Joel 2:11 - Qheshwa Biblia DC

¹¹ Señorqa ejercitompa ñaupaqempi kashan. Jatun qhapariynintataj uyarichin. Soldadosnenqa may ashkhapuni kanku. Kamachisqasninta junt'ajkunataj mana yupay atinas kanku. May jatun, manchachikunataj Señorpa p'unchaynenqa! Mana kanchu pipis ñaupaqempi sayarejqa.

DIOSPA QHELQACHISQAN DEUTEROCANONICAL

¹¹ Tata Diosqa soldadonkunaj ñawpaqenkupi purispa, qhon qhon jina kamachisqanta uyarichin. Soldadonkuna may ashkhapuni kanku, kamachisqanta junt'ajkunataj may atiyniyoj kanku. Tata Diospa p'unchaynenqa manchay t'ukuna, manchachikunataj. Manataj pipis ñawpaqenpi sayayta atej kanchu.

DIOSPA QHELQACHISQ

¹¹ Tata Diosqa soldadonkunaj ñawpaqenkupi purispa, qhon qhon jina kamachisqanta uyarichin. Soldadonkuna may ashkhapuni kanku, kamachisqanta junt'ajkunataj may atiyniyoj kanku. Tata Diospa p'unchaynenqa manchay t'ukuna, manchachikunataj. Manataj pipis ñawpaqenpi sayayta atej kanchu.

Joel 2:11 Referans Kwoze

Malaquías 3:2

Chanta, Señor jamonqa chay p'unchaypi, pitaj aguantayta atenqarí? Pitaj ñaupaqempi sayariyta atenqa Pay rikhurimojtinrí? Imaraykuchus chayamonqa nina kikin, ch'uwachanawanchejpaj, jabón jinataj jucha ch'ichinchejta pichanawanchejpaj.

Nahúm 1:6

Phiñakuynimpiri, pitaj sayasqallapipuni kanmanri? Pitaj chay phiñakuyninta ñak'ariyta atinmanri? Sinch'i phiñakuynenqa nina jinapuni t'akarikamun, ñaupaqempeqa qaqaspis iskayman lajrarikunku.

Apocalipsis 18:8

Chayrayku uj p'unchayllapi ñak'ariykunasnin jamonqanku: Wañuy, waqay, yarqhaytaj. Chantá ninwantaj ruphasqa kanqa. Atiyniyoj Dios Señorqa payta juchachan.

Apocalipsis 6:17

Paypa k'ajaj phiñakuynimpa jatun p'unchaynin chayamunña. Pitaj atenqa sayaytari?

Joel 3:16

Maypachachus Señorqa uyarichimonqa jatun qhapariyninta, Jerusalempi Sión orqomantapacha chaypachaqa, janaj pacha, jinallataj jallp'apis kharkatiyta qallarinku. Chaywampis Señorqa waqaychajnin jark'ajnintaj kanqa israelita runaspaj, paykuna ayllun kasqanrayku.

Jeremías 30:7

Uj jatun ñak'ariy p'unchay qayllamun, chay jina p'unchayqa mana ujtawan kanqachu. Uj llakiy p'unchaykuna Jacobpa ayllumpaj kanqa, chaywampis salvakonqa.

Salmos 46:6

Tukuy llajtas qhaparinku, kamachejkunapis kharkatinku, jallp'apis unuyan pay parlarejtin.

Amós 5:20

Arí, Señorpa jamunampeqa laqha tutalla kanqa, mana k'anchayqa kanqachu; laqha kanqa, manapuni imaynamantapis sut'imonqachu.

Joel 1:15

Way, Señorpa p'unchaynin qayllamushanña! Chay jatun manchachej p'unchayqa tukuy atiyniyoj Diosmanta t'unaykuyta apamushawanchej!

Jeremías 50:34

Jinapis chay kacharichejnenqa may kallpasapamin, sutintaj Tukuy Atiyniyoj Señor. Paymin cheqanchanqa; sonqo tiyasqa kaytapis jallp'ankuman apamonqa. Babiloniapi tiyakojkunaman manchachikuyllata apachimonqa.

Isaías 42:13

Señorqa atipaj runa jina rikhurimonqa, ch'ajwapi maqanakoj runa jina phiñakonqa, jatunmanta manchayta qhaparispa enemigosninta atipanampaj.

