqa Señor Diosniykichej, tiyakusqayta noqaj t'aqasqa Sión orqopi. Jerusalemtaj noqapaj t'aqasqa llajta kanqa. Manataj jayk'ajpis waj llajtayojkuna atipanqankuchu.

Ezequiel 39:28

Waj llajtasman presochasqata apacherqani, chantá watejmanta paykunata jallp'ankupi tantaykusaj, ni mayqenninkutapis paykunamanta saqerparispa, chaypacha noqa Señor Diosninku kasqayta yachanqanku.

Joel 2:26

Sumajta sajsakunaykichejkama mikhunkichej. Tukuy Atiyniyoj Señor Diosniykichejtataj yupaychankichej. Pay jatun t'ukuna imasta ruwan qankunarayku. Llajtayqa mana jayk'ajpis p'enqachisqachu kanqa.

Salmos 46:5

Diosninchej chay llajta chaupipi kashan, paytaj sayachenqa, sut'iyajtintaj yanapanqa.

Deuteronomio 23:14

Señor Diosniykichejqa qankunaj chaupiykichejpi kashan, chay jaraykichejpi ima kajtimpis yanapanasuykichejpaj, enemigosniykichejtapis atipachinasuykichejpaj. Chay jaraykichejqa llimphupuni kanan tiyan, Dios ama chaynejpi ima ch'ichitapis rikunampaj. Mana jina kanqa chayqa Dios qankunamanta karunchakonqa.

Isaías 12:6

Siompi tiyakojkuna kusiywan takiychej, imaraykuchus Israelpa Santo Diosnenqa qankunaj chaupiykichejpi kashan, tukuy jatun kayninwan.

Apocalipsis 21:3

Tronomanta sinch'ita qhaparejta uyarerqani, nejtataj: Kayqa Diospa paykunawan tiyakuynin. Diosqa paykunawan kanqa. Runastaj paypa ayllun kanqanku, kikin Diostaj paykunaj Diosninku kanqa.

1 Pedro 2:6

Chayrayku Escriturapi nisqa kashan: Noqa Siompi churani aswan sumaj esquina rumita, ajllasqa k'acha rumitataj. Chaypi creejqa mana p'enqakonqachu.

Salmos 68:18

Diosníy, puntanman wicharerqanki presochasqasta apaspa. Runas jaywasorqanku chaytataj jap'ikorqanki. Contraykipi sayaykojkunapis ñaupaqeykipi k'umuykukunku.

2 Corintios 6:16

Chantá ima allintaj kanman, Diospa templompi lantikuna kanankuri? Qankunaqa kausashaj Diospa templon kankichej, imaynatachus Dios nerqa: Kausajtaj, purisajtaj paykuna ukhupi. Paykunaj Diosninku kasaj. Paykunataj aylluy kanqanku.

Ezequiel 39:22

Chay p'unchaymantapacha ñaupajman Israel aylloqa noqa Señor Diosnin kasqayta yachanqa.

Isaías 53:6

Tukuyninchej ovejas jina chinkaraporqanchej, sapa ujpis ñanninkutakama riporqanku. Chaywampis Señorqa tukuyninchejpa juchasninchejta payman q'epiricherqa.

Isaías 45:18

Janaj pachata ruwaj Señorqa, payllataj Dios kay jallp'ata ruwaj, chay ruwasqanta sumajta sayachej, manataj qhasipajchu chay imasta ruwaj, chaypi tiyakunankupaj ruwajqa, nin: Noqamin Señorqa kani, noqamanta astawan wajqa mana kanchu.

Isaías 44:8

Qankunaqa ama iskayrayaychejchu, amataj manchachikuychejchu. Noqaqa unaymantapachaña uyaricherqaykichej, nerqaykichejtaj imachus kananta. Chaymanta qankunaqa mana llullakuwajchejchu. Noqamanta astawan waj diosqa manapuni kanchu; mana waj pakakunaqa kanchu; manapuni pitapis rejsinichu.

Isaías 45:6

tukuy yachanankupaj intej llojsimuyninmanta, intej chinkaykuyninkama, noqamanta astawanqa mana waj dios kasqanta. Noqa k'atalla Diosqa kani, astawanqa mana kanchu.

Isaías 49:23

Reyqa kanqanku uywaqe tatayki jina, reinapis mamayki jina. Paykunaqa pampaman umankuta chayachinankukama qanman qonqorikusonqanku, chakisniykipi jallp'as kajtapis qallunkuwan llajwasonqanku. Ajinapi qanqa yachanki noqa Señor kasqayta, noqapi atienekuwajkunaqa mana jayk'ajpis p'enqaypi rikhurerqankuchu.

Ezequiel 37:6

Ankusta churaykusqaykichej, aychawantaj junt'arachisqaykichej, chantá qarachasqaykichej, chaymantaj kausay samayta churasqaykichej, chay jinamanta watejmanta kausankichej. Chaypacha yachankichej noqa Señor kasqayta.

Sofonías 3:11

Munasqa runasníy, jaqay p'unchaykunapeqa, mana p'enqakunkichejñachu, ni mayqen sajra ruwasqaykichejmantapis, contraypi sayarejtiykichejpis. Chaypachaqa jatunyakojkunata, mana respetoyojkunata ima, qankuna chaupimanta wijch'usaj. Manataj jayk'ajpis ujtawan wapuykachankichejchu llimphu orqoypi.

Números 11:29

Moisestaj payman kuticherqa: Qanqa chaytapis jark'aytachu munashanki? Allin kanman, Señorqa tukuynin israelitasman espirituta qonan, ajinamanta Diospa sut'inchajnin kananupaj!

Números 23:21

Ni pipis Israelpeqa ch'aukiyayta tarinchu, nitaj ima sajrata chay Jacobpa wawasnimpi. Señor Diosninkoqa paykunawan kashan, paykunaqa ninku Señorqa reyninku kasqanta.

Proverbios 1:23

Uyariwaychej k'amisqasniyta, noqa yachaywan junt'achisqaykichej, imatachus yuyasqasniyta rejsichisqaykichej.

Isaías 44:3

Noqaqa ch'aki pampaspi yakuta phullchichisaj. Ch'aki jallp'aspipis yakuta puririchisaj. Mirayniykiman Espirituyta apachimusaj. Allin imastataj apachimusaj.

Isaías 46:9

Yuyarikuychej ari ñaupamantapacha imaschus kasqanta. Noqalla Diosqa kani. Noqamanta astawan waj mana kanchu, manataj kanchu ujllapis noqaman rijch'akojqa.

Ezequiel 39:29

Manañataj ujtawampis israelita runasmanta uyayta pakaykukusajchu, imaraykuchus Espirituyta paykunaman jich'amusaj, nin Señorqa.