Joel 1:4 - Qheshwa Biblia DC

⁴ Langostasqa tukuy chajrasta mikhuykaporqanku. Puchojkunatarí, waj langostasñataj jamuspa mikhuykapullarqankutaj.

DIOSPA QHELQACHISQAN DEUTEROCANONICAL

⁴ Phinki phinki khurukunaqa tukuy chajrakunata tukuykorqanku. Puchojtarí, uña phinki phinkikuñataj mikhuykorqanku, chaymanta puchojtataj jatun phinki phinkiñataj mikhukapullarqataj.

DIOSPA QHELQACHISQ

⁴ Phinki phinki khurukunaqa tukuy chajrakunata tukuykorqanku. Puchojtarí, uña phinki phinkikuñataj mikhuykorqanku, chaymanta puchojtataj jatun phinki phinkiñataj mikhukapullarqataj.

Joel 1:4 Referans Kwoze

Joel 2:25

Señorqa nin: Noqa kutichipusqaykichej pasaj wataspi pierderqankichej chaypa cuentanmanta. Chaypachaqa noqa kachamorqaykichej langostastaqa uj ejercitota jina, chajrasniykichejta t'unaykunampaj.

Amós 4:9

Q'oñi wayrawan jasut'erqaykichej, chajrasniykichejtapis khuruykucherqani, huertasniykichejta ch'akicherqani, jinallataj uvasniykichejtapis. Langostaswan mikhuracherqani higos sach'asniykichejta, olivo sach'asniykichejta ima. Qankunataj noqaman mana kutirimuwankichejchu. Ajinata ni Señorqa.

Amós 7:1

Kayta Señor Dios rikuchiwarqa: Pay uywasqa langostasta qhepa tarpuy p'utuyta qallarishajtin, chay tarpuytaj qhepamanraj reypa cosechampaj karqa.

Isaías 33:4

Enemigosnenqa langostas jina urphurimonqanku, tukuynejmantataj correnku tukuy imasninkuta suwanankupaj.

Salmos 78:46

Poqochisqankuta khuruswan mikhucherqa, llank'asqankutataj langostaswan.

Éxodo 10:4

Manapuni saqenki llojsejta chayqa, q'ayapacha langostasta kachamusaj llajtaykiman.

Jeremías 51:14

Tukuy Atiyniyoj Señorqa kausayninrayku juran: Enemigosniykiwan, langostaswan jina junt'aykuchisqayki, paykunataj qanta atipaykususqankurayku tarikonqanku, nispa.

Salmos 105:34

Dios parlarqa, langostastaj rikhurerqanku; chay chhika mana yupay atinapuni karqanku.

2 Crónicas 7:13

Sichus apachimuyman uj ch'akiyta, manataj saqeymanchus paramunanta, chayri langostasta jamuchiyman camposta q'araykunankupaj, chayri aylluyman uj onqoyta apachimuyman chayqa, sitajchus sutiyta apan chay aylloyqa k'umuykakamuwanman, mañakamuwanman, mask'awanman, saqenmantaj sajra puriyninta chayqa, chaypacha noqa janaj pachamantapacha uyarisaj, juchasninmanta perdonasaj, jallp'ankumampis allin kayta kutichisaj.

Deuteronomio 28:38

Jallp'asniykichejpi ashkhasta tarpunkichej, pisistataj cosechasta oqharinkichej, imaraykuchus langostaslla mikhukaponqanku.

Jeremías 51:27

Wiphaylata pataman oqhariychej maqanakoj yaykunaykichejpaj. Putututa waqachiychej, runasta tantaychej Babiloniata jap'ikapoj yaykunaykichejpaj. Paypaj contrampi Araratmanta, Minimanta, Askenazmantawan runasta tantaychej. Ajllaychej uj kuraj kamachejta tukuy reykunata pusanampaj. Phiñarisqa langostasta jina caballospi rejkunata kachaykuychej.

1 Reyes 8:37

Sichus kay jallp'api kanman yarqhay, chajra qhawiy, chajraspi onqoy, langostas, t'una khuruspis; sichus enemigosninku llajtasninkuta muyuykuspa maqaj sayaykunkuman, ima llakiyllapis onqoypis jamojtenqa, tukuy imata mayta mañakusqankuta mayqennillankupis, chayri tukuynin Israel llajtaykipis, pillapis sonqompi phutisqa kaspa, makisninta kay wasiman aysarisqa jamusunkiman chayqa, qan janaj pachamanta uyarimunki ari, maypichus tiyakunki chaymantapacha, perdonankitaj, sapa ujninkuman kausasqankuman jina qospa, imaraykuchus qanllamin tukuy runaspa sonqonkuta, tukuy yuyasqankutapis rejsinki.

2 Crónicas 6:28

Kay jallp'api yarqhay kajtin, chayri onqoypis kajtin, chayri ruphaywan sach'as ch'akirapunkuman, chayri sach'aspi onqoy rikhurinman, chayri langostaspis, chayri t'una khuruspis; chayri enemigospis llajtasniykuta muyuykamuspa maqajtaj sayaykuwankuman chayqa, chayri ima llakiypis onqoypis kajtenqa. Tukuy mañakamususqankuta, majakamususqankutapis mayqen runallapis, chayri kikin aylluyki Israelpis llakiynimpi, chayri nanaynimpi mañakamuspa kay wasiman makisninta aysarimunman chayqa, qan janaj pachamantapacha paykunata uyarinki tiyakushanki chaymantapacha, qan perdonapunki, sapa ujninkumantaj ruwasqankuman jina qopunki. Qanllamin rejsinki, yachankitaj runaj yuyayninta sonqontapis.

Deuteronomio 28:42

Tukuy sach'asniykichejta, jallp'asniykichejpa poqoynintapis onqoy chinkachenqa.

Éxodo 10:5

Urphurimuspataj q'osñi jina jallp'ata tapaykonqanku, mikhonqankutaj imaschus qhepakorqa granizoj t'unasqasninmanta chaykunata. Jinallataj mikhonqanku campo sach'asta.

Malaquías 3:11

Mana saqesajchu ni ima sajra khurus tukuykunanta chajrasniykichejta, uvas sach'asniykichejtapis.