Isaías 13:4

Orqospeqa ch'ajway uyarikun, ashkha runaspis ch'ajwashankuman jina. Chaypi uyarikun ashkha runaspa ch'ajwasqanku, ashkha nacionespa tantakuspa ch'ajwasqanku. Tukuy Atiyniyoj Señor soldadosninta maqanakupaj yupan.

Números 24:23

Chaymanta kaytañataj parlarqa: Ay! Pitaj kausanmanri kay imasta Dios ruwashajtinri?

Joel 2:31

Inteqa laqhaman tukonqa. Killataj yawarman jina tukonqa. Chay p'unchayqa mayta mancharinapaj jina Señorpa jatun p'unchay kanqa.

Jeremías 25:30

Qan, Jeremías, sutiypi kay tukuyta willaray, niytaj: Señorqa chay sinch'i qhapariyninta kachaykamun, maypichus llimphu tiyakunan chay patamantapacha. Uvasta ch'irwajkuna jina qhaparin, paypa ayllumpa contranta, tukuy jallp'api tiyakojkunaj contrampiwan.

Amós 5:18

Ay, phutiy, pikunachus Señorpa p'unchaynin chayamunallantaña munashanku chaykunamanta. Yachankichejchu imaynachus chay p'unchay qankunapaj kananta? Chay p'unchayqa laqha p'unchay kanqa, mana p'unchaychu.

Amós 1:2

Nerqataj: Sión orqomanta Señor musphayta qhaparimojtin, chantá Jerusalenmantawan chaypacha, ch'iki jallp'as ch'akiponqa, Carmelo orqo puntaspis astawan ch'akenqa.

Joel 2:25

Señorqa nin: Noqa kutichipusqaykichej pasaj wataspi pierderqankichej chaypa cuentanmanta. Chaypachaqa noqa kachamorqaykichej langostastaqa uj ejercitota jina, chajrasniykichejta t'unaykunampaj.

Ezequiel 22:14

Noqa contraykita jatarisaj chaypachaqa, sonqoyki wapuchakuwanqachu? Makisniykipis kallpayojllapunichu kanqanku? Noqa Señormin chayta nini, junt'asajpunitaj.

Isaías 7:18

Chaypacha Señorqa Egipto karu mayusmanta runasta ch'uspista jina wajyanqa, Asiriamantataj abejasta jina.

1 Tesalonicenses 4:16

Kikin Señorpuni kamachej qhapariywan, arcangelpa qhaparisqanwan, Diospa pututunwantaj janaj pachamanta uraykamonqa, Cristopi wañojkunataj ñaupajta kausarimonqanku.

Joel 1:6

Imaraykuchus langostasqa, uj atiyniyoj ejército jina, yupay mana atinataj, llajtayman junt'aykamunku, paykunaj kirusninkoqa orqo leompata jina, kolmillosninkuta china leompata jina.

Joel 2:1

Sión orqopi putututa waqachiychej. Señorpata kaj llimphu orqompi sinch'ita putututa waqarichiychej. Judá llajtapi tiyakoj runas tukuyniykichej kharkatitiychej. Imaraykuchus, Señorpa p'unchaynenqa qayllapiña kashan.

Joel 2:2

Chay p'unchayqa tuta, laqhataj. Phuyusqa p'unchay, llanthusqataj kanqa. May atiyniyoj, yupay mana atinataj orqos pataman mast'alla junt'aykamunku, sut'iyayta jina k'ancharispa. Chayman rijch'akojqa mana jayk'ajpis karqachu, nitaj jayk'ajpis kanqañachu.

Joel 3:14

Decidikuna Vallepeqa, manchay ashkhapuni kashanku. Señorpa p'unchaynenqa qayllamushanña.

Abdías 1:15

Wajkunata chay kikin ruwasqasniyki jinallatataj qanwampis ruwakonqa. Chay ruwasqasniykiman jina jap'ikapunki! Qallapiñamin kashan tukuy nacionespaj Señorpa p'unchaynenqa.

Salmos 18:14

Flechasninta lliuj lliujkunasnintawan kachaykun, enemigosnintataj ch'eqerachispa ayqerachin.

Salmos 68:18

Diosníy, puntanman wicharerqanki presochasqasta apaspa. Runas jaywasorqanku chaytataj jap'ikorqanki. Contraykipi sayaykojkunapis ñaupaqeykipi k'umuykukunku.