Joel 2:23 - Qheshwa Biblia DC

²³ Sión orqopi tiyakojkuna, mayta kusikuychej! Kusikuychej Tukuy Atiyniyoj Señor Diosniykichejpi. Paymin parachimusunkichej maychus kaj tiempompi. Parachimusonqachejtaj chiri tiempopi, jinallataj q'oñi tiempopipis, Imaynachus ñaupa tiempopi kaj ajinata.

DIOSPA QHELQACHISQAN DEUTEROCANONICAL

²³ Sionpi tiyakojkuna, mayta kusikuychej. Kusikuychej Tata Diosniykichejpi. Paymin maychus tiemponpi parachimusonqachej. Paymin ñawpaj kaj parata, qhepa kaj paratapis parachimusonqachej, ñawpaj tiempopi jina.

DIOSPA QHELQACHISQ

²³ Sionpi tiyakojkuna, mayta kusikuychej. Kusikuychej Tata Diosniykichejpi. Paymin maychus tiemponpi parachimusonqachej. Paymin ñawpaj kaj parata, qhepa kaj paratapis parachimusonqachej, ñawpaj tiempopi jina.

Joel 2:23 Referans Kwoze

Filipenses 4:4

Kusikuychejpuni Señorpi. Ujtawan niykichej, kusikuychej.

Oseas 6:3

Atisqanchejta kallpachakunachej Señorta rejsinanchejpaj! Señor jamonqapuni noqanchejman, imaynatachus inteqa cheqamanta llojsimunampuni kashan ajinata, chayri imaynatachus paraqa jallp'ata qarpanampuni kashan tiempompeqa, ajinata.

Isaías 41:16

Chaymantaqa wayrachinki, wayrataj apakaponqa, muyoj wayrataj kayman jaqayman t'akaranqa. Qantaj Señorpi kusikunki. Israelpa Santo Diosninmantataj mayta kusisqa yuyarikunki.

Salmos 149:2

Israel ayllu ruwajnimpi kusikuchun, Sión llajta reynimpi qhochukuchun.

Filipenses 3:1

Kunanqa hermanos, kusikuychej Señorpi. Noqapajqa mana imachu escribimusqayqa kikin kikinta, imaraykuchus qankunapaj sumaj allin kasqanrayku.

Zacarías 10:1

Señormanta mañaychej ñaupaj parasta, Señortaj pichus lliuj q'ajkunasta ruwan, payllataj ashkhata parachimusonqachej, tukuypajtaj campopi qhorasta wiñachenqa.

Salmos 28:7

Señormin sinch'i jark'awajneyqa. Paypi atienekorqani, paytaj yanapawarqa. Sonqoy kusisqa kashan. Chayrayku Señorman takisaj, agradecekusajtaj.

Isaías 30:23

Señorqa chajrasniykipaj parachimonqa, jallp'aman tarpojtiykikama. Jallp'ataj tarpojtiykikama trigota sumajta poqochenqa. Chaypacha wakasniykeqa sumaj pasto pampaspi michisqa kanqanku.

Deuteronomio 32:2

Yachachisqayqa para jina jich'akamonqa, yuyasqayqa chhulla jina kanqa, qhora patapi chhillchi jina, ch'iki patapi yaku sut'ushaj jina.

Deuteronomio 28:12

Señorqa qhapaj kaynin janaj pachata kicharipusonqachej, tiempompitaj jallp'aykichejman parachimonqa, tukuy ruwasqasniykichejtataj ñaupajman pusanqa. Qankunaqa ashkha nacionesman manuyta atinkichej, qankunataj ni pimanta manunkichejchu.

Filipenses 3:3

Noqanchejqa cheqamanta circuncisionmanta kanchej, imaraykuchus Diosta yupaychanchej Espirituman jina; kusikunchejtaj Cristo Jesuspi kasqanchejmanta, manataj chay circuncisionkunaspichu confianchej.

Zacarías 10:7

Efraenqa uj soldado jina kanqa. Sonqonqa vinowampis kashanman jinata kusikonqa. Chayta rikuspari wawasnimpis kusirikullanqankutaj. Sonqonqa kusikonqa Señorrayku!

Jeremías 5:24

Mana unancharerqankichejchu, nitaj nerqankichejchu: Señor Diosninchejta manchachikunachej, payqa maychus tiempompi paratapis apachimuwanchej, ñaupaj parasta, qhepa parastapis. Cosechata oqharinapajtaj uj tiempota wakichipuwanchej.

Salmos 104:34

Yuyasqasniy paypaj sumaj kachun; payllapi tarini kusikuyta.

Jeremías 3:3

Chayraykumin paraqa mana kanchu, ch'aki tiempopi, jinataj q'omer tiempopipis. Qanqa uj qhencha warmiman rijch'akoj kashanki, ni uj chhikanta p'enqarikuspa.

Isaías 61:10

Noqaqa Señorniypi mayta kusikusaj, almaypis mayta Diosniypi kusikonqa, imaraykuchus payqa salvación p'achawan p'achallichiwan, justiciawan qhataykuwan, uj casarakoj runata jina, casarakoj warmita jinataj faluchosninwan sumaj k'achan ch'asqata.

Isaías 30:21

Chantaqa wasaykipi kay palabrasta nishajta uyarinki: Kaymin cheqan ñanqa; chayninta riy, ama pantaychu pañaman, nitaj lloq'emampis.

Proverbios 16:15

Reypa kusiynenqa kausaymin, runaj khuyakuynintaj yakuyoj para phuyu jina.

Salmos 32:11

K'acha runas, Señorpi kusikuychej, kusikuywantaj qhapariychej allin yuyayniyojkuna.

Job 33:23

Sichus runaj qayllampi uj ángel kanman, waranqamanta ujllapis paypa allinninta parlanman, willanmantaj imachus ruwanan kasqanta,

Zacarías 9:9

Siompi kaj llajta sinch'ita kusikuy! Jerusalén llajta, takiy kusiywan Reyniyki may justotaj atiyniyojtaj jamusunki, uj llamp'u sonqo jina burropi lloq'asqa. Chay burritoqa, china burroj uñan.

Amós 4:7

Paratapis manallataj parachimporqaykichejchu, kinsa killa junt'ata manaraj cosecha kashajtin. Uj llajtaman parachimorqani, uj llajtamantaj mana; wakin chajraspaj paracherqani, wakimpajtaj mana, chaynejta ch'akipunku yakumanta jina.

Lamentaciones 4:2

Sión llajtapi tiyakojkunaqa may sumajpaj qhawasqas karqanku, sumaj kaj qorimantapis aswan munasqas. Kunanqa kashanku uj mankeroj t'urumanta ruwasqan jinalla, mana allimpaj qhawasqas.

Zacarías 9:13

Ña maqanakupaj uj k'uruta ruwaniña chaytaj Judapaj kanqa. K'urumantaj uj flechata churaniña chaytaj Efraimpaj kanqa. Qanmantataj Sión espadata ruwasaj. Wawasniykita oqharichisaj Greciaj wawasnimpa contrampi.

Hechos 14:17

Chaywampis Diosqa, allinta runaswan rejsichikorqa: Sumajta ruwaspa, parata apachimun, chajrasta tiempompi poqochin, mikhuna patapi uywasunkichej, sonqoykichejtataj kusiywan junt'achin.

Salmos 84:6

Waqay llakiy valleta pasashaspa, yaku juturiman tukuchenqanku, parataj tukuy allinkunawan junt'achenqa.

Job 37:13

Kaytaqa Dios apachimun jallp'ata jasut'inampaj, wakin kutispitaj apachimun munakuyninta rikuchinanrayku.

Salmos 147:8

Payqa cielota phuyuswan junt'achin. Pay jallp'apaj parata wakichin. Pay orqospi qhorasta wiñachin.

Ezequiel 34:26

Ovejasniytaqa santo lomaypa muyuyninman churasaj, tukuy ima junt'asqasta tiyachisaj. Tiempompi parachimusaj, chay parataj paykunaj allinnimpaj kanqa.