Job 9:8 - Qheshwa Biblia DC

⁸ Pay sapallan cielota sayachin, mar qocha patata purin.

DIOSPA QHELQACHISQAN DEUTEROCANONICAL

⁸ Pay sapallan janajta toldota jina aysarqa, mama qochaj qhollchoqeyasqan patapitaj purin.

DIOSPA QHELQACHISQ

⁸ Pay sapallan janajta toldota jina aysarqa, mama qochaj qhollchoqeyasqan patapitaj purin.

Job 9:8 Referans Kwoze

Isaías 44:24

Manaraj naceshajtiyki ruwasoj salvajniyki Señorqa ajinata nin: Noqa, tukuy imata ruwaj Señorqa kani. Noqa cielota qhatatatani, jallp'atapis sumajta sayachini ni pejpa yanapasqan.

Isaías 40:22

Payqa kay pachamanta aswan patapi tiyasqa kashan. Chaymanta qhawarimun runasta, t'intis jinallata. Kay toldota cielota jina aysan. Chay toldotaqa runa tiyakunampaj jina qhataykun.

Zacarías 12:1

Kayta, Israelmanta Señor parlarqa: Señor pichus janaj pachata aysarqa, kay pachatapis sayacherqa, runamampis kausayta qorqa, ajinata nisunkichej: Qhaway, Jerusalenqa uj vinoyoj vasota jap'enqa; tukuy qayllampi kaj llajtakunatataj machaykuchenqa. Maypachachus chaykuna Jerusalenman maqanakoj yaykonqanku chaypacha, Judamanta kaj waj llajtasmampis yaykullanqankutaj.

Job 37:18

Janaj pachata ruwayta qanqa Diosta yanaparqankichu, metalmanta espejota jina sayachispa?

Jeremías 10:11

Qankuna, Israelitas, niychej lantista yupaychajkunaman: Chay dioskunaqa mana kay pachata, nitaj janaj patatapis ruwarqankuchu, chaykunaqa kay pachamanta chinkarenqanku, mana ujllapis janaj pachaj urampeqa qhepakonqañachu.

Salmos 33:6

Cielota, tukuy chaypi kajtapis, Señorqa palabranwan ruwarqa, simimpa samayninwan imalla.

San Juan 6:19

Uj legua kurajta jina botepi risqankumantaña, Jesusta rikorqanku yaku patanta boteman qayllaykamushajta, mancharikorqankutaj.

Isaías 42:5

Pichus janaj pachata ruwaj, jatunman aysajtaj, kay jallp'ata ruwaj, chaypi poqojkunata ima; chay jallp'a patapi tiyaj runasman kausayta qoj; pichus chay jallp'api purejman samayta qoj, Señor Diosqa ajinata nin:

Job 38:16

Mar qochaj ukhunman, maykunamantachus yaku ch'illchimushan chayman chayarqankichu? Chay laqhayasqa ukhunta qhawarispa purerqankichu?

Job 38:11

Chaypi nerqani: Kaykamalla junt'anki, kaymanta astawanqa amaña pasankichu; kayllapi oqharikuspa jamusqaykeqa ch'allpakonqa.

Salmos 77:19

Mar qochapi ñanta kicharerqanki, ashkha yakustataj pasarqanki, nitaj pipis lastroykita tarerqachu.

Génesis 1:1

Qallariypeqa Dios janaj pachata kay pachatawan ruwarqa.

Job 26:7

Diosqa janaj pachata sayachin ch'usaj kaj patapi. Jallp'ata mana imallaman warkhuykun.

Job 26:13

Ujta phukuspa janaj pachata picharparin, makinwan q'allpispa chay llusp'iy katarita wañuchin.

Isaías 51:13

Ruwasojniyki Señortaqa qonqapunkiñachu, janaj pachata qhatatajmanta, jallp'atapis sumajta sayachejmanta? Qanqa tukuy p'unchaynintin manchachikuspallapuni kanki, pichus llakichisuspa, phiñakuspataj chinkachisuyta munarqa chaymanta. Kunan maytaj chay jinata llakichisuspa purej runaj phiñakuyninri?

Jeremías 10:12

Señorqa atiyninwan kay pachata ruwarqa, yachayninwantaj mundota sayacherqa, yachayniyoj kasqanwantaj janaj pachatapis aysatatarqa.

Jeremías 51:15

Señorqa atiyninwan kay pachata ruwarqa, yachayninwan kay pachata sayaykucherqa, yuyayninwantaj janaj pachata aysatatarqa.

1 Crónicas 16:26

Waj ayllumanta runaspa dioskunasninkoqa mana imachu kanku. Señorqa tukuy janaj pachakunata ruwarqa.