Job 9:4 - Qheshwa Biblia DC

⁴ Diosqa sumaj yachayniyoj, may atiyniyoj kallpasapataj. Pitaj paywan maqanakoj llojsinman, atipanmantajri?

DIOSPA QHELQACHISQAN DEUTEROCANONICAL

⁴ Diosqa may yachayniyoj, may atiyniyojtaj. Pitaj Diosman sayaykuspa, llimphu llojsiyta suyanmanri?

DIOSPA QHELQACHISQ

⁴ Diosqa may yachayniyoj, may atiyniyojtaj. Pitaj Diosman sayaykuspa, llimphu llojsiyta suyanmanri?

Job 9:4 Referans Kwoze

Job 36:5

Diosqa may jina yachayniyoj, jatun atiyniyojtaj, mana juchayoj kajtaqa mana qhesachanchu.

Efesios 3:20

Diosqa tukuy imata ruwayta atin, mañakusqanchejmantapis aswan ashkhataraj, jinallataj yuyaychakusqanchejmantapis noqanchejpi atiynin kasqanman jina.

Efesios 3:10

Diospa tukuy imaymana yachaynin, kunan rejsichisqa kachun iglesiasnejta kamachejkunaman, janaj pachapi atiyniyojkunamampis.

Proverbios 29:1

Pichus k'amejtinku sonqonta rumiyachejqa, ujllata chinkayman renqa mana ujtawan kutirimuyniyojta, jinamanta paypajqa manaña jampi kanqachu.

Job 9:19

Sichus atiyninmanta parlasunman chayqa, cheqamanta payqa sinch'i atiyniyoj. Demandaman wajyachisunman chayqa, pitaj Payta wajyachimunmanri?

Efesios 1:19

Mayqentajchus noqanchej creejkunapaj karqa chay atiynimpa jatun kaynin. Chay atiytaqa Dios rikucherqa runasman jina manchay atiywan, kallpawantaj, Cristota wañusqasmanta kausarichimuspa, janaj pachapi pañanman tiyaykucherqa.

Efesios 1:8

Ajinapi Dios atipachiwarqanchej tukuy yachaypi, yuyaypi ima.

1 Corintios 10:22

Chayri munanchejchu Señorta phiñachiyta? Chayrí astawan atiyniyojchu kanchej paymanta?

Romanos 11:33

May jina jatumpunichus Diospa qhapaj kaynin, yachaynin, rejsiynimpis. Mana yachay atina yuyasqampis, jinallataj ñankunasnimpis.

Proverbios 28:14

Kusikuyniyojmin Señorta manchachikojpuni runaqa. Pichus mana allinta kasukojrí mana allinman chayanqa.

Salmos 136:5

Sumaj yachaywan janaj pachata ruwajman, khuyakuynin wiñaypaj kasqanrayku.

Salmos 104:24

Señor, ruwasqasniykeqa may chhika. Tukuy imata yachayniykiwan ruwarqanki. Jallp'aqa ruwasqasniykiwan junt'a kashan.

Job 40:9

Qanqa noqa jina atiyniyojchu kanki? Qampa qhon qhon parlayniyki noqaj qhon qhon parlayniy jinachu?

Job 12:13

Diosqa yachayniyoj atiyniyojtaj, pay yachan imaynatachus sumaj yachaywan imastapis wakichisqanta.

Job 11:6

Pay yachachisunkiman yachaypa pakay imasinmanta, mayqenkunachus mana yachayta atikunchu. Ajinapi yachawaj Diosqa manaraj juchaykiman jinachu jasut'isusqanta.

Job 6:10

May jinata ñak'arichiwajtimpis, noqapajqa may kusiy kanman; noqaqa Diospa leyninta waqaychanipuni.

2 Crónicas 13:12

Kayta yuyarikuychej Diosqa noqaykuwan kashan kamachejniyku jina. Sacerdotesnintaj wakisqaña kashanku trompetaswan, contraykichejpi qankunawan maqanakunaykupaj. Chayrayku qankuna Israel ayllumanta kajkuna ñaupa tatasniykichejpa Señor Diosnimpa contrampi ama maqanakuychejchu, imaraykuchus paytaqa mana atipawajchejchu.

Job 23:6

Diosqa mana atiyninwanchu parlawanman; manachayqa allillanta uyariwanman.

Job 24:22

Diosqa atiyniyoj runasta manchay kallpanwan urmarparichin. Sichus Dios makinta oqharin chayqa, manaña pipis kausayta atinchu.

Job 25:2

Diosqa manchay jatun atiyniyoj, manchachikunataj; Payqa janaj pachapi sonqo tiyakuyninta sayachin.

Job 28:23

Diosqa yachaypa ñanninta rejsin; Paylla yachan maypichus tarikunanta.

Job 37:23

Tukuy Atiyniyojmantaqa mana yachayta atisunmanchu; Payqa manchay atiyniyoj, cheqantaj; Payqa cheqanta imatapis ruwan mana pitapis sarullanchu.

Job 38:36

Pitaj yachayta qorqari ibis nisqa piliman, chayri galloman ima?

Job 38:37

Pitaj chay jina yachayniyoj kanman mashkhachus phuyus kasqanta yachanampaj? Pitaj paramunampaj chay phuyumanta yakuta jich'amuyta atinmanri?;

Jeremías 50:24

Babilonia llajta, qampaj tojllata churarqani, mana allinta qhawakusqaykiraykutaj chayman urmaykorqanki. Chaypi presochasqa qhepakorqanki, Señorpa contrampi oqharikusqaykirayku.

Éxodo 9:7

Faraonqa israelitaspa uywasninta qhawarejta kacharqa, nitaj uj wañusqatapis tarerqankuchu. Chaywampis faraonqa sonqonta rumiyachillarqapuni, manapuni israelitasta kacharerqachu.

Éxodo 15:7

Qanqa jatun atiyniykiwan chinkarparichinki contraykita oqharikojkunata, chayri qanwan maqanakuyta munajkunata. K'ajaj phiñakuyniyki trigo pajata jina q'olarparin.

2 Crónicas 20:6

Nerqataj: Ñaupa tatasninkoj Señor Diosnin, qan janaj pachamanta Dios kanki, qan kamachinki tukuy nacionesta. Makisniykipi kashanku kallpapis, atiypis: Mana pipis ñaupaqeykipi sayaykuyta atinmanchu.

Job 15:13

Imajtintaj jinatapuni Diospaj phiñakunkiri? Mana reparayniyojtataj rimankiri?

Job 41:2

Senqanmanta wasqhawan watuchayta atiwajchu, chayri uj ganchowanchu k'akinmanta watuchawaj?

Isaías 45:9

Pichus ruwajninwan churanakojqa imanallanqachus! T'urumanta ruwasqakamalla k'aminakuyta atinkumanchu? T'uru mankaqa ruwajninta ninmanchu: Imata ruwashanki, chayri ninmantajchu ruwasqaykeqa mana allinchu, nispa?

Nahúm 1:3

Señorqa llamp'u sonqo jinapis may atiyniyoj, chayrayku juchallejkunataqa jasut'enqapuni. Sinch'i loco para kajtimpis Señorqa purillan, phuyuspis chakisnimpeqa jallp'a jinalla